ಪಾರ್ಸೆಲ್ ಆಹಾರದ ಮೂಲಕ ಕೊರೊನಾವೈರಸ್ ಹರಡುವುದೇ?

ವಿಶ್ವ ಆರೋಗ್ಯ ಸಂಸ್ಥೆ ಏನು ಹೇಳಿದೆ?

ವಿಶ್ವ ಆರೊಗ್ಯ ಸಂಸ್ಥೆಯ ಪ್ರಕಾರ ಆಹಾರ ಮೂಲಕ ಕೊರೊನಾವೈರಸ್ ಹರಡುವ ಸಾಧ್ಯತೆ ತುಂಬಾ ಕಡಿಮೆ. ಆದರೆ ಕೆಲವೊಮ್ಮೆ ಆಹಾರದ ತಂದ ಪಾರ್ಸೆಲ್ ಕವರ್‌ ಮೂಲಕ ಹರಡುವ ಸಾಧ್ಯತೆ ಇದೆ, ಅಂದರೆ ಕೋವಿಡ್ 19 ಇರುವ ವ್ಯಕ್ತಿ ಆ ಕವರ್ ಮುಟ್ಟಿದ್ದರೆ, ಇತರರು ಅದನ್ನು ಮುಟ್ಟಿ ನಂತರ ಕಣ್ಣು ಬಾಯಿ ಮುಟ್ಟುವುದು ಮಾಡಿದರೆ ಹರಡುವ ಸಾಧ್ಯತೆ ಇದೆ.

ಆರೋಗ್ಯ ಸಂಸ್ಥೆ, ಆಹಾರ ಉತ್ಪಾದನಾ ಸಂಸ್ಥೆ ಕೊರೊನಾವೈರಸ್‌ ತಡೆಗಟ್ಟಲು ಸಾಕಷ್ಟು ಮುನ್ನೆಚ್ಚರಿಕೆಕ್ರಮಗಳನ್ನು ವಹಿಸುತ್ತಿವೆ. ಅಲ್ಲಿ ಕೆಲಸ ಮಾಡುವವರ ಆರೋಗ್ಯ ತಪಾಸನೆ ಮಾಡಿ ನಂತರವಷ್ಟೇ ಆಹಾರ ತಯಾರಿಸಲು ಅನುಮತಿ ನೀಡಲಾಗುವುದು. ಅಲ್ಲದೆ ಅಲ್ಲಿ ಕೆಲಸ ಮಾಡುವ ಉದ್ಯೋಗಿಗಳು ಕೂಡ ಸಾಮಾಜಿಕ ಅಂತರ ಕಾಯ್ದುಕೊಳ್ಳುತ್ತಿದ್ದಾರೆ. ಅಲ್ಲಿಗೆ ಬರುವ ಗ್ರಾಹಕರು ಕೂಡ ಮಾಸ್ಕ್ ಧರಿಸಬೇಕು ಹಾಗೂ ಬಾಗಿಲಿನಿಂದ ಒಳಗೆ ಬರುವ ಮುನ್ನ ಸ್ಯಾನಿಟೈಸರ್ ನೀಡಲಾಗುವುದು.

ಪ್ಲಾಸ್ಟಿಕ್‌, ಸ್ಟೈನ್‌ಲೆಸ್‌ ಸ್ಟೀಲ್‌ನಲ್ಲಿ 72 ಗಂಟೆ ಬದುಕಿರುವ ಕೊರೊನಾವೈರಸ್

ಆಹಾರ ಉತ್ಪಾದನಾ ಕೈಗಾರಿಕೆಗಳು, ಹೋಟೆಲ್‌ಗಳು, ರೆಸ್ಟೋರೆಂಟ್‌ಗಳು ಇದೀಗ ತುಂಬಾ ಮುನ್ನೆಚ್ಚರಿಕೆಯಿಂದ ಕಾರ್ಯನಿರ್ವಹಿಸುತ್ತಿವೆ. ಅಧ್ಯಯನದ ಪ್ರಕಾರ ಪ್ಲಾಸ್ಟಿಕ್‌ ಹಾಗೂ ಸ್ಟೈನ್‌ಲೆಸ್‌ ಸ್ಟೀಲ್‌ ಪಾತ್ರೆಗಳಲ್ಲಿ 72 ಗಂಟೆ ಹಾಗೂ ಕಾರ್ಡ್‌ಬೋರ್ಡ್‌ಗಳಲ್ಲಿ 24 ಗಂಟೆ ಕೊರೊನಾವೈರಸ್‌ ಜೀವಿಸಿರುತ್ತದೆ. ಆದ್ದರಿಂದಲೇ ಅಲ್ಲಿ ತಯಾರಿಸುವ ಪಾತ್ರೆಹಯಿಂದ ಹಿಡಿದು, ಪ್ಯಾಕ್‌ ಮಾಡುವ ಪಾರ್ಸೆಲ್ ಕಾರ್ಡ್‌ಬೋರ್ಡ್‌ ಡಬ್ಬದವರೆಗೂ ತುಂಬಾ ಮುನ್ನೆಚ್ಚರಿಕೆವಹಿಸಲಾಗುತ್ತಿದೆ.

ಆಹಾರದ ಮೂಲಕ ಹರಡುವ ಸಾಧ್ಯತೆ ಕಡಿಮೆ ಏಕೆ?

ಮೊದಲನೆಯದಾಗಿ ಆಹಾರದ ಬಗ್ಗೆ ಈಗಾಗಲೇ ಸಾಕಷ್ಟು ಮುನ್ನೆಚ್ಚರಿಕೆವಹಿಸಲಾಗಿದೆ. ಇನ್ನು ಆಹಾರ ವಸ್ತುಗಳನ್ನು ತಯಾರಿಸುವ ಕಂಪನಿಗಳು ತಮ್ಮ ಆಹಾರ ಯಾವುದೇ ವೈರಾಣುವಿಲ್ಲದೆ ಜನರನ್ನು ಸೇರಲು ತುಂಬಾ ಮುನ್ನೆಚ್ಚರಿಕೆ ಕ್ರಮಗಳನ್ನು ವಹಿಸುತ್ತಿದೆ. ಅಲ್ಲದೆ ವೈರಸ್‌ ಆಹಾರದಲ್ಲಿ ಬ್ಯಾಕ್ಟಿರಿಯಾಗಳಂತೆ ತುಂಬಾ ಸಮಯ ಬದುಕಿರಲು ಸಾಧ್ಯವಿಲ್ಲ. ಒಂದು ವೇಳೆ ಕೊರೊನಾವೈರಸ್‌ ಇರುವ ಆಹಾರ ತಿಂದರೂ ಅದು ನೇರವಾಗಿ ಹೊಟ್ಟೆಯನ್ನು ಸೇರಿದಾಗ ಹೊಟ್ಟೆಯಲ್ಲಿರುವ ಆಮ್ಲ ಆ ವೈರಸ್‌ ಕೊಂದು ಹಾಕುತ್ತದೆ. ಇವುಗಳ ಆಧಾರದ ಮೇಲೆ ಆಹಾರದ ಮೂಲಕ ಹರಡುವುದಿಲ್ಲ ಎಂದು ಹೇಳಬಹುದು. ಆದರೂ ಇದರ ಬಗ್ಗೆ ಇನ್ನೂ ಹೆಚ್ಚಿನ ಸಾಕ್ಷ್ಯಗಳಿಗಾಗಿ ಸಂಶೋಧನೆಗಳು ನಡೆಯುತ್ತಲೇ ಇವೆ.

ಆಹಾರದ ಬಗ್ಗೆ ನೀವು ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆಗಳು

• ನಿಮ್ಮ ಆಹಾರವನ್ನು ನೀವೇ ತಯಾರಿಸಿ ತಿನ್ನುವುದು ತುಂಬಾ ಒಳ್ಳೆಯದು.
• ಹಸಿ ಆಹಾರ ಸೇವನೆ ಮಾಡಬೇಡಿ, ಅದರಲ್ಲೂ ಮಾಂಸಾಹಾರವನ್ನು ಚೆನ್ನಾಗಿ ಬೇಯಿಸಿ ತಿನ್ನಬೇಕು.
• ಹೊರಗಿನಿಂದ ಪಾರ್ಸೆಲ್‌ ತರಿಸುವುದಾದರೆ ಅವುಗಳನ್ನು ಆಗಷ್ಟೇ ತಯಾರಿಸಿರಬೇಕು, ಇಲ್ಲಾಂದರೆ ತಂದ ಮೇಲೆ ಮತ್ತೊಮ್ಮೆ ಬಿಸಿ ಮಾಡಿ ತಿನ್ನಿ.



ಆಹಾರದ ಬಗ್ಗೆ ಸ್ವಚ್ಛತೆ ಟಿಪ್ಸ್

• ಆಹಾರವನ್ನು ಡಬ್ಬದಲ್ಲಿ ಹಾಕುವ ಮುನ್ನ ತೊಳೆದು ನಂತರ ತುಂಬಿ.
• ಹಣ್ಣು ಮತ್ತು ತರಕಾರಿಗಳನ್ನು ಹರಿಯುವ ನೀರಿನಲ್ಲಿ ತೊಳೆದು, ಒರೆಸಿ ಇಡಿ,
• ಆಹಾರ ತಂದ ಬ್ಯಾಗ್‌ ಆಗಲೇ ತೊಳೆದು ಹಾಕಿ, ಇಲ್ಲಾಂದರೆ ಹೊರಗಡೆಯೇ ಇಡಿ.
• ದಿನಸಿ ತಂದ ಬಳಿಕ ನಿಮ್ಮ ಬಟ್ಟೆ ಬದಲಾಯಿಸಿ.
• ಪ್ಯಾಕ್‌ ಆಗಿರುವ ವಸ್ತುಗಳ ಮೇಲ್ಭಾಗ ಒರೆಸಿ, ನಂತರ ಒಳಗಿಡಿ (ಅಕ್ಕಿ ಚೀಲ, ಗೋಧಿ ಚೀಲ ಮುಂತಾದವು).