ಪ್ರಾಣಯಾಮದಿಂದ ಈ ಅದ್ಭುತ ಪ್ರಯೋಜನಗಳಿವೆಯೆಂದು ವಿಜ್ಞಾನವೂ ಒಪ್ಪುತ್ತೆ

1. ಮಾನಸಿಕ ಒತ್ತಡ ಹೋಗಲಾಡಿಸುತ್ತೆ

2013ರಲ್ಲಿ ನಡೆಸಿದ ಅಧ್ಯಯನ ವರದಿ ಪ್ರಕಾರ ಪ್ರಾಣಾಯಾಮ ಮಾಡುವುದರಿಂದ ನರಗಳು ಶಾಂತವಾಗಯವುದು, ಇದರಿಂದ ಮಾನಸಿಕ ಒತ್ತಡಕ್ಕೆ ಪ್ರತಿಕ್ರಿಯಿಸುವ ಶಕ್ತಿ ಹೆಚ್ಚಾಗುವುದು ಅಂದ್ರೆ ಹೆಚ್ಚಾಗಿ ಮಾನಸಿಕ ಉದ್ವೇಗ ಉಂಟಾಗುವುದಿಲ್ಲ. ಪ್ರಾಣಾಯಾಮ ಮಾಡುವುದರಿಂದ ದೇಹಕ್ಕೆ ಆಮ್ಲಜನಕದ ಪೂರೈಕೆ ಹೆಚ್ಚುವುದು.

2. ಒಳ್ಳೆಯ ನಿದ್ರೆ ಬರುತ್ತದೆ

ಎಷ್ಟೋ ಜನ ನಿದ್ದೆ ಬರುತ್ತಿಲ್ಲ ಎಂದು ಒದ್ದಾಡುತ್ತಾರೆ, ಪ್ರಾಣಾಯಾಮ ಮಾಡುವುದರಿಂದ ಈ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಬಹುದು. ಕ್ಲಿನಿಕಲ್ ಅಧ್ಯಯನ ಪ್ರಕಾರ ನೀವು 5 ನಿಮಿಷ ಭ್ರಮರಿ ಮಾಡಿದರೆ ನಿಮ್ಮ ಉಸಿರಾಟದ ಕ್ರಿಯೆ ಹಾಗೂ ಹೃದಯ ಬಡಿತ ನಿಧಾನವಾಗುವುದು, ಕಣ್ಣಿಗೆ ಒಳ್ಳೆಯ ನಿದ್ದೆ ಹತ್ತುವುದು.

3. ಮನಸ್ಸು ಶಾಂತವಾಗುವುದು

ನಾವೆಲ್ಲಾ ಪ್ರತಿಕ್ಷಣ ಉಸಿರಾಡುತ್ತೇವೆ, ಆದರೆ ಆ ಕ್ರಿಯೆ ಬಗ್ಗೆ ಗಮನ ಕೊಡುವುದಿಲ್ಲ, ಅದರ ಪಾಡಿಗೆ ನಡೆಯುತ್ತಿರುತ್ತದೆ. ಅದೇ ನೀವು ಪ್ರಾಣಾಯಾಮ ಅಭ್ಯಾಸ ಮಾಡುವಾಗ ಉಸಿರಾಟದ ಕ್ರಿಯೆ ಕಡೆಗೆ ನಿಮ್ಮ ಗಮನ ಹರಿಸುತ್ತೀರಿ. ಸಂಶೋಧಕರು ಹೇಳುವ ಪ್ರಕಾರ ಪ್ರಾಣಾಯಾಮ ಅಭ್ಯಾಸ ಮಾಡಿದಾಗ ದೇಹಕ್ಕೆ ಹೆಚ್ಚು ಆಮ್ಲಜನಕ ಪೂರೈಕೆಯಾಗುವುದು, ಇಂಗಾಲದ ಡೈಯಾಕ್ಸೈಡ್‌ ಹೆಚ್ಚಾಗಿ ಹೊರ ಹಾಕಲಾಗುವುದು, ಇದರಿಂದ ಮನಸ್ಸಿಗೆ ತುಂಬಾನೇ ವಿಶ್ರಾಂತಿಯ ಅನುಭವ ಉಂಟಾಗುವುದು ಅಲ್ಲದೆ ಆಲೋಚನೆಗಳು ಧನಾತ್ಮಕವಾಗಿರುತ್ತದೆ.

4. ಅತ್ಯಧಿಕ ರಕ್ತದೊತ್ತಡ ನಿಯಂತ್ರಣದಲ್ಲಿಡುತ್ತದೆ

ಅತ್ಯಧಿಕ ರಕ್ತದೊತ್ತಡ ನಿಯಂತ್ರಣ ಮಾಡುವಲ್ಲಿ 5 ನಿಮಿಷದ ಪರಿಣಾಮಕಾರಿ. 2014ರಲ್ಲಿ ಒಂದು ಅಧ್ಯಯನ ನಡೆಸಲಾಯಿತು. ಅದರಲ್ಲಿ ಅತ್ಯಧಿಕ ರಕ್ತದೊತ್ತಡದಿಂದ ಬಳಲುತ್ತಿರುವ ರೋಗಿಗಳನ್ನು ಎರಡು ಗುಂಪುಗಳಾಗಿ ವಿಂಗಡಿಸಲಾಯಿತು, ಅದರಲ್ಲಿ ಒಮದು ಗುಂಪಿನವರಿಗೆ ರಕ್ತದೊತ್ತಡ ನಿಯಂತ್ರಣಕ್ಕೆ ಮೈಲ್ಡ್‌ ಟ್ಯಾಬ್ಲೆಟ್‌ ನೀಡಲಾಯಿತು, ಇನ್ನೊಂದು ಗುಂಪಿಗೆ ಪ್ರಾಣಾಯಾಮ ಅಭ್ಯಾಸ ಮಾಡಲಾಯಿತು. ಆ ಅಧ್ಯಯನದಲ್ಲಿ ತಿಳಿದು ಬಂದ ಅಂಶವೆಂದರೆ ಪ್ರಾಣಾಯಾಮ ಮಾಡಿದವರಲ್ಲಿ ರಕ್ತದೊತ್ತಡ ಸಂಪೂರ್ಣ ನಿಯಂತ್ರಣದಲ್ಲಿತ್ತು.

5. ಶ್ವಾಸಕೋಶದ ಆರೋಗ್ಯಕ್ಕೆ ಒಳ್ಳೆಯದು

ಪ್ರಾಣಾಯಾಮ ಮಾಡುವುದರಿಂದ ಶ್ವಾಸಕೋಶದ ಆರೋಗ್ಯ ಉತ್ತಮವಾಗುವುದು ಎಂದು 2019ರಲ್ಲಿ ನಡೆಸಿದ ಅಧ್ಯಯನದಿಂದ ಸಾಬೀತಾಗಿದೆ. ಈ ಅಧ್ಯಯನದಲ್ಲಿ ಯಾರಲ್ಲಿ ಅಸ್ತಮಾ, ಅಲರ್ಜಿ, ನ್ಯೂಮೋನಿಯಾ, ಕ್ಷಯರೋಗ ಸಮಸ್ಯೆ ಇದೆಯೋ ಅವರಿಗೆ ಪ್ರತಿದಿನ ಒಂದು ಗಂಟೆಯಂತೆ ವಾರದಲ್ಲಿ 6 ದಿನ ಮಾಡಿಸಲಾಯಿತು, ಅವರ ಆರೋಗ್ಯದಲ್ಲಿ ತುಂಬಾನೇ ಚೇತರಿಕೆ ಕಂಡು ಬಂತು.

6. ಬುದ್ಧಿಶಕ್ತಿಗೆ ತುಂಬಾನೇ ಒಳ್ಳೆಯದು

2013ರಲ್ಲಿ ನಡೆಸಿದ ಅಧ್ಯಯನ ನಡೆಸಲಾಯಿತು, ಅದರಲ್ಲಿ ಭಾಗವಹಿಸಿದವರಿಗೆ 12 ವಾರಗಳ ಕಾಲ ಪ್ರತಿದಿನ ಪ್ರಾಣಾಯಾಮ ಮಾಡಲಾಯಿತು. ಅವರಲ್ಲಿ ನೆನಪಿನ ಶಕ್ತಿ, ಯೋಚಿಸುವ ಸಾಮರ್ಥ್ಯ ಇವೆಲ್ಲಾ ಹೆಚ್ಚಾಗಿರುವುದು ತಿಳಿದು ಬಂತು. ಪ್ರತಿದಿನ ಪ್ರಾಣಾಯಾಮ ಮಾಡಿದರೆ ವಯಸ್ಸಾದಾಗ ಕಾಡುವ ಅಲ್ಜೈಮರ್ಸ್ ಸಮಸ್ಯೆ ಕೂಡ ತಡೆಗಟ್ಟಬಹುದು.

7. ಸಿಗರೇಟ್‌ ಸೇದಬೇಕೆಂಬ ಬಯಕೆ ಕಡಿಮೆ ಮಾಡುತ್ತದೆ

ಕೆಲವರಿಗೆ ಸಿಗರೇಟ್‌ ಬಿಡಬೇಕೆಂಬ ಮನಸ್ಸಿರುತ್ತದೆ, ಆದರೆ ಆ ಚಟದಿಂದ ಹೊರಬರುವುದು ಕಷ್ಟವಾಗಿರುತ್ತದೆ. ನೀವು ದಿನಾ ಪ್ರಾಣಾಯಾಮ ಅಭ್ಯಾಸ ಮಾಡಿದರೆ ಈ ಚಟದಿಂದ ಸುಲಭವಾಗಿ ಹೊರಬರಬಹುದು ಎಂಬುವುದು ವೈಜ್ಞಾನಿಕವಾಗಿ ಸಾಬೀತಾಗಿರುವ ಅಂಶವಾಗಿದೆ.