ಫಂಗಲ್ ಸೋಂಕಿನಿಂದ ಮೂಗು ಕಳೆದುಕೊಂಡ ವ್ಯಕ್ತಿ..! ಮುಖವೆಲ್ಲ ತಿನ್ನುವ ಈ ಸೋಂಕಿನ ಬಗ್ಗೆ ಗೊತ್ತಾ?

ವರ್ಷಗಳು ಉರುಳಿದಂತೆ ಹೊಸ ಹೊಸ ರೂಪದ ಕಾಯಿಲೆಗಳು ಮನುಕುಲವನ್ನು ಕಾಡತೊಡಗಿವೆ. 5, 10 ವರ್ಷದ ಹಿಂದೆ ಇಲ್ಲದ ಅದೆಷ್ಟೋ ಕಾಯಿಲೆಗಳು ಈಗ ಜಗತ್ತಿನ ನಿದ್ದೆಗೆಡಿಸಿವೆ. ಅದರಲ್ಲೂ ವೈರಸ್ ಮೂಲಕ ಹರಡುವ ಹೊಸ ಹೊಸ ರೋಗಗಳು ಪತ್ತೆಯಾಗುತ್ತಲೇ ಇವೆ.

ಕಳೆದೆ ಮೂರು ಮೂರ್ನಾಲ್ಕು ವರ್ಷದ ಹಿಂದೆ ಪತ್ತೆಯಾಗಿದ್ದ ಕೋವಿಡ್ ವೈರಲ್ ಇದಕ್ಕೆ ಉದಾಹರಣೆ ಎನ್ನಬಹುದು. ಕೋವಿಡ್ ಬಳಿಕ ಅದರ ಜೊತೆ ಹಲವು ಸೋಂಕು ಕಾಣಿಸಿಕೊಂಡಿವೆ. ಅದರಲ್ಲೂ ಫಂಗಸ್ ಇನ್ಸ್‌ಸ್ಪೆಕ್ಷನ್ ಮತ್ತು ಕಪ್ಪು ಶಿಲೀಂದ್ರ ಸಮಸ್ಯೆ ಸಹ ಕಾಣಿಸಿಕೊಂಡಿತ್ತು. ಹೀಗೆ ದಿನಗಳು ಉರುಳಿದಂತೆ ಹೊಸ ಕಾಯಿಲೆಗಳು ಸಹ ನಮ್ಮನ್ನು ಕಾಡುತ್ತವೆ. ಅದೇ ರೀತಿ ಇಲ್ಲೊಬ್ಬನಿಗೂ ಹೊಸದೊಂದು ಕಾಯಿಲೆ ಕಾಣಿಸಿಕೊಂಡು ಆತನ ಮೂಗು ಕಳೆದುಕೊಂಡಿದ್ದಾನೆ.

ಅಪರೂಪದ ಆದರೆ ಮಾರಣಾಂತಿಕ ಜ್ವರದಿಂದ ಬಳಲಿದ ಓರ್ವ ತನ್ನ ಮೂಗು ಕಳೆದುಕೊಂಡಿದ್ದಾನೆ. ಫ್ಲೋರಿಡಾದ 31 ವರ್ಷದ ಬ್ರಾಂಡನ್ ಬೂತ್‌ಬಿ ಅವರು ಒಂದು ಮಿಲಿಯನ್‌ನಲ್ಲಿ ಎರಡು-ಮಂದಿಗೆ ಬರುವ ಕಾಯಿಲೆಗೆ ತುತ್ತಾಗಿದ್ದಾರೆ. ಈಗ ಅವರು ತಮ್ಮ ಮೂಗು ಕಳೆದುಕೊಂಡು ಸೋಂಕಿನೊಂದಿಗೆ ಬದುಕುತ್ತಿದ್ದಾರೆ.

(ಫೋಟೋ ಕೃಪೆ-ಸನ್)

ಅಪರೂಪದ ಮತ್ತು ಆಘಾತಕಾರಿ ಪ್ರಕರಣದಲ್ಲಿ, ಫ್ಲೋರಿಡಾದ 31 ವರ್ಷದ ವ್ಯಕ್ತಿಯೊಬ್ಬರು ಮಾರಣಾಂತಿಕ ಶಿಲೀಂಧ್ರಗಳ ಸೋಂಕಿಗೆ ಒಳಗಾದ ನಂತರ ಅವನ ಮೂಗು ತೆಗೆಯುವಂತೆ ವೈದ್ಯರು ತಿಳಿಸಿದ್ದರು, ಅದು ಅವನ ಸಂಪೂರ್ಣ ಮುಖದ ಮೇಲೆ ಪರಿಣಾಮ ಬೀರಲು ಪ್ರಾರಂಭಿಸಿತು.

ಮಿಲಿಯನ್ ಜನಸಂಖ್ಯೆಯಲ್ಲಿ ಇಬ್ಬರಲ್ಲಿ ಮಾತ್ರ ಕಾಣಿಸಿಕೊಳ್ಳುವ ವೈರಲ್ ಜ್ವರಕ್ಕೆ ಅವರು ಒಳಗಾಗಿದ್ದರು. ಆದರೆ ಅದರಿಂದ ಸೋಂಕಿಗೆ ಒಳಗಾದಾಗ ಅವರು ಮೂಗು ತೆಗೆಯಬೇಕಾಯಿತು ಎಂದು ವೈದ್ಯರು ಹೇಳಿದ್ದಾರೆ. ಅವರಿಗೆ ಆರಂಭದಲ್ಲಿ ಜ್ವರ ಕಾಣಿಸಿಕೊಂಡು ಇದು ವಾರದೊಳಗೆ ಕಣ್ಣಿಗೆ ತಲುಪಿತು ಬಳಿಕ ಮೆದುಳಿಗೆ ತಲುಪಿತ್ತು.

ಬ್ರಾಂಡನ್ ಅವರು ಇದೊಂದು ಸಣ್ಣ ಪ್ರಮಾಣದ ಜ್ವರ ಎಂದು ನಿರ್ಲಕ್ಷಿಸಿದ್ದರು, ಈ ಕುರಿತು ಹೆಚ್ಚು ಗಂಭೀರವಾಗಿ ಪರಿಗಣಿಸದೆ ಹಾಗೆಯೇ ಬಿಟ್ಟರು.ಆದರೆ ಕಾಲಾನಂತರದಲ್ಲಿ ಪರಿಸ್ಥಿತಿ ಹದಗೆಟ್ಟಿತು. ಅವರ ಆರೋಗ್ಯ ನಿತ್ಯವೂ ಕ್ಷೀಣಿಸಿತು. ಅವನಿಗೆ ತೀವ್ರವಾದ ಅಪ್ಲ್ಯಾಸ್ಟಿಕ್ ರಕ್ತಹೀನತೆ ಎಂದು ಕರೆಯಲ್ಪಡುವ ಸ್ವಯಂ ನಿರೋಧಕ ಸ್ಥಿತಿಯನ್ನು ವೈದ್ಯರು ಪತ್ತೆಹಚ್ಚಿದರು. ನಿಮ್ಮ ದೇಹವು ಸಾಕಷ್ಟು ಹೊಸ ರಕ್ತ ಕಣಗಳನ್ನು ಉತ್ಪಾದಿಸುವುದನ್ನು ನಿಲ್ಲಿಸಿದಾಗ ಉಂಟಾಗುವ ಅಪರೂಪದ ಸ್ಥಿತಿ ಇದಾಗಿದೆ.

ತಜ್ಞರ ಪ್ರಕಾರ, ಈ ಗಂಭೀರ ಸ್ಥಿತಿಯು ಯಾವುದೇ ವಯಸ್ಸಿನಲ್ಲಿ ಸಂಭವಿಸಬಹುದು ಮತ್ತು ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ನೀಡದಿದ್ದರೆ ಮಾರಕವಾಗಬಹುದು. "ಇದು ತುಂಬಾ ತೀವ್ರವಾದ ಕಾಯಿಲೆಯಾಗಿದ್ದು, ಯಾರಾದರೂ ನಿಮ್ಮ ಸುತ್ತಲೂ ಸೀನಿದರೆ, ನೀವು ಮಾರಣಾಂತಿಕ ಸೋಂಕನ್ನು ಪಡೆಯಬಹುದು" ಎಂದು ವೈದ್ಯರೊಬ್ಬರು ತಿಳಿಸಿದ್ದಾರೆ.

ಆದರೆ ಬ್ರಾಂಡನ್ ಪ್ರಕಾರ ಜ್ವರದ ಬಳಿಕ ಆತನಿಗೆ ಮೂಗು ತುರಿಕೆ ಆರಂಭಗಾಗಿತ್ತು ಒಂದೆರಡು ದಿನದಲ್ಲಿ ಮೂಗಿನ ಮೇಲೆ ಸಣ್ಣ ಗಾಯ ಕಾಣಿಸಿಕೊಂಡಿತ್ತು. ಬರು ಬರುತ್ತಾ ಈ ಗಾಯ ದೊಡ್ಡದಾಗಿತ್ತು. ತಕ್ಷಣ ಬ್ರಾಂಡನ್ ಆಸ್ಪತ್ರೆಗೆ ದಾಖಲಾಗಿದ್ದರು ಆದರೆ ಈ ವೇಳೆಗಾಗಲೇ ಮೂಗಿನ ಸುತ್ತ ಶಿಲೀಂಧ್ರಗಳು ದಾಳಿ ಮಾಡಿದ್ದವು. ಹೀಗಾಗಿ ಅವರ ಮುಖ ಉಳಿಸಬೇಕಾದರೆ ಮೂಗನ್ನು ಶಸ್ತ್ರ ಚಿಕಿತ್ಸೆ ಮೂಲಕ ತೆಗೆಯಬೇಕಾಯಿತು. ಇನ್ನೊಂದು ದಿನ ತಡವಾಗಿದ್ದರು ಅವರ ಎಡಗಣ್ಣಿಗೂ ಈ ಶಿಲೀಂಧ್ರ ದಾಳಿ ಮಾಡುತ್ತಿದ್ದವು ಇದರಿಂದ ಅವರು ಶಾಶ್ವತ ಕುರುಡತ್ವಕ್ಕೆ ಒಳಗಾಗುವ ಸಂಭವವಿತ್ತು ಎಂದು ವೈದ್ಯರು ತಿಳಿಸಿದ್ದಾರೆ.

ಈ ಶಸ್ತ್ರ ಚಿಕಿತ್ಸೆಯ ನಂತರವೂ ಆತನಲ್ಲಿ ಶಿಲೀಂದ್ರ ಬೆಳವಣಿಗೆ ಕಾಣಿಸಿತು. ಆದರೆ ಅದರ ಹರಡುವಿಕೆ ವೇಗ ನಿಧಾನವಾಗಿತ್ತು. ಹೀಗಾಗಿ ಕಣ್ಣಿನ ಕೆಳಭಾಗದಲ್ಲಿ ಶಸ್ತ್ರ ಚಿಕಿತ್ಸೆ ನೆರವೇರಿಸಿ ಶಿಲೀಂದ್ರವನ್ನು ಸಂಪೂರ್ಣವಾಗಿ ತೆಗೆದುಹಾಕಲಾಯಿತು. ಇದರ ಜೊತೆ ಬ್ರಾಂಡನ್ ಅವರಿಗೆ ಕೃತಕ ಮೂಗು ಜೋಡಿಸಲಾಯಿತು.

ಅಪ್ಲ್ಯಾಸ್ಟಿಕ್ ರಕ್ತಹೀನತೆಯಲ್ಲಿ ನಿಮ್ಮ ದೇಹಕ್ಕೆ ಏನಾಗುತ್ತದೆ?

ಕಡಿಮೆ ಸಂಖ್ಯೆಯ ಕೆಂಪು ರಕ್ತ ಕಣಗಳು ಸೋಂಕಿಗೆ ಕಾರಣವಾಗಬಹುದು ಎಂದು ತಜ್ಞರು ಹೇಳುತ್ತಾರೆ, ಇದು ದೇಹದಾದ್ಯಂತ ಆಯಾಸ, ಉಸಿರಾಟದ ತೊಂದರೆ ಮತ್ತು ನೋವನ್ನು ಉಂಟುಮಾಡುತ್ತದೆ.

ಈ ಸ್ಥಿತಿಯು ಶೀತ, ಕೆಮ್ಮು, ರಕ್ತಸ್ರಾವದ ಸಮಸ್ಯೆ, ಹೃದಯ ಸಮಸ್ಯೆ ಮತ್ತು ಇತರ ಗಂಭೀರ ತೊಡಕುಗಳಂತಹ ಸೋಂಕುಗಳಿಗೆ ಒಳಗಾಗುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ. ಅಪ್ಲ್ಯಾಸ್ಟಿಕ್ ರಕ್ತಹೀನತೆಯ ರೋಗಲಕ್ಷಣಗಳನ್ನು ನಿರ್ವಹಿಸಲು ಚಿಕಿತ್ಸೆಗಳಿವೆ, ಆದರೆ ಕಾಂಡಕೋಶ ಕಸಿ ಮಾತ್ರ ಚಿಕಿತ್ಸೆಯಾಗಿದೆ.ಅಂದರೆ ನೀವು ಸಣ್ಣ ಮಟ್ಟದಲ್ಲಿ ಶೀತಕ್ಕೆ ಒಳಗಾದರು ಇದು ಆಸ್ಪತ್ರೆಗೆ ತೆರಳದೆ ವಾಸಿಯಾಗುವುದಿಲ್ಲ. ಜೊತೆಗೆ ಮೂಗಿನಲ್ಲಿ ಸೋಂಕು ಕಾಣಿಸುವ ಸಾಧ್ಯತೆ ದಟ್ಟವಾಗುತ್ತದೆ.

ರೋಗ ಸೂಚನೆ ಹಾಗೂ ಲಕ್ಷಣಗಳೇನು?

ತಜ್ಞರ ಪ್ರಕಾರ, ಅಪ್ಲ್ಯಾಸ್ಟಿಕ್ ರಕ್ತಹೀನತೆಯ ಚಿಹ್ನೆಗಳು ಮತ್ತು ರೋಗಲಕ್ಷಣಗಳು ಹೆಚ್ಚಾಗಿ ವಾರಗಳು ಮತ್ತು ತಿಂಗಳುಗಳಲ್ಲಿ ಕಾಣಿಸಿಕೊಳ್ಳಲು ಆರಂಭವಾಗುತ್ತದೆ, ಆದ್ದರಿಂದ ನಿಮ್ಮ ದೇಹದಲ್ಲಿ ಯಾವುದೇ ತಕ್ಷಣದ ಬದಲಾವಣೆಗಳನ್ನು ನೀವು ಗಮನಿಸುವುದಿಲ್ಲ. ಆದಾಗ್ಯೂ, ನೀವು ರೋಗಲಕ್ಷಣಗಳ ಕಾಣಿಸಿಕೊಳ್ಳಬಹುದು.

• ವೈರಲ್ ಸೋಂಕುಗಳ ಹೆಚ್ಚಳ
• ದೀರ್ಘಕಾಲದ ಆಯಾಸ
• ಸಾಮಾನ್ಯಕ್ಕಿಂತ ಹೆಚ್ಚು ರಕ್ತಸ್ರಾವ ಮತ್ತು ಮೂಗೇಟುಗಳು
• ಉಸಿರಾಟದ ತೊಂದರೆ
• ಸಾಮಾನ್ಯಕ್ಕಿಂತ ತೆಳುವಾಗಿರುವ ಚರ್ಮದ ಬಣ್ಣ
• ತಲೆತಿರುಗುವಿಕೆ ನಿರಂತರ ತಲೆನೋವು
• ಜ್ವರ

ಅಪ್ಲ್ಯಾಸ್ಟಿಕ್ ರಕ್ತಹೀನತೆಗೆ ಕಾರಣವೇನು?

ನಿಮ್ಮ ರೋಗನಿರೋಧಕ ವ್ಯವಸ್ಥೆಯು ನಿಮ್ಮ ಮೂಳೆ ಮಜ್ಜೆಯ ಮೇಲೆ ದಾಳಿ ಮಾಡಲು ಪ್ರಾರಂಭಿಸಿದಾಗ ಈ ಸ್ಥಿತಿಯು ಸಾಮಾನ್ಯವಾಗಿ ಸಂಭವಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ, ಆದ್ದರಿಂದ ಅದು ಹೊಸ ಕಾಂಡಕೋಶಗಳನ್ನು ಮಾಡಲು ಸಾಧ್ಯವಾಗುವುದಿಲ್ಲ. ಇದು ಕೆಲವು ಕಾರ್ಸಿನೋಜೆನ್‌ಗಳಿಗೆ ಒಡ್ಡಿಕೊಳ್ಳುವುದನ್ನು ಹೆಚ್ಚಿಸುತ್ತದೆ, ಇದು ಅಪ್ಲ್ಯಾಸ್ಟಿಕ್ ಅನೀಮಿಯಾವನ್ನು ಅಭಿವೃದ್ಧಿಪಡಿಸುವ ಅಪಾಯವನ್ನು ಹೆಚ್ಚಿಸುತ್ತದೆ.

ಅಪ್ಲ್ಯಾಸ್ಟಿಕ್ ರಕ್ತಹೀನತೆಯ ಅಪಾಯ ಹೆಚ್ಚಿಸುವ ಕಾರಣಗಳಿವು

• ಲೂಪಸ್ ನಂತಹ ಆಟೋಇಮ್ಯೂನ್ ರೋಗಗಳು
• HIV ನಂತಹ ವೈರಲ್ ಸೋಂಕುಗಳು
• ಪ್ಯಾರೊಕ್ಸಿಸ್ಮಲ್ ರಾತ್ರಿಯ ಹಿಮೋಗ್ಲೋಬಿನ್ಯೂರಿಯಾ - ನಿಮ್ಮ ಕೆಂಪು ರಕ್ತ ಕಣಗಳು ಬೇಗನೆ ಒಡೆಯುವಾಗ ಸಂಭವಿಸುವ ರೋಗ
• ಗರ್ಭಾವಸ್ಥೆ

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.