ಬ್ಯಾಕ್‌ ಟು ಆಫೀಸ್‌: ಕೊರೊನಾವೈರಸ್ ತಗುಲದಿರಲು ಈ ಟಿಪ್ಸ್ ಅನುಸರಿಸಿ

Published: Saturday, June 4, 2022, 14:16 [IST]

ಕೋವಿಡ್‌ 19 ಎರಡೂ ವರ್ಷಗಳಿಂದ ಈ ಜಗತ್ತನ್ನು ಕಾಡುತ್ತಲೇ ಇದೆ. ಈ ಮಹಾಮಾರಿ ಆದ ನಷ್ಟ ಅಷ್ಟಿಟ್ಟಲ್ಲ, ಈ ಕಾಯಿಲೆ ಮನುಷ್ಯರ ಆರೋಗ್ಯದ ಮೇಲಷ್ಟೇ ಕೆಟ್ಟ ಪರಿಣಾಮ ಬೀರಿಲ್ಲ, ಆರ್ಥಿಕ ಸ್ಥಿತಿ, ಸಾಮಾಜಿಕ ಸ್ಥಿತಿ ಎಲ್ಲದರ ಮೇಲೆ ಪರಿಣಾಮ ಬೀರಿದೆ, ಬೀರುತ್ತಲೇ ಇದೆ. ಕೊರೊನಾ 3ನೇ ಅಲೆಯ ಬಳಿಕ ಭಾರತದಲ್ಲಿ ಕೊರೊನಾ ಪ್ರಮಾಣ ಶೂನ್ಯಕ್ಕೆ ಇಳಿದಿತ್ತು, ಈಗ ಮತ್ತೆ ಕೊರೊನಾ ಆತಂಕ ಶುರುವಾಗಿದೆ, ಕೊರೊನೇ ನಾಲ್ಕನೇ ಅಲೆ ಶುರುವಾಗಿದೆ. ಕರ್ನಾಟಕದ ಆರೋಗ್ಯ ಮಂತ್ರಿ ಸುಧಾಕರ್ ಕೆ ತಮಗೆ ಕೊರೊನಾ ಪಾಸಿಟಿವ್‌ ದೃಢಪಟ್ಟೊರುವುದಾಗಿ ತಿಳಿಸಿದ್ದರು. ಅನೇಕ ಜನರಿಗೆ ಕೊರೊನಾ ಸೋಂಕು ತಗುಲುತ್ತಿದೆ.

ಕೊರೊನಾ ಸಂಪೂರ್ಣವಾಗಿ ಮಾಯವಾಗುವ ಲಕ್ಷಣ ಕಾಣುತ್ತಿಲ್ಲ, ಈ ಕಾರಣಕ್ಕೆ ಅದರ ಜೊತೆ ಸೆಣಸಾಡಿ ಅದನ್ನು ಸೋಲಿಸಿ ಬದುಕುವುದನ್ನು ಕಲಿಯಬೇಕು ಎಂದು ಕೆಲ ತಜ್ಞರು ಸಲಹೆ ನೀಡುತ್ತಿದ್ದಾರೆ.

ಎಷ್ಟೋ ಕಂಪನಿಗಳು ತಮ್ಮ ಉದ್ಯೋಗಿಗಳಿಗೆ ಆಫೀಸ್‌ಗೆ ಮರಳುವಂತೆ ಸೂಚಿಸುತ್ತಿದೆ. ಕೊರೊನಾ ನಾಲ್ಕನೇ ಅಲೆಯ ಆತಂಕ ಇರುವುದರಿಂದ ಹೊರಗಡೆ ಓಡಾಡುವಾಗ ಈ ಸುರಕ್ಷಿತಾ ಕ್ರಮಗಳಿಂದ ನಿಮ್ಮನ್ನು ಹಾಗೂ ಇತರರನ್ನು ರಕ್ಷಿಸಿ:

ಕೊರೊನಾ ಲಸಿಕೆ ಪಡೆಯಿರಿ:

ಕೋವಿಡ್‌ 19 ಲಸಿಕೆ ಕೊರೊನಾ ವೈರಸ್‌ ತಡೆಗಟ್ಟುವಲ್ಲಿ ಸಮರ್ಥವಾಗಿದೆ. ಈ ಲಸಿಕೆ ತೆಗೆದುಕೊಂಡವರಿಗೂ ಕೊರೊನಾ ಸೋಂಕು ಹರಡುತ್ತಿದೆ ಆದರೆ ರೋಗ ಸ್ಥಿತಿ ಗಂಭೀರವಾಗುವುದು, ಸಾವು ಸಂಭವಿಸುವುದು ಈ ರೀತಿ ಆಗುತ್ತಿಲ್ಲ, ಆದ್ದರಿಂದ ಕೊರೊನಾ ಲಸಿಕೆ ಸುರಕ್ಷಿತವಾಗಿದೆ.