ಬ್ಯಾಕ್‌ ಟು ಆಫೀಸ್‌: ಕೊರೊನಾವೈರಸ್ ತಗುಲದಿರಲು ಈ ಟಿಪ್ಸ್ ಅನುಸರಿಸಿ

ಕೊರೊನಾ ಲಸಿಕೆ ಪಡೆಯಿರಿ:

ಕೋವಿಡ್‌ 19 ಲಸಿಕೆ ಕೊರೊನಾ ವೈರಸ್‌ ತಡೆಗಟ್ಟುವಲ್ಲಿ ಸಮರ್ಥವಾಗಿದೆ. ಈ ಲಸಿಕೆ ತೆಗೆದುಕೊಂಡವರಿಗೂ ಕೊರೊನಾ ಸೋಂಕು ಹರಡುತ್ತಿದೆ ಆದರೆ ರೋಗ ಸ್ಥಿತಿ ಗಂಭೀರವಾಗುವುದು, ಸಾವು ಸಂಭವಿಸುವುದು ಈ ರೀತಿ ಆಗುತ್ತಿಲ್ಲ, ಆದ್ದರಿಂದ ಕೊರೊನಾ ಲಸಿಕೆ ಸುರಕ್ಷಿತವಾಗಿದೆ.

ಮಾಸ್ಕ್‌ ಧರಿಸಿ

* ಮನೆಯಿಂದ ಹೊರಗಡೆ ಕಾಲಿಡುವಾಗ ಮಾಸ್ಕ್‌ ಧರಿಸಿ.

ಈ ಇತರರು ಧರಿಸಿಲ್ಲ, ನಾನೂ ಧರಿಸಲ್ಲ ಎಂದು ಯೋಚಿಸಬೇಡಿ, ನಿಮ್ಮ ಸುರಕ್ಷತೆಗಾಗಿ ನೀವು ಮಾಸ್ಕ್‌ ಧರಿಸಿ.

* ಜನ ದಟ್ಟಣೆ ಇರುವ ಕಡೆ ಓಡಾಡುವಾಗ ಡಬಲ್‌ ಲೇಯರ್‌ ಮಾಸ್ಕ್‌ ಧರಿಸಿ.

ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ

ಹೊರಗಡೆ ನೂಕು-ನುಗ್ಗಲು ಇರುವ ಕಡೆ ಹೋಗಬೇಡಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ. ಅದರಲ್ಲೂ ನಿಮಗೆ ರೋಗ ನಿರೋಧಕ ಶಕ್ತಿ ಕಡಿಮೆ ಇದ್ದರೆ ತುಂಬಾನೇ ಎಚ್ಚರವಹಿಸಿ.

* ಇನ್‌ಡೋರ್‌ ಗಾಳಿಯಾಡುವಂತೆ ಇರಬೇಕು, ಆಫೀಸ್‌ನಲ್ಲಿ ಕಿಟಕಿಗಳನ್ನು ತೆರೆದಿಡುವುದು, ಗಾಳಿ ಹೆಚ್ಚು ಓಡಾಡುವಂತೆ ಇರುವುದು ಸುರಕ್ಷಿತ.

ರೋಗ ಲಕ್ಷಣಗಳು ಕಂಡು ಬಂದರೆ ಪ್ರತ್ಯೇಕವಾಗಿ ಇತರರಿಗೆ ಹರಡದಂತೆ ಎಚ್ಚರವಹಿಸಿ

* ರೋಗ ಲಕ್ಷಣಗಳು ಕಂಡು ಬಂದರೆ ಕೂಡಲೇ ಐಸೋಲೇಟ್ ಆಗಿ ಇತರರಿಗೆ ರೋಗ ಹರಡುವುದನ್ನು ತಡೆಗಟ್ಟಿ.

* ಮನೆಯಲ್ಲಿಯೇ ಕಿಟ್‌ ಇದ್ದರೆ ಪರೀಕ್ಷೆ ಮಾಡಿ, ಇಲ್ಲದಿದ್ದರೆ ಸಮೀಪದ ಆಸ್ಪತ್ರೆಗೆ ಹೋಗಿ ಪರೀಕ್ಷೆ ಮಾಡಿಸಿ.

ಕೈಗಳನ್ನು ಆಗಾಗ ತೊಳೆಯುತ್ತಾ ಇರಿ

* ಕೈಗಳನ್ನು ಆಗಾಗ ಸೋಪು ಹಚ್ಚಿ ತೊಳೆಯಿರಿ.

* ಕೈಗಳಿಗೆ ಸ್ಯಾನಿಟೈಸ್ ಬಳಸಿ.

ಕೆಮ್ಮುವಾಗ, ಸೀನುವಾಗ ಕರವಸ್ತ್ರ ಅಡ್ಡ ಹಿಡಿಯಿರಿ

* ನೀವು ಯಾವಾಗಲೂ ಕೆಮ್ಮುವಾಗ, ಸೀನುವಾಗ ಕರವಸ್ತ್ರ ಅಡ್ಡ ಹಿಡಿಯಿರಿ.

* ಕೆಮ್ಮಿದ ಮೇಲೆ, ಸೀನಿದ ಮೇಲೆ ಕೈಗಳನ್ನು ತೊಳೆಯಿರಿ.

ಆಗಾಗ ಮುಟ್ಟುವ ವಸ್ತುಗಳನ್ನು ಸ್ವಚ್ಛ ಮಾಡಿ

ನಿಮ್ಮ ವರ್ಕ್‌ ಡೆಸ್ಕ್‌, ಲ್ಯಾಪ್‌ ಟ್ಯಾಪ್‌, ಮೊಬೈಲ್‌ ಇವುಗಳ ಸ್ವಚ್ಛತೆ ಕಡೆ ಹೆಚ್ಚು ಗಮನ ಹರಿಸಿ.

ನಿಮ್ಮ ಅಕ್ಕ-ಪಕ್ಕ ಕೂರುವವರಿಗೆ ಕೋವಿಡ್‌ 19 ಬಂದರೆ ನಿಮಗೆ ರೋಗ ಲಕ್ಷಣಗಳು ಕಂಡು ಬಂದರೆ ಪರೀಕ್ಷೆ ಮಾಡಿಸಿ.