ವೆಸ್ಟ್ ನೈಲ್‌ ಜ್ವರಕ್ಕೆ ಕೇರಳದಲ್ಲಿ ವ್ಯಕ್ತಿ ಸಾವು: ಏನಿದು ಹೊಸ ಜ್ವರ? ಇದು ಹರಡುವುದೇ?

ಕಳೆದ ಮೂರು ವರ್ಷಗಳಿಂದ ಇಂಥ ಸಾವು ಆಗಿರಲಿಲ್ಲ

ಕಳೆದ ಮೂರು ವರ್ಷಗಳಿಂದ ವಾಹಕದ ಸೋಂಕಿನಿಂದ ಸಾವನ್ನಪ್ಪಿರುವ ಮೊದಲ ಪ್ರಕರಣ ಇದಾಗಿದೆ. ತ್ರಿಶೂರ್‌ನ ವ್ಯಕ್ತಿಗೆ ಮೇ 17ಕ್ಕೆ ಶೀತ, ಜ್ವರ ಕಂಡು ಬಂದಿತ್ತು, ಅವರು ಹಲವು ಆಸ್ಪತ್ರೆಯಿಂದ ಚಿಕಿತ್ಸೆ ಪಡೆರೂ ಗುಣಮುಖರಾಗಿರಲಿಲ್ಲ, ಕೊನೆಗೆ ತ್ರಿಶೂರ್‌ ಜಿಲ್ಲಾಸ್ಪತ್ರೆಗೆ ದಾಖಲಾಗಿದ್ದರು, ಆಗ ಅವರಿಗೆ ವೆಸ್ಟ್‌ ನೈಲ್‌ ಜ್ವರ ಇರುವುದು ತಿಳಿದು ಬಂತು. ಚಿಕಿತ್ಸೆ ಫಲಕಾರಿಯಾಗದೆ ವ್ಯಕ್ತಿ ಸಾವನ್ನಪ್ಪಿದ್ದಾರೆ.

ಏನಿದು ವೆಸ್ಟ್‌ ನೈಲ್ ವೈರಸ್‌?

ಈ ಜ್ವರ ಮೊದಲಿಗೆ 1937ರಲ್ಲಿ ಮೊದಲಿಗೆ ಉಗಾಂಡದಲ್ಲಿ ಪತ್ತೆಯಾಯಿತು. ಇದು ಸೊಳ್ಳೆಯಿಂದ ಹರಡುವ ಕಾಯಿಲೆಯಾಗಿದೆ. ಇದು flavivirus genus ವರ್ಗಕ್ಕೆ ಸೇರಿದ ವೈರಸ್‌ ಆಗಿದೆ. ಕ್ಯುಲೆಕ್ಸ್ ಜಾತಿಯ ಸೊಳ್ಳೆ ಯ ಮೂಲಕ ಈ ಕಾಯಿಲೆ ಹರಡುವುದು.

ಇದು ಹೇಗೆ ಹರಡುತ್ತದೆ?

ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ವೈರಸ್ ತಗುಲಿರುವ ಸೊಳ್ಳೆ ಕಚ್ಚಿದಾಗ ಈ ವೈರಸ್‌ ಮನುಷ್ಯನ ದೇಹದ ಒಳಗಡೆ ಸೇರುತ್ತದೆ, ಈ ವೈರಸ್‌ ಮನುಷ್ಯನ ದೇಹದೊಳಗಡೆ ಸೇರಿದಾಗ ತುಂಬಾ ಸಂಖ್ಯೆಯಲ್ಲಿ ಉತ್ಪತ್ತಿಯಾಗುತ್ತದೆ ಇದರಿಂದಾಗಿ ರೋಗನಿರೋಧಕ ಶಕ್ತಿ ಕುಂದಿ ಕಾಯಿಲೆ ಬೀಳುವುದು.

ವೆಸ್ಟ್‌ ನೈಲ್‌ ವೈರಸ್‌ನ ಲಕ್ಷಣಗಳೇನು?

ವೆಸ್ಟ್ ನೈಲ್‌ ಸೋಂಕು ತಗುಲಿದರೆ ಶೇ.80ರಷ್ಟು ಜನರಿಗೆ ಯಾವುದೇ ಲಕ್ಷಣಗಳು ಗೋಚರಿಸುವುದಿಲ್ಲ, ಶೇ, 20ರಷ್ಟು ಜನರಲ್ಲಿ ಮಾತ್ರ ಈ ಲಕ್ಷಣಗಳು ಕಂಡು ಬರುತ್ತದೆ.

* ಜ್ವರ

* ತಲೆನೋವು

* ತುಂಬಾ ಸುಸ್ತು

* ಮೈಕೈ ನೋವು

* ವಾಂತಿ, ಬೇಧಿ

* ಮೈ ಮೇಲೆ ದದ್ದು ಅಥವಾ ಗುಳ್ಳೆಗಳು

* ಗ್ರಂಥಿಯಲ್ಲಿ ಊತವಾಗಿ ನುಂಗಲು ಕಷ್ಟವಾಗುವುದು

ಕೆಲವರಿಗೆ ರೋಗ ಲಕ್ಷಣಗಳು ಗಂಭೀರವಾಗಿ ಪಾರ್ಶ್ವಾಯು, ಎನ್ಸೆಫಾಲಿಟಿಸ್, ಮೆನಿಂಜೈಟಿಸ್ ಉಂಟಾಗಬಹುದು, ಸಾವು ಕೂಡ ಸಂಭವಿಸಬಹುದು.

ಈ ಕಾಯಿಲೆ ಹರಡುವುದನ್ನು ತಡೆಗಟ್ಟುವುದು ಹೇಗೆ?

ಈ ವೈರಸ್‌ ಸೊಳ್ಳೆಗಳ ಮೂಲಕ ಹರಡುತ್ತದೆ. ಇದು ಬೇಸಿಗೆಯಲ್ಲಿ ಹೆಚ್ಚಾಗಿ ಕಂಡು ಬರುತ್ತದೆ. ಈ ಕಾಯಿಲೆ ತಡೆಗಟ್ಟಲು ಪ್ರಮುಖವಾದ ಮಾರ್ಗವಾದ ಎಂದರೆ ಸೊಳ್ಳೆ ಕಚ್ಚುವುದನ್ನು ತಡೆಗಟ್ಟುವುದು.

ಸೊಳ್ಳೆ ಕಚ್ಚುವುದನ್ನು ತಡೆಗಟ್ಟುವುದು ಹೇಗೆ?

* ಉದ್ದವಾದ ತೋಳಿನ ಉಡುಪು ಧರಿಸಿ.

* ಸೊಳ್ಳೆ ರೆಪ್ಲೆಂಟ್ಸ್‌ ಬಳಸಿ

* ಮಲಗುವಾಗ ಸೊಳ್ಳೆ ಪರದೆ ಒಳಗಡೆ ಮಲಗಿ

* ಮನೆ ಹತ್ತಿರ ಸೊಳ್ಳೆ ಮೊಟ್ಟೆ ಹಾಕಿ ಮರಿ ಮಾಡಿದಿರಲು ಎಚ್ಚರವಹಿಸಿ.