ಅಸ್ತಮಾ ರಾತ್ರಿ ಹೊತ್ತಿನಲ್ಲಿ ಹೆಚ್ಚಾಗಲು ಕಾರಣವೇನು? ತಡೆಗಟ್ಟುವುದು ಹೇಗೆ?

ರಾತ್ರಿ ಹೊತ್ತಿನಲ್ಲಿ ಅಸ್ತಮಾ ಹೆಚ್ಚಾಗುವುದು ಏಕೆ?

ರಾತ್ರಿ ಹೊತ್ತಿನಲ್ಲಿ ಶ್ವಾಸ ಕೋಶದ ಕಾರ್ಯಚಟುವಟಿಕೆ ಕುಸಿಯುವುದು, ಇದರಿಂದಾಗಿ ನಿದ್ದೆ ಹಾಗೂರೋಗ ಲಕ್ಷಣಗಳಲ್ಲಿ ವ್ಯತ್ಯಾಸ ಉಂಟಾಗುವುದು. ಅಸ್ತಮಾ ರೋಗಿ ಇನ್‌ಹೇಲರ್‌ ಬಳಸುವುದು ದಿನಕ್ಕಿಂತ ರಾತ್ರಿ ನಾಲ್ಕು ಪಟ್ಟು ಅಧಿಕ ಎಂಬುವುದು ಲ್ಯಾಬೋರೇಟರಿಯಲ್ಲಿ ನಡೆಸಿದ ಪರೀಕ್ಷೆಯಿಂದ ತಿಳಿದು ಬಂದಿದೆ.

ಈ ಕಾರಣಗಳಿಂದಲೂ ತಾತ್ರಿ ಹೊತ್ತಿನಲ್ಲೂ ಅಸ್ತಮಾ ಸಮಸ್ಯೆ ಹೆಚ್ಚಾಗುವುದು

ತಿಗಣೆ, ನಾಯಿ ಅಥವಾ ಬೆಕ್ಕಿನ ರೋಮ ಇವೆಲ್ಲಾ ಬೆಡ್‌ನಲ್ಲಿದ್ದರೆ ರಾತ್ರಿ ಹೊತ್ತಿನಲ್ಲಿ ಅಸ್ತಮಾ ಸಮಸ್ಯೆ ಹೆಚ್ಚಾಗುವುದು. ಬೆಡ್‌ 6-8 ಗಂಟೆ ಮಲಗುತ್ತೇವೆ. ಅಷ್ಟು ಹೊತ್ತು ಈ ಅಲರ್ಜಿ ಕಾರಣಗಳಿಂದಾಗಿ ಮುಂಜಾನೆ ಹೊತ್ತಿಗೆ ಉಸಿರಾಟದಲ್ಲಿ ತೊಂದರೆ, ದಮ್ಮು ಕಂಡು ಬರುವುದು.

ಅಸ್ತಮಾ ಸಮಸ್ಯೆ ಇರುವವರು ಬೆಕ್ಕು, ನಾಯಿ ಇವುಗಳನ್ನು ನಿಮ್ಮ ಕೋಣೆಯ ಒಳಗಡೆ ಬಿಡಬೇಡಿ, ಅವುಗಳ ರೋಮಗಳ ಬಿದ್ದರೆ ಅಲರ್ಜಿ ಉಂಟಾಗುವುದು, ಈ ಕುರಿತು ಎಚ್ಚರವಹಿಸಿ.

ಮಲಗುವ ಭಂಗಿ, ಆ್ಯಸಿಡ್ ರಿಫ್ಲೆಕ್ಸ್

ಮಲಗಿದಾಗ ಹೊಟ್ಟೆಯಲ್ಲಿರುವ ಆಮ್ಲ ಸುಲಭವಾಗಿ ಅನ್ನ ನಾಳದ ಮೂಲಕ ವಾಪಾಸಾಗುವುದು. ಇದನ್ನು ನುಂಗುವಾಗ ಕೆಲವೊಮ್ಮೆ ಆ ದ್ರವ ಶ್ವಾಸಕೋಶದ ನಾಳಕ್ಕೆ ಪ್ರವೇಶಿಸಿದರೆ ಇದರಿಂದಾಗಿ ತುಂಬಾ ಕೆಮ್ಮು ಉಂಟಾಗಿ ಉಸಿರಾಟದಲ್ಲಿ ತೊಂದರೆ ಉಂಟಾಗುವುದು.

ಶ್ವಾಸಕೋಶದ ಕಾರ್ಯ ಚಟುವಟಿಕೆಯಲ್ಲಿ ಬದಲಾವಣೆ

ನಮ್ಮ ಶ್ವಾಸಕೋಶ ಭಿನ್ನವಾಗಿ ಕಾರ್ಯ ನಿರ್ವಹಿಸುತ್ತದೆ. ನಾವು ದಿನದಲ್ಲಿ ಚಟುವಟಿಕೆಯಿಂದ ಇರುವುದರಿಂದ ಹಗಲಿನಲ್ಲಿ ಶ್ವಾಸಕೋಶ ತುಂಬಾ ಚಟುವಟಿಕೆಯಿಂದ ಇರುತ್ತದೆ. ರಾತ್ರಿ ಹೊತ್ತಿನಲ್ಲಿ ಇದರ ಕಾರ್ಯ ಚಟುವಟಿಕೆ ಕಡಿಮೆಯಾಗುವುದು. ಈ ಕಾರಣದಿಂದ ಅಸ್ತಮಾ ಇರುವವರೆಗೆ ರಾತ್ರಿ ಹೊತ್ತಿನಲ್ಲಿ ದಮ್ಮು ಹೆಚ್ಚಾಗುವುದು.

ಮಾನಸಿಕ ಒತ್ತಡ

ಮಾನಸಿಕ ಒತ್ತಡ ಹಾಗೂ ಅಸ್ತಮಾಕ್ಕೆ ಉಲ್ಭಣಕ್ಕೆ ಸಂಬಂಧವಿದೆ ಎಂದು ಅಧ್ಯಯನಗಳು ಹೇಳಿವೆ. ದೇಹದಲ್ಲಿ ಒತ್ತಡದ ಹಾರ್ಮೋನ್‌ ಹೆಚ್ಚಾದಾಗ ಅಸ್ತಮಾದ ಸಮಸ್ಯೆಯೂ ಅಧಿಕವಾಗುವುದು.