ಈ ಎಣ್ಣೆಯನ್ನು ಹಚ್ಚಿದರೆ ಶೀಘ್ರದಲ್ಲೇ ನೋವು ನಿವಾರಣೆಯಾಗುತ್ತದೆ

1. ನೀಲಗಿರಿ ಎಣ್ಣೆ

ಹಿಂದಿನಿಂದಲೂ ಹಲವಾರು ಬಗೆಯ ನೋವುಗಳಿಗೆ ಹಚ್ಚಲು ನೀಲಗಿರಿ ಎಣ್ಣೆ ಬಳಸಲಾಗುತ್ತದೆ. ಅಲ್ಲದೇ ಬಾವು ಮತ್ತು ಉರಿಯೂತಕ್ಕೂ ನೀಲಗಿರಿ ಎಣ್ಣೆ ಉತ್ತಮವಾಗಿದೆ. ನೀಲಗಿರಿ ಎಣ್ಣೆಯ ಹಬೆಯನ್ನು ಎಳೆದುಕೊಂಡಾಗ ಕೆಲವು ಬಗೆಯ ನೋವುಗಳು ಶೀಘ್ರವಾಗಿ ಕಡಿಮೆಯಾಗುತ್ತದೆ. ನೀಲಗಿರಿ ಎಣ್ಣೆ ಮಕ್ಕಳಿಗೆ ಮತ್ತು ಸಾಕುಪ್ರಾಣಿಗಳಿಗೆ ಸೂಕ್ತವಲ್ಲ. ಶ್ವಾಸಕೋಶದ ತೊಂದರೆ ಇರುವವರಿಗೂ ನೀಲಗಿರಿ ಎಣ್ಣೆ ಸೂಕ್ತವಲ್ಲ.

2. ಪುದಿನಾ ತೈಲ

ಪುದಿನಾದಲ್ಲಿ ಉರಿಯೂತ ನಿವಾರಕ, ಅತಿಸೂಕ್ಷ್ಮಜೀವಿ ನಿವಾರಕ, ನೋವು ನಿವಾರಕ ಗುಣಗಳಿವೆ. ಇದರಲ್ಲಿ ಮುಖ್ಯವಾಗಿರುವ ಪೋಷಕಾಂಶಗಳೆಂದರೆ ಕಾರ್ವಾಕ್ರಾಲ್, ಮೆಂಥಾಲ್ ಮತ್ತು ಲಿಮೋಲೀನ್. ಈ ಎಣ್ಣೆಯು ಪ್ರಬಲವಾಗಿದ್ದು ಚರ್ಮಕ್ಕೆ ಹಚ್ಚಿಕೊಳ್ಳುವ ಮುನ್ನ ಸುರಕ್ಷಿತ ತೈಲದೊಂದಿಗೆ ಮಿಶ್ರಣ ಮಾಡಿ ಹಚ್ಚಿಕೊಳ್ಳಬೇಕು. ವಿಶೇಷವಾಗಿ ನೋವಿನೊಂದಿಗೆ ತುರಿಕೆ ಇದ್ದರೆ ಈ ತೈಲ ಅತ್ಯುತ್ತಮವಾಗಿದೆ.

3. ಲವಂಗದ ಎಣ್ಣೆ

ಲವಂಗದ ಎಣ್ಣೆ ಹಲ್ಲು ನೋವಿಗೆ ಶಮನಕಾರಕವಾಗಿ ಹೆಚ್ಚು ಬಳಸಲ್ಪಡುತ್ತದೆ. ಹಲ್ಲುಗಳಲ್ಲಿ ಕುಳಿ ಇದ್ದಾಗ ಈ ಕುಳಿಯಲ್ಲಿ ಲವಂಗದ ಚಿಕ್ಕ ಚೂರನ್ನು ಭರ್ತಿ ಮಾಡುವ ಮೂಲಕ ನೋವು ಕಡಿಮೆಯಾಗಿರುವುದು. ಲವಂಗದಲ್ಲಿರುವ ಆಂಟಿ ಆಕ್ಸಿಡೆಂಟ್, ಉರಿಯೂತ ನಿವಾರಕ, ಶಿಲೀಂಧ್ರ ನಿವಾರಕ ಮತ್ತು ವೈರಸ್ ನಿವಾರಕ ಗುಣಗಳು ಆರೋಗ್ಯವನ್ನು ವೃದ್ಧಿಸುತ್ತವೆ.

4. ಲ್ಯಾವೆಂಡರ್ ತೈಲ

ಬಾಹ್ಯ ನೋವನ್ನು ತಕ್ಷಣವೇ ನಿವಾರಿಸಲು ಈ ತೈಲ ಉಪಯುಕ್ತವಾಗಿದೆ. ನೋವು ನಿವಾರಣೆಯ ಹೊರತಾಗಿ ಸುಖನಿದ್ದೆ ಪಡೆಯಲು ಹಾಗೂ ಉದ್ವೇಗವನ್ನು ನಿವಾರಿಸಲೂ ಈ ತೈಲವನ್ನು ಬಳಸಲಾಗುತ್ತಿದೆ. ಈ ಎಣ್ಣೆಯಲ್ಲಿ ನೋವು ನಿವಾರಕ, ಉರಿಯೂತ ನಿವಾರಕ ಮತ್ತು ಪ್ರಬಲ ಆಂಟಿ ಆಕ್ಸಿಡೆಂಟ್ ಗುಣಗಳಿದ್ದು ಪ್ರಾಣಿಗಳ ಮೇಲಿನ ಪ್ರಯೋಗದಲ್ಲಿ ಪರಿಣಾಮಕಾರಿಯಾಗಿದೆ.

5. ರೋಸ್ಮರಿ ತೈಲ

ಈ ಎಣ್ಣೆಯನ್ನೂ ನೋವು ಶಮನಕವಾಗಿ ಬಳಸಬಹುದು. ರೋಸ್ಮರಿ ಗಿಡದಿಂದ ಪಡೆದ ಪೋಷಕಾಂಶಗಳಿಗೆ ತಲೆನೋವು, ಸ್ನಾಯುಗಳ ನೋವು ಮತ್ತು ಮೂಳೆಗಳ ನೋವನ್ನು ಹಾಗೂ ಸ್ನಾಯುಗಳ ಜೆಡ್ಡು ಹಿಡಿಯುವುದನ್ನು ನಿವಾರಿಸುವ ಕ್ಷಮತೆ ಇದೆ. ಈ ಎಣ್ಣೆ ಉರಿಯೂತ ನಿವಾರಿಸುವ, ಪೆಡಸಾದ ಸ್ನಾಯುಗಳನ್ನು ಸಡಿಲಗೊಳಿಸುವ ಮತ್ತು ಸ್ಮರಣಶಕ್ತಿಯನ್ನು ಹೆಚ್ಚಿಸುವ ಗುಣವನ್ನೂ ಪಡೆದಿವೆ.

6. ಹಸಿಶುಂಠಿ ತೈಲ

ನೂರಾರು ವರ್ಷಗಳಿಂದ ಭಾರತದಲ್ಲಿ ನೋವು ನಿವಾರಕವಾಗಿ ಶುಂಠಿ ಬಳಸಲ್ಪಡುತ್ತಿದೆ. ವ್ಯಾಯಾಮದ ಅಥವಾ ಓಟದ ಬಳಿಕ ಸ್ನಾಯು ನೋವಿನಿಂದ ಬಳಲುತ್ತಿದ್ದ ವ್ಯಕ್ತಿಗಳಿಗೆ ಶುಂಠಿ ಅತ್ಯುತ್ತಮ ನೋವು ನಿವಾರಕವಾಗಿದೆ. ಶುಂಠಿಯನ್ನು ಮಸಾಲೆಯಾಗಿ ಆಹಾರಪದಾರ್ಥಗಳಲ್ಲಿ ಬಳಸುವ ಜೊತೆಗೇ ನಿತ್ಯದ ಸೇವನೆಯ ಟೀ, ಸ್ಮೂಥಿ ಮೊದಲಾದವುಗಳಲ್ಲಿ ಬೆರೆಸಿ ಸೇವಿಸುವ ಮೂಲಕವೂ ಇದರ ಪ್ರಯೋಜನವನ್ನು ಪಡೆಯಬಹುದು.ಹುದು.

7. ಅರಿಶಿನದ ತೈಲ

ಅರಿಶಿನ ಮತ್ತು ಲಿಂಬೆ ಇವೆರಡು ಎಲ್ಲದಕ್ಕೂ ಔಷಧಿ. ಇದಕ್ಕೆ ಮುಖ್ಯ ಕಾರಣ ಅರಿಶಿನದಲ್ಲಿರುವ ಕುರ್ಕುಮಿನ್ ಪೋಷಕಾಂಶವಾಗಿದ್ದು ಅತ್ಯುತ್ತಮ ನೋವು ನಿವಾರಕವೂ ಆಗಿದೆ. ಅಲ್ಲದೇ ಇದು ಅತ್ಯುತ್ತಮ ಉರಿಯೂತ ನಿವಾರಕವೂ ಆಗಿದ್ದು ಹಲವಾರು ಬಗೆಯ ನೋವುಗಳನ್ನು ಶಮನಗೊಳಿಸುತ್ತದೆ. ಅರಿಶಿನವನ್ನು ಇದರ ನೈಸರ್ಗಿಕ ರೂಪದಲ್ಲಿ ಸೇವಿಸಿದರೆ ಗರಿಷ್ಟ ಪ್ರಯೋಜನವಿದೆ. ಉಳಿದಂತೆ ಇದರ ಪುಡಿಯನ್ನು ನಿತ್ಯದ ಆಹಾರಗಳಲ್ಲಿ ಸೇರಿಸಿ ಸೇವಿಸಬಹುದು ಹಾಗೂ ರಾತ್ರಿ ಮಲಗುವ ಮುನ್ನ ಬಿಸಿ ಹಾಲಿಗೆ ಬೆರೆಸಿಯೂ ಸೇವಿಸಬ