ಜ್ಞಾಪಕ ಶಕ್ತಿ ಹೆಚ್ಚು ಮಾಡುವ 5 ಯೋಗಾಸನಗಳಿವು

1. ವೃಕ್ಷಾಸನ

ಋಷಿ ಮುನಿಗಳು ಒಂಟಿಕಾಲಿನಲ್ಲಿ ನಿಂತು ತಪಸ್ಸು ಮಾಡುತ್ತಿದ್ದರು ಎಂದು ಪೌರಾಣಿಕ ಕತೆಯಲ್ಲಿ ಓದಿರುತ್ತೀರಿ. ಈ ವೃಕ್ಷಾಸನ ದೇಹವನ್ನು ಬ್ಯಾಲೆನ್ಸ್ ಮಾಡಲು ಸಹಾಯ ಮಾಡುವುದು ಜೊತೆಗೆ ಏಕಾಗ್ರತೆ ಹೆಚ್ಚಿಸುವುದು. ಮಕ್ಕಳು ಈ ಆಸನ ಪ್ರತಿನಿತ್ಯ ಅಭ್ಯಾಸ ಮಾಡುವುದರಿಂದ ಕಲಿಕೆಯಲ್ಲಿ ಮತ್ತಷ್ಟು ಪ್ರವೀಣರಾಗುತ್ತಾರೆ. ವೃಕ್ಷಾಸನ ಮಾಡುವಾಗ ನಿಮ್ಮ ಬೆನ್ನು ನೇರವಾಗಿರಲಿ.

2. ಪಶ್ಚಿಮೋತ್ತಾಸನ

ನೀವು ಮೊದಲು ದಂಡಾಸನ ಮಾಡಿ ನಂತರ ಪಶ್ಚಿಮೋತ್ತಾಸನ ಮಾಡಿ. ಉಸಿರನ್ನು ನಿಧಾನಕ್ಕೆ ತೆಗೆದು ನಿಧಾನಕ್ಕೆ ಬಿಡುತ್ತಾ ಮುಂದೆಕ್ಕೆ ಬಾಗಿ ನಿಮ್ಮ ಕಾಲಿನ ಬೆರಳನ್ನು ಮುಟ್ಟಿ. ಈ ರೀತಿ ಮಾಡುವುದರಿಂದ ನೆನಪಿನ ಶಕ್ತಿ ಹೆಚ್ಚುವುದು.

3. ಬಕಾಸನ

ಈ ಯೋಗಾಸನ ಮಾಡಲು ತುಂಬಾ ಪ್ರಾಕ್ಟೀಸ್‌ ಬೇಕು, ಹದ್ದಿನ ರೀತಿಯಲ್ಲಿ ದೇಹವನ್ನು ಮಾಡುವುದು. ಕೈಗಳು ಮಾತ್ರ ನೆಲದ ಮೇಲೆ ಒತ್ತಿ ಹಿಡಿದು ಇಡೀ ದೇಹವನ್ನು ಮೇಲಕ್ಕೆ ಎತ್ತಿ 30 ಸೆಕೆಂಡ್ ಇಲ್ಲಿ. ಈ ಆಸನ ಕೂಡ ನೆನಪಿನ ಶಕ್ತಿ ಹೆಚ್ಚಿಸುವುದು.

4. ಸರ್ವಾಂಗಾಸನ

ಸರ್ವಾಂಗಾಸನ ಮಾಡುವುದರಿಂದ ತುಂಬಾ ಪ್ರಯೋಜನಗಳಿವೆ, ಸರ್ವಾಂಗಾಸನ ಮಾಡಿದಾಗ ತಲೆಯಲ್ಲಿ ರಕ್ತ ಸಂಚಾರವಾಗುವುದು, ಇದರಿಂದ ಮೆದುಳು ಚುರುಕಾಗಿ ನೆನಪಿನ ಶಕ್ತಿ ಹೆಚ್ಚಾಗುವುದು.'

5. ಶಿರ್ಸಾಸನ

ಶಿರ್ಸಾಸನ ಮಾಡಲು ಕೂಡ ತುಂಬಾ ಅಭ್ಯಾಸ ಬೇಕು. ಆದ್ದರಿಂದ ಈ ಆಸನ ನೀವೇ ಸ್ವಂತ ಮಾಡಬೇಡಿ, ಪರಿಣಿತರ ಸಲಹೆ ಪಡೆದ ಬಳಿಕ ಮಾಡಿ. ಶಿರ್ಸಾಸನದಿಂದ ಕೂಡ ಜ್ಞಾಪಕ ಶಕ್ತಿ ಹೆಚ್ಚಾಗುವುದು.