ಅಸಾಧ್ಯ ಕುತ್ತಿಗೆ ನೋವೇ? ಈ ಕಾರಣಗಳಿರಬಹುದು ನೋಡಿ

ವಯಸ್ಸಾಗುತ್ತಿದ್ದಂತೆ ಕುತ್ತಿಗೆ ಭಾಗದ ಡಿಸ್ಕ್‌ಗೆ ಹಾನಿಯುಂಟಾಗುವುದು

ವಯಸ್ಸಾತ್ತಿದ್ದಂತೆ ಹಲವಾರು ಕಾರಣಗಳಿಂದಾಗಿ ಕುತ್ತಿಗೆ ಭಾಗಕ್ಕೆ ಹಾನಿಯಂಟಾಗಿ ನೋವು ಉಂಟಾಗುವುದು. ಅದಕ್ಕೆ ಪ್ರಮುಖ ಕಾರಣಗಳೆಂದರೆ

• ಉರಿಯೂತದ ಸಮಸ್ಯೆ
• ನರ ಹಿಡಿದುಕೊಳ್ಳುವುದು
• ನರಕ್ಕೆ ಪೆಟ್ಟಾಗುವುದು
• ಸಂಧಿವಾತ
• ಗರ್ಭಕಂಠದ ಡಿಸ್ಕ್ ಕ್ಷೀಣತೆ



ನಿದ್ದೆಯ ಭಂಗಿ ಸರಿಯಾಗಿ ಇರದಿದ್ದರೆ

ಮಲಗುವ ಭಂಗಿ, ತಲೆ ದಿಂಬು ಇವು ಸರಿಯಾಗಿ ಇರದಿದ್ದರೆ ಕೂಡ ಕುತ್ತಿಗೆ ಭಾಗದಲ್ಲಿ ನೋವು ಕಂಡು ಬರುವುದು. ಮಲಗಿವಾಗ ತಲೆಗೆ ಸರಿಯಾದ ಸಪೋರ್ಟ್ ಬೇಕು, ಅದಕ್ಕೆ ತಲೆ ದಿಂಬು ಸರಿಯಾಗಿ ಇರಬೇಕು, ಇಲ್ಲದಿದ್ದರೆ ಏಳುವಾಗ ನೋವು ಕಾಣಿಸಿಕೊಳ್ಳುವುದು.

ಮಲಗಿದ ಭಂಗಿಯಿಂದಾಗಿ ಕುತ್ತಿಗೆ ನೋವು ಕಾಣಿಸಿಕೊಂಡಿದ್ದರೆ ಬೆಡ್‌ ಹಾಗೂ ತಲೆ ದಿಂಬು ಕಂಫರ್ಟ್ ಇದ್ದರೆ ಕುತ್ತಿಗೆ ನೋವು ಉಂಟಾಗುವುದಿಲ್ಲ.



ಯಾವುದೇ ನಿಖರ ಕಾರಣಗಳಿಲ್ಲದೆ ಕುತ್ತಿಗೆ ನೋವು ಉಂಟಾಗುವುದು

ಕೆಲವೊಮ್ಮೆ ಕುತ್ತಿಗೆ ನೋವಿಗೆ ಕಾರಣವೇನೆಂದು ತಿಳಿಯುವುದಿಲ್ಲ. ಈ ರೀತಿಯ ನೋವು ನೀವು ಲ್ಯಾಪ್‌ಟಾಪ್ ಅಥವಾ ಕಂಪ್ಯೂಟರ್‌ ಮುಂದೆ ಕೆಲಸ ಮಾಡುವಾಗ ಕೂರುವ ಭಂಗಿ ಸರಿಯಾಗಿ ಇರದಿದ್ದರೆ ಉಂಟಾಗುವುದು. ಇನ್ನು ಕೆಲವೊಮ್ಮೆ ತುಂಬಾ ಹೊತ್ತು ಬಗ್ಗಿ ಕೆಲಸ ಮಾಡಿದರೆ ಕುತ್ತಿಗೆ ಭಾಗಕ್ಕೆ ಒತ್ತಡ ಬಿದ್ದು ಕೂಡ ಕುತ್ತಿಗೆ ನೋವು ಉಂಟಾಗುವುದು.



ಮಾನಸಿಕ ಒತ್ತಡ ಮತ್ತು ಆತಂಕ

ಮಾನಸಿಕ ಒತ್ತಡ ಹಾಗೂ ಆತಂಕದಿಂದಾಗಿ ಸ್ನಾಯುಗಳು ಬಿಗಿಯಾಗುತ್ತವೆ. ಯಾರು ಅತೀ ಹೆಚ್ಚು ಮಾನಸಿಕ ಒತ್ತಡ ಅನುಭವಿಸುತ್ತಾರೋ ಅವರಿಗೆ ಕುತ್ತಿಗೆ ನೋವಿನ ಸಮಸ್ಯೆ ಇದ್ದಿದ್ದೇ. ಇಂಥವರು ಎಷ್ಟೇ ಔಷಧಿ ಪಡೆದುಕೊಂಡರೂ ಮಾನಸಿಕ ಒತ್ತಡ ಕಡಿಮೆಯಾಗದೇ ನೋವು ಕಡಿಮೆಯಾಗುವುದಿಲ್ಲ.



ಕುತ್ತಿಗೆ ಉಳುಕುವುದು

ಇದನ್ನು ವೈದ್ಯಕೀಯ ಭಾಷೆಯಲ್ಲಿ Torticollis ಎಂದು ಕರೆಯಲಾಗುವುದು. ಈ ರೀತಿ ಉಂಟಾದಾಗ ತುಂಬಾ ನೋವು ಉಂಟಾಗುವುದು. ಕುತ್ತಿಗೆ ಉಳುಕುವುದು ಸಾಮಾನ್ಯವಾಗಿ ರಾತ್ರಿ ಉಂಟಾಗುತ್ತದೆ. ಮಲಗುವಾಗ ಯಾವುದೇ ತೊಂದರೆ ಇರುವುದಿಲ್ಲ, ಆದರೆ ಮಲಗಿ ಎದ್ದೇಳುವಾಗ ಅಸಾಧ್ಯ ನೋವು ನಿಮ್ಮನ್ನು ಕಾಡುವುದು. ಈ ರೀತಿ ಉಂಟಾದಾಗ ಮೆಲ್ಲನೆ ಕುತ್ತಿಗೆ ಭಾಗಕ್ಕೆ ಮಸಾಜ್ ಮಾಡಿದರೆ ಬೇಗನೆ ಸರಿ ಹೋಗುವುದು, ಏನೂ ಮಾಡದೇ ಇದ್ದರೂ ಕೆಲವು ದಿನಗಳಲ್ಲಿ ಸರಿ ಹೋಗುವುದು.



ಕೈಗೆ ಸರ್ಜರಿ ಆಗಿದ್ದರೆ

ಕೈಗೆ ಸರ್ಜರಿಯಾಗಿದ್ದರೆ ಇದನ್ನು ವೈದ್ಯಕೀಯ ಭಾಷೆಯಲ್ಲಿ ಬ್ರಾಚಿಯಲ್ ಪ್ಲೆಕ್ಸಸ್ ಇಂಜ್ಯೂರಿ ಎಂದು ಕರೆಯುತ್ತಾರೆ. ಈ ರೀತಿ ಉಂಟಾದಾಗ ಕುತ್ತಿಗೆ ನೋವು ಉಂಟಾಗುವುದು. ಈ ರೀತಿಯ ಗಾಯ ಆಟಗಾರರಿಗೆ ಅಥವಾ ಅಪಘಾತ ಸಂಭವಿಸಿದಾಗ ಉಂಟಾಗುವುದು.



ಗರ್ಭಕಂಠದ ರಾಡಿಕ್ಯುಲೋಪತಿ

ಈ ಸಮಸ್ಯೆ ಮೊದಲಿಗೆ ಬೆನ್ನು ಮೂಳೆಯಲ್ಲಿ ಕಾಣಿಸಿಕೊಂಡು ನಂತರ ಕುತ್ತಿಗೆ ಭಾಗಕ್ಕೆ ಬರುವುದು. ಈ ರೀತಿ ಉಂಟಾದಾಗ ಇದರ ಪ್ರಮುಖ ಲಕ್ಷಣಗಳೆಂದರೆ

• ಕೈಗಳು ಮರಗಟ್ಟುವುದು
• ಕೈಗಳಿಗೆ ಸೂಜಿ ಚುಚ್ಚಿದಂತೆ ನೋಬವಾಗುವುದು
• ಕೈಗಳಲ್ಲಿ ನೋವು ಹಾಗೂ ಬಲಹೀನತೆ

ಈ ರೀತಿಯ ಲಕ್ಷಣಗಳು ಕಂಡು ಬಂದಾಗ ಕೂಡ ಬೆನ್ನು ನೀವು ಕಾಡುವುದು.



ಕುತ್ತಿಗೆಯ ಬಲಭಾಗದಲ್ಲಿ ನೋವಿಗೆ ಇತರ ಕಾರಣಗಳು

• ಸಂಧಿವಾತ
• ಕ್ಯಾನ್ಸರ್
• ಗಾಯ
• ಸೋಂಕು
• ಮೂಳೆ ಸಂಬಂಧಿತ ಸಮಸ್ಯೆ



ಕುತ್ತಿಗೆ ನೋವು ಕಾಣಿಸಿದಾಗ ಈ ಟಿಪ್ಸ್ ಪಾಲಿಸಬಹುದು

• ನೋವು ನಿವಾರಕ ಮಾತ್ರೆ ತೆಗೆದುಕೊಳ್ಳುವುದು (ವೈದ್ಯರ ಸಲಹೆ ಪಡೆದಿರಬೇಕು)
• ಹೀಟಿಂಗ್ ಪ್ಯಾಡ್ ಅಥವಾ ಟವಲ್ ಅನ್ನು ಬಿಸಿ ನೀರಿನಲ್ಲಿ ಅದ್ದಿ ನೀರನ್ನು ಹಿಂಡಿ ಕುತ್ತಿಗೆ ಭಾಗದಲ್ಲಿ ಇಡುವುದು
• ಕುತ್ತಿಗೆ ಭಾಗಕ್ಕೆ ಮಸಾಜ್ ಮಾಡುವುದು
• ಮಾನಸಿಕ ಒತ್ತಡ ಕಡಿಮೆ ಮಾಡುವುದು
• ಗಾಯವಾದ ಜಾಗಕ್ಕೆ ಐಸ್ ಇಡುವುದು
• ಮಲಗುವ ಭಂಗಿ ಸರಿಯಾಗಿ ಇರುವಂತೆ ನೋಡಿಕೊಳ್ಳುವುದು
• ಮಲಗುವಾಗ ಕುತ್ತಿಗೆಗೆ ಸಪೋರ್ಟ್ ಆಗಿ ತಲೆ ದಿಂಬು ಇಟ್ಟು ಮಲಗುವುದು
• ಕುತ್ತಿಗೆಗೆ ಸಂಬಂಧಿಸಿದ ವ್ಯಾಯಾಮ ಮಾಡುವುದು
• ಆಕ್ಯೂಪ್ರೆಷರ್ ಕೂಡ ಮಾಡಿಸಬಹುದು

ಯಾವಾಗ ವೈದ್ಯರನ್ನು ನೋಡಬೇಕು

ನೋವು ನಿವಾರಕ ಮಾತ್ರೆಗಳನ್ನು ತೆಗೆದುಕೊಂಡರೂ ಸ್ವಲ್ಪವೂ ಕಡಿಮೆಯೇ ಆಗದಿದ್ದರೆ ಸಮಸ್ಯೆ ಗಂಭೀರವಾಗಿದ್ದು ವೈದ್ಯರು ನಿಮಗೆ ಯಾವ ರೀತಿಯ ಚಿಕಿತ್ಸೆ ಸೂಕ್ತ ಎಂಬ ಸಲಹೆ ನೀಡುತ್ತಾರೆ.