ಹೀಗೆ ಮಾಡಿ ಟೆನ್ಷನ್ ದೂರ, ಮನಸ್ಸು ನಿರಾಳ

1. ಪ್ರಾಣಯಾಮ

ಪ್ರಾಣಯಾಮ ಎನ್ನುವುದು ಉಸಿರನ್ನು ನಿಧಾನಕ್ಕೆ ತೆಗೆದು ಅದನ್ನು ಹೊರಹಾಕುವ ಒಂದು ಪ್ರಕ್ರಿಯೆ. ಮೊದಲಿಗೆ ಎಡಮೂಗಿನಿಂದ ಉಸಿರನ್ನು ನಿಧಾನಕ್ಕೆ ತೆಗೆದುಕೊಳ್ಳಬೇಕು, ಹೀಗೆ ಉಸಿರು ತೆಗೆಯುವಾಗ ಬಲಮೂಗನ್ನು ಕೈ ಬೆರಳಿನಿಂದ ಒತ್ತಿ ಹಿಡಿಯಿರಿ. ಈಗ ತೆಗೆದ ಉಸಿರನ್ನು ನಿಧಾನಕ್ಕೆ ಬಲಮೂಗಿನಲ್ಲಿ ಬಿಡಿ. ನಂತರ ಬಲ ಮೂಗಿನಿಂದ ಉಸಿರು ತೆಗೆದು ಎಡ ಮೂಗಿನಲ್ಲಿ ಬಿಡಿ. ಈ ರೀತಿ 9 ಬಾರಿ ಮಾಡಿ. ಕೊನೆಯಲ್ಲಿ ಎಡಮೂಗಿನ ಮೂಲಕ ಉಸಿರನ್ನು ನಿಧಾನಕ್ಕೆ ಬಿಟ್ಟು ನಂತರ ಸಹಜ ಉಸಿರಾಟ ನಡೆಸಿ.

2. ವಿಪರೀತಕರಣಿ

ಇದು ತುಂಬಾ ಸರಳವಾಗಿದೆ. ನಿಮಗೆ ತುಂಬಾ ಸುಸ್ತು ಅನಿಸಿದಾಗ ಯೋಗಾ ಮ್ಯಾಟ್‌ ಮೇಲೆ ಅಥವಾ ಚಾಪೆ ಮೇಲೆ ಮಲಗಿ ಕಾಲುಗಳನ್ನು ಗೋಡೆಯ ಮೇಲೆ ಇಡಿ. ಕೈಗಳು ನೆಲಕ್ಕೆ ಮುಖ ಮಾಡಿರಲಿ, ಈ ರೀತಿ ಸ್ವಲ್ಪ ಹೊತ್ತು ಮಲಗಿ.. ಮೊದಲಿಗೆ ಒಂದು ಐದು ನಿಮಿಷ ಮಲಗಿ, ಬರ್ತಾ ಬರ್ತಾ 20 ನಿಮಿಷದವರೆಗೆ ಮಲಗಬಹುದು. ಹೀಗೆ ಮಾಡುವುದರಿಂದಲೂ ಮಾನಸಿಕ ಒತ್ತಡ ಕಡಿಮೆಯಾಗುವುದು.

3. ವಜ್ರಾಸನ

ಇದನ್ನು ಕೂಡ ಯಾರು ಬೇಕಾದರೂ ಮಾಡಬಹುದು. ಟೆನ್ಷನ್ ಅಧಿಕವಾದರೆ ಅದು ಜೀರ್ಣಕ್ರಿಯೆಗೆ ತೊಂದರೆ. ನೀವು ಊಟವಾದ ಬಳಿಕ ಒಂದು 5 ನಿಮಿಷ ಮಂಡಿ ಮೇಲೆ ಕೂತರೆ ಮಾನಸಿಕ ಒತ್ತಡ ಕಡಿಮೆಯಾಗುವುದು, ಜೀರ್ಣಕ್ರಿಯೆಯೂ ಚೆನ್ನಾಗಿ ನಡೆಯುವುದು.

4. ಉತ್ತಾಂಗಾಸನ

ಇದನ್ನು ನೇರವಾಗಿ ನಿಂತು ಕೈಗಳನ್ನು ಮೇಲಕ್ಕೆ ಎತ್ತಿ ಪಾದದ ಕಡೆ ಬಾಗಿ. ಇದು ಅಭ್ಯಾಸದಿಂದ ಸಾಧ್ಯವಾಗುವುದು. ಮೊದಲಿಗೆ ನೆಲ ಮುಟ್ಟುವುದು ಕಷ್ಟವಾಗಬಹುದು. ಅಭ್ಯಾಸ ಮಾಡುತ್ತಿದ್ದರೆ ಮಾಡಬಹುದು. ಇದು ಕೂಡ ತುಂಬಾ ಸರಳವಾಗಿದ್ದು ಮಾನಸಿಕ ಒತ್ತಡ ಕಡಿಮೆ ಮಾಡುವಲ್ಲಿ ಸಹಕಾರಿ.

5. ಯೋಗ ನಿದ್ರಾ

ಇದು ಅತ್ಯಂತ ಪ್ರಯೋಜನಕಾರಿಯಾಗಿದೆ. ಇದನ್ನು ಮಾಡುವುದು ಹೇಗೆ ಎಂದು ಯೂ ಟ್ಯೂಬ್‌ ನೋಡಿ. ಪ್ರಧಾನಿ ಮೋದಿಯವರು ಕೂಡ ತಮ್ಮ ದೈಹಿಕ ಆರೋಗ್ಯಕ್ಕಾಗಿ ಹಾಗೂ ಮಾನಸಿಕ ಒತ್ತಡ ಕಡಿಮೆ ಮಾಡಲು ಯೋಗ ನಿದ್ರಾ ಮೊರೆ ಹೋಗುವುದಾಗಿ ಹೇಳಿದ್ದಾರೆ. ಇದನ್ನು ಮಾಡುವುದರಿಂದ ತುಂಬಾ ವಿಶ್ರಾಂತಿಯ ಅನುಭವ ಉಂಟಾಗುವುದು. ಇದನ್ನು ಮಾಡುವುದರಿಂದ ಕೂಡ ಮಾನಸಿಕ ಒತ್ತಡ ಸಂಪೂರ್ಣ ಕಡಿಮೆಯಾಗುವುದು.