ಈ ಸಣ್ಣಪುಟ್ಟ ಲಕ್ಷಣಗಳೇ ಲಿವರ್‌ಗೆ ಸಮಸ್ಯೆಯಾಗಿದೆ ಎನ್ನುವ ಮುನ್ಸೂಚನೆಗಳು, ನಿರ್ಲಕ್ಷ್ಯ ಮಾಡಿದರೆ ಅಪಾಯ

ಮೊದಲಿಗೆ ಯಾವೆಲ್ಲಾ ಬಗೆಯ ಲಿವರ್‌ ಕಾಯಿಲೆಗಳಿವೆ ಎಂದು ತಿಳಿಯೋಣ:

ಅಟೋಇಮ್ಯೂನೆ ಲಿವರ್ ಡಿಸೀಜ್: ಹೊರಗಿನಿಂದ ದೇಹ ಹೊಳಹೊಕ್ಕುವ ರೋಗಾಣುಗಳ ವಿರುದ್ಧ ಹೋರಾಡಲು ಇರುವಂಥ ರೋಗ ನಿರೋಧಕ ವ್ಯವಸ್ಥೆ ನಮ್ಮದೇ ದೇಹದ ಮೇಲೆ ದಾಳಿ ಮಾಡುವುದಕ್ಕೆ ಅಟೋಇಮ್ಯೂನೆ ಡಿಸೀಜ್ ಎಂದು ಕರೆಯಲಾಗುವುದು. ಈ ರೋಗ ನಿರೋಧಕ ವ್ಯವಸ್ಥೆ ಲಿವರ್‌ನ ಮೇಲೆ ದಾಳಿ ಮಾಡಿದಾಗ ಲಿವರ್‌ನ ಆರೋಗ್ಯ ಹಾಳಾಗುತ್ತದೆ.

ಹೆಪಟೈಟಿಸ್: ಹೆಪಟೈಟಿಸ್ ಎ ಹಾಗೂ ಹೆಪಟೈಟಿಸ್ ಬಿ ವೈರಲ್‌ ಸೋಂಕಿನಿಂದಾಗಿ ಉಂಟಾಗುತ್ತದೆ.

ವಂಶವಾಹಿ ಕಾಯಿಲೆ: ಲಿವರ್‌ ಸಮಸ್ಯೆ ವಂಶವಾಹಿಯಾಗಿಯೂ ಬರುವುದು, ಕುಟುಂಬದಲ್ಲಿ ಅಮ್ಮ-ಅಪ್ಪ, ಸಹೋದರ-ಸಹೋದರಿ ಯಾರಿಗಾದರೂ ಇದ್ದರೆ ಬರುವ ಸಾಧ್ಯತೆ ಇದೆ.

ಲಿವರ್ ಕ್ಯಾನ್ಸರ್: ಲಿವರ್‌ನಲ್ಲಿ ಅಸಹಜ ಕಣಗಳು ಹುಟ್ಟಿಕೊಂಡು ಲಿವರ್‌ ಕ್ಯಾನ್ಸರ್ ಉಂಟಾಗುವುದು.

ಫ್ಯಾಟಿ ಲಿವರ್‌ ಕಾಯಿಲೆ: ಹೆಚ್ಚಿನವರಿಗೆ ಈ ಸಮಸ್ಯೆ ಇದೆ. ಮದ್ಯಪಾನಿಗಳಲ್ಲಿ ಈ ಸಮಸ್ಯೆ ಹೆಚ್ಚಾಗಿ ಕಂಡು ಬರುವುದು. ಮದ್ಯಪಾನ ಮಾಡದವರಲ್ಲಿಯೂ ಕೆಲವರಲ್ಲಿ ಕಂಡು ಬರುತ್ತದೆ, ಅದಕ್ಕೆ ನಾನ್‌ ಆಲ್ಕೋಹಾಲಿಕ್ ಫ್ಯಾಟಿ ಲಿವರ್ ಕಾಯಿಲೆ ಎಂದು ಕರೆಯಲಾಗುವುದು.

ಲಿವರ್‌ಗೆ ಸಮಸ್ಯೆಯಾಗಿದೆ ಎಂದು ಸೂಚಿಸುವ ಲಕ್ಷಣಗಳು

* ಹೊಟ್ಟೆ ಉಬ್ಬುವುದು, ತುಂಬಾ ಗ್ಯಾಸ್ಟ್ರಿಕ್

* ಕಣ್ಣಿನ ಸುತ್ತ ಡಾರ್ಕ್ ಸರ್ಕಲ್

* ಇತ್ತೀಚಿನ ದಿನಗಳಲ್ಲಿ ತುಂಬಾ ಕೋಪ

* ಒಂಥರಾ ಕಿರಿಕಿರಿ

* ಹೊಟ್ಟೆ ದಪ್ಪಗಾಗುವುದು

* ಮೊಡವೆ ಅಥವಾ ಗುಳ್ಳೆಗಳು

* ಮುಟ್ಟಿನ ಚಕ್ರದಲ್ಲಿ ಸಮಸ್ಯೆ

* ರೋಗ ನಿರೋಧಕ ಶಕ್ತಿ ಕಡಿಮೆಯಾಗುವುದು

* ಆಹಾರ ವಿಷಯದಲ್ಲಿ ತುಂಬಾ ಸೆನ್ಸಿಟಿವ್

* ಸುಸ್ತು

ಈ ಬಗೆಯ ಲಕ್ಷಣಗಳು ಕಂಡು ಬಂದರೆ ವೈದ್ಯರ ಬಳಿ ಹೋಗಿ ಲಿವರ್ ಪರೀಕ್ಷೆ ಮಾಡಿಸಿ , ಲಿವರ್‌ನ ಆರೋಗ್ಯದ ಕಡೆ ಗಮನ ನೀಡಿ.

ಲಿವರ್‌ನ ಆರೋಗ್ಯ ಕಾಪಾಡಲು ಏನು ಮಾಡಬೇಕು?

1. ಮದ್ಯಪಾನ ಮಾಡಬಾರದು, ಮಾಡುವುದಾದರೂ ತುಂಬಾ ಮಿತಿಯಲ್ಲಿ ಮಾಡಿ.

2. ಹೆಪಟೈಟಿಸ್ ಎ, ಬಿ, ಸಿ ತಡೆಗಟ್ಟಿ

* ಹೆಪಟೈಟಿಸ್‌ ಲಸಿಕೆ ಪಡೆಯಿರಿ: 14 ವರ್ಷದೊಳಗಿನ ಮಕ್ಕಳಿಗೆ ಹೆಪಟೈಟಿಸ್ ಲಸಿಕೆ ಹಾಕಿಸಬೇಕು, ದೊಡ್ಡವರಿಗೂ ಇದೆ ನೀವು ಇನ್ನೂ ಹೆಪಟೈಟಿಸ್ ಲಸಿಕೆ ಪಡೆಯದಿದ್ದರೆ ನಿಮ್ಮ ವೈದ್ಯರ ಬಳಿ ಕೇಳಿ ಪಡೆಯಿರಿ.

* ಸುರಕ್ಷಿತ ಲೈಂಗಿಕ ಕ್ರಿಯೆ ಅನುಸರಿಸಿ: ಹೆಪಟೈಟಿಸ್ ಬಿ ಮತ್ತು ಸಿ ಲೈಂಗಿಕ ಕ್ರಿಯೆ ಮೂಲಕ ಹರಡುತ್ತದೆ. ಒಬ್ಬರೇ ಸಂಗಾತಿ ಜೊತೆ ಲೈಂಗಿಕ ಕ್ರಿಯೆ ಸುರಕ್ಷಿತ. ಒಂದಕ್ಕಿಂತ ಅಧಿಕ ಜನರ ಜೊತೆ ಲೈಂಗಿಕ ಕ್ರಿಯೆ ನಡೆಸುವವರು ಸುರಕ್ಷಿತಾ ಕ್ರಮಗಳನ್ನು ಅನುಸರಿಸಬೇಕು.

* ಕೈಗಳನ್ನು ಆಗಾಗ ತೊಳೆಯಿರಿ.

ಈ ಬಗೆಯ ಆಹಾರಗಳು ಲಿವರ್‌ನ ಆರೋಗ್ಯಕ್ಕೆ ಒಳ್ಳೆಯದು:

1. ಕಾಫಿ

2. ಟೀ

3. ಗ್ರೇಪ್‌ಫ್ರೂಟ್‌

4. ಬ್ಲೂ ಬೆರ್ರಿ, ಕ್ರ್ಯಾನ್‌ ಬೆರ್ರಿ

5. ದ್ರಾಕ್ಷಿ

6. ಪಿಯರ್ಸ್

7. ಬೀಟ್‌ರೂಟ್‌ ಜ್ಯೂಸ್

8. ಕ್ಯಾಬೇಜ್, ಹೂಕೋಸು, ಬ್ರೊಕೋಲಿ ಬಗೆಯ ಆಹಾರಗಳು

9. ನಟ್ಸ್

10.ಮೀನು

12. ಆಲೀವ್ ಎಣ್ಣೆ

ಈ ಯೋಗಾಸನಗಳು ಲಿವರ್ ಆರೋಗ್ಯ ಹೆಚ್ಚಿಸುತ್ತದೆ

* ಬಾಲಾಸನ

* ಅಲೋಮ ವಿಲೋಮ ಪ್ರಾಣಯಾಮ

* ಧನುರ್ಸಾನ

* ಅಧೋಮುಖ ಶ್ವಾನಾಸನ

* ನೌಕಾಸನ