ಅತ್ಯಂತ ಕೆಟ್ಟ ಹಾರ್ಮೋನ್‌ ಸಮಸ್ಯೆಯಾದ ಪಿಸಿಒಎಸ್‌ ವಿರುದ್ಧ ಹೋರಾಡುತ್ತಿರುವೆ ಎಂದು ಶ್ರುತಿ ಹಾಸನ್‌, ಈ ಕಾಯಿಲೆಯ ಅಪಾಯಗಳೇನು?

ಪಿಸಿಒಎಸ್‌ ಹಾಗೂ ಎಂಡೋಮೆಟ್ರೋಸಿಸ್ ಸಮಸ್ಯೆ ವಿರುದ್ಧ ಹೋರಾಡುತ್ತಿರುವ ಶ್ರುತಿ ಹಾಸನ್‌

ಈ ಎರಡು ಸಮಸ್ಯೆ ಮಹಿಳೆಯರ ಪಾಲಿಗೆ ಅತ್ಯಂತ ಕೆಟ್ಟ ಕಾಯಿಲೆಯಾಗಿದೆ. ಇದರಿಂದಾಗಿ ಅನೇಕ ಸಮಸ್ಯೆಗಳು ಕಂಡು ಬರುವುದು. ಬಂಜೆತನ, ಖಿನ್ನತೆ, ಮಧುಮೇಹ ಮುಂತಾದ ಸಮಸ್ಯೆಗಳಿಗೆ ಮೂಲ ಇದಾಗಿರುತ್ತೆ. ಆದರೆ ನಮ್ಮ ಜೀವನಶೈಲಿ, ಆಹಾರಶೈಲಿ ಹಾಗೂ ಸರಿಯಾದ ನಿದ್ದೆ ಮಾಡುವುದು ಈ ಮೂಲಕ ಈ ಸಮಸ್ಯೆ ತಡೆಗಟ್ಟಬಹುದಾಗಿದೆ ಅಥವಾ ಸಮಸ್ಯೆ ಉಂಟಾಗಿದ್ದರೆ ಅದರಿಂದ ಮುಕ್ತಿ ಪಡೆಯಬಹುದಾಗಿದೆ, ಇದು ಹಾರ್ಮೋನ್‌ ಸಂಬಂಧಿತ ಸಮಸ್ಯೆಗಳಾಗಿದ್ದು ಹಾರ್ಮೋನ್ ಸಮತೋಲನದಲ್ಲಿದ್ದರೆ ಈ ಯಾವ ಸಮಸ್ಯೆಯೂ ಬರಲ್ಲ.

ಪಿಸಿಒಎಸ್‌ ಪ್ರಾಣಕ್ಕೆ ಅಪಾಯಕಾರಿಯೇ?

ಪಿಸಿಒಎಸ್, ಎಂಡೋಮೆಟ್ರೋಸಿಸ್ ಇವೆಲ್ಲಾ ಮಹಿಳೆಯರನ್ನು ಕಾಡುತ್ತಿರುವ ಸಾಮಾನ್ಯ ಆರೋಗ್ಯ ಸಮಸ್ಯೆಯಾಗಿದೆ. ಇದು ಮಾರಾಣಾಂತಿಕವಾದ ಕಾಯಿಲೆಯಲ್ಲ. ಈ ಹಾರ್ಮೋನ್‌ ಸಂಬಂಧಿತ ಸಮಸ್ಯೆಗಳಿಗೆ ಪ್ರಮುಖ ಕಾರಣ ಜೀವನಶೈಲಿ, ಮಾನಸಿಕ ಒತ್ತಡ, ಆಹಾರಶೈಲಿ ಹಾಗೂ ನಿದ್ದೆಯ ವಿಧಾನ. ಕೆಲವರಿಗಷ್ಟೇ ವಂಶಪಾರಂಪರ್ಯವಾಗಿ ಬರುತ್ತದೆ.

ಈ ಹಾರ್ಮೋನ್‌ ಸಮಸ್ಯೆಗಳು ಮಾರಾಣಾಂತಿಕವಲ್ಲದಿದ್ದರೂ ಇದರಿಂದ ಈ ಗಂಭೀರ ಸಮಸ್ಯೆಗಳು ಬರಬಹುದು

* ಮಧುಮೇಹ

* ಗರ್ಭಕೋಶದ ಕ್ಯಾನ್ಸರ್

*ಲಿವರ್‌ನ ಉರಿಯೂತ

* ಅತ್ಯಧಿಕ ರಕ್ತದೊತ್ತಡ

* ಪಾರ್ಶ್ವವಾಯು

* ಒಬೆಸಿಟಿ

*ದೇಹದಲ್ಲಿ ಕೂದಲು ಬೆಳೆಯುವುದು

* ಬಂಜೆತನ

* ಗರ್ಭಪಾತ

* ಅವಧಿಪೂರ್ವ ಜನನ

* ಕಿಬ್ಬೊಟ್ಟೆ ನೋವು

* ಗರ್ಭಾವಸ್ಥೆಯಲ್ಲಿ ಮಧುಮೇಹ

* Preeclampsia (ಗರ್ಭಾವಸ್ಥೆಯಲ್ಲಿ ಅತ್ಯಧಿಕ ರಕ್ತದೊತ್ತಡ)

* ಖಿನ್ನತೆ

* ನಿದ್ರಾಹೀನತೆ

ಪಿಸಿಒಎಸ್‌ ಸಮಸ್ಯೆಯಿದ್ದರೆ ಗರ್ಭಿಣಿಯಾಗಬಹುದೇ?

ಗರ್ಭಿಣಿ ಆಗಬಹುದು. ಪಿಸಿಒಎಸ್‌ ಸಮಸ್ಯೆಗೆ ಚಿಕಿತ್ಸೆ ಪಡೆದರೆ ಅಥವಾ ನಿಮ್ಮ ಜೀವನ ಶೈಲಿಯಲ್ಲಿ ಬದಲಾವಣೆ ತಂದು ಹಾರ್ಮೋನ್‌ಗಳನ್ನು ನಿಯಂತ್ರಣದಲ್ಲಿಟ್ಟರೆ ಗರ್ಭಧರಿಸಬಹುದು. ಪಿಸಿಒಎಸ್‌ ಸಮಸ್ಯೆಯಿದ್ದರೆ ನೀವು ಸೂಕ್ತ ತಜ್ಞರ ಮಾರ್ಗದರ್ಶನ ಪಡೆದರೆ ಮಕ್ಕಳಾಗುವುದು.