ಗ್ಯಾಸ್ಟ್ರಿಕ್‌ ಸಮಸ್ಯೆಯಿಂದ ಎದೆನೋವು ಉಂಟಾಗಿದ್ದರೆ ಈ ಮನೆಮದ್ದು ಟ್ರೈ ಮಾಡಿ

ಗ್ಯಾಸ್ಟ್ರಿಕ್‌ ಸಮಸ್ಯೆ ಉಂಟಾಗಲು ಕಾರಣವೇನು?

ಲ್ಯಾಕ್ಟೋಸ್‌ ಅಸಮತೋಲನ, ಗ್ಲುಟೇನ್‌ ಸೆನ್ಸಿಟಿವಿಟಿ, ಅನಾರೋಗ್ಯಕರ ಆಹಾರಶೈಲಿ, ಕಾರ್ಬೋನೇಟಡ್‌ ಪಾನೀಯಗಳನ್ನು ಕುಡಿಯುವುದು, ಸೋಡಾ ಕುಡಿಯುವುದು, ತುಂಬಾ ನಾರಿನ ಪದಾರ್ಥಗಳನ್ನು ತಿನ್ನುವುದು, ಅಜೀರ್ಣ ಈ ಎಲ್ಲಾ ಕಾರಣಗಳಿಂದ ಗ್ಯಾಸ್ಟ್ರಿಕ್‌ ಸಮಸ್ಯೆಯಾಗುವುದು.

ಗಾಲಾಸ್ಟೋನ್‌ ನೋವು ಮತ್ತು ಗಾಲಾಬ್ಲೇಡರ್‌ ಉರಿಯೂತ ಉಂಟಾದಾಗ ಕೂಡ ಈ ರೀತಿಯ ಲಕ್ಷಣಗಳು ಕಂಡು ಬರುತ್ತದೆ.

ಆದ್ದರಿಂದ ಎದೆಯಲ್ಲಿ ನೋವು ಉಂಟಾದಾಗ ಅದು ಹಾರ್ಟ್‌ ಅಟ್ಯಾಕ್‌ ಆಗಿರಬಹುದೆಂದು ಭಯಪಡಬೇಡಿ, ನಿಮಗೆ ಗ್ಯಾಸ್ಟ್ರಿಕ್‌ನಿಂದ ಎದೆ ನೋವು ಉಂಟಾಗಿದ್ದರೆ ಈ ಮನೆಮದ್ದು ಟ್ರೈ ಮಾಡಿ:

1. ಬಿಸಿ ಬಿಸಿ ಪಾನೀಯ ಅಥವಾ ಹರ್ಬಲ್‌ ಟೀ ಕುಡಿಯಿರಿ

ಆಗಾಗ ನೀರು ಕುಡಿಯಿರಿ. ಇದರಿಂದ ಅನೇಕ ಸಮಸ್ಯೆಗಳನ್ನು ತಡೆಗಟ್ಟಬಹುದು, ಸಾಕಷ್ಟು ನೀರು ಕುಡಿಯುವುದರಿಂದ ಗ್ಯಾಸ್ಟ್ರಿಕ್ ಸಮಸ್ಯೆ ಕೂಡ ದೂರಾಗುವುದು. ಹರ್ಬಲ್‌ ಟೀ ಕುಡಿಯಿರಿ. ಸೌತೆಕಾಯಿ ಜ್ಯೂಸ್‌, ಎಳನೀರು, ಅಜ್ವೈನ್‌ ನೀರು, ಸೋಂಪು, ಜೀರಿಗೆ ನೀರು ಕುಡಿಯಿರಿ.

2. ಶುಂಠಿ ತಿನ್ನಿ

ಗ್ಯಾಸ್ಟ್ರಿಕ್‌ ಸಮಸ್ಯೆ ಕಡಿಮೆ ಮಾಡುವಲ್ಲಿ ಶುಂಠಿ ಪರಿಣಾಮಕಾರಿಯಾದ ಮನೆಮದ್ದಾಗಿದೆ. ಗ್ಯಾಸ್ಟ್ರಿಕ್ ಸಮಸ್ಯೆಯಿದ್ದರೆ ಶುಂಠಿ ಟೀ ಮಾಡಿ ಕುಡಿಯಿರಿ.

3. ಗ್ಲುಟೇನ್‌ ಮತ್ತು ಹಾಲಿನ ಉತ್ಪನ್ನಗಳು

ಗ್ಯಾಸ್ಟ್ರಿಕ್‌ ಸಮಸ್ಯೆಯಿದ್ದರೆ ಗ್ಲುಟೇನ್‌ ಹಾಗೂ ಹಾಲಿನ ಉತ್ಪನ್ನಗಳನ್ನು ಸೇವಿಸಬೇಡಿ.

4. ಪ್ರತಿದಿನ ವ್ಯಾಯಾಮ ಮಾಡಿ

ನಿಮ್ಮ ಜೀರ್ಣಕ್ರಿಯೆ ಚೆನ್ನಾಗಿದ್ದರೆ ಗ್ಯಾಸ್ಟ್ರಿಕ್‌ ಸಮಸ್ಯೆ ಬರಲ್ಲ. ಪ್ರತಿದಿನ ವಾಕಿಂಗ್‌, ವ್ಯಾಯಾಮ ಮಾಡಿ. ಇದು ಗ್ಯಾಸ್ಟ್ರಿಕ್‌ ಸಮಸ್ಯೆ ತಡೆಗಟ್ಟಲು ಸಹಾಯ ಮಾಡುತ್ತೆ.

5. ಮಸಾಲೆ ಪದಾರ್ಥಗಳಿಂದ ದೂರವಿರಿ

ನಿಮಗೆ ಗ್ಯಾಸ್ಟ್ರಿಕ್‌ ಸಮಸ್ಯೆಯಿದ್ದರೆ ಎಣ್ಣೆ ಪದಾರ್ಥ, ಮಸಾಲೆ ಪದಾರ್ಥಗಳಿಂದ ದೂರವಿರಿ. ಓಟ್ಸ್, ಕಿಚಡಿ, ಹಸಿರು ಸೊಪ್ಪು ತರಕಾರಿಗಳು, ವಿಟಮಿನ್‌ ಸಿ ಆಹಾರಗಳು, ನಟ್ಸ್, ಸೀಡ್ಸ್, ಮೊಟ್ಟೆಯ ಬಿಳಿ ಇವುಗಳನ್ನು ನಿಮ್ಮ ಆಹಾರಕ್ರಮದಲ್ಲಿ ಸೇರಿಸಿ.