ಬೇಸಿಗೆಯಲ್ಲಿ ಧೂಳಿನಿಂದ ಅಲರ್ಜಿ ಸಮಸ್ಯೆಯೇ? ಈ ಮನೆಮದ್ದು ಟ್ರೈ ಮಾಡಿ

ಬೇಸಿಗೆಯಲ್ಲಿ ಧೂಳು ಅಧಿಕ, ಅದರಲ್ಲೂ ರೋಡ್‌ ಸೈಡ್‌ ಮನೆಯಿದ್ದರಂತೂ ಮನೆಯೊಳಗಡೆಯೆಲ್ಲಾ ಧೂಳು ತುಂಬುವುದು. ಈ ಧೂಳು ಎಲ್ಲರಿಗೂ ಆರೋಗ್ಯ ಸಮಸ್ಯೆ ತರುತ್ತದೆ, ಆದರೆ ಕೆಲವರಲ್ಲಿ ಅಧಿಕ ಸಮಸ್ಯೆ ಉಂಟು ಮಾಡುತ್ತದೆ.

ಧೂಳಿನ ಅಲರ್ಜಿ ಸಮಸ್ಯೆ ಇರುವವರಿಗೆ ಬೇಸಿಗೆಯಲ್ಲಿ ತುಂಬಾನೇ ಸಮಸ್ಯೆ ಉಂಟಾಗುವುದು. ಇದರಿಂದ ಕೆಮ್ಮು, ಶೀತ, ಉಸಿರಾಟದ ತೊಂದರೆ ಈ ಬಗೆಯ ಸಮಸ್ಯೆ ಕಂಡು ಬರುವುದು.

ಧೂಳಿನ ಅಲರ್ಜಿ ಲಕ್ಷಣಗಳು

* ಶೀತ
* ಸೀನು
* ಮೂಗು ಕಟ್ಟುವುದು
* ಮೂಗು ತುರಿಸುವುದು
* ಕೆಮ್ಮು
* ಮುಖದಲ್ಲಿ ನೋವು
* ತ್ವಚೆ ಊದಿಕೊಳ್ಳುವುದು
* ಚಿಕ್ಕ ಮಗುವಾದರೆ ಆಗಾಗ ಮೂಗನ್ನು ಉಜ್ಜುತ್ತಾ ಇರುತ್ತದೆ.

ಧೂಳಿನ ಅಲರ್ಜಿಯಿಂದಾಗಿ ಅಸ್ತಮಾ ಕಾಯಿಲೆ ಕೂಡ ಪ್ರಾರಂಭವಾಗುವುದು

ಅಸ್ತಮಾ ಲಕ್ಷಣಗಳು

* ಉಸಿರಾಟಕ್ಕೆ ತೊಂದರೆ
* ಎದೆ ಬಿಗಿಯಾಗುವುದು
* ಎದೆಯಲ್ಲಿಗುಂಯ್ಯಿ ಗುಂಯ್ಯಿ ಶಬ್ದ ಬರುವುದು

ಧೂಳಿನ ಅಲರ್ಜಿಗೆ ಈ ಮನೆಮದ್ದು ಮಾಡಿದರೆ ಸಮಧಾನವಾಗಬಹುದು ನೋಡಿ:

1. ಜೇನು

ಧೂಳಿನ ಅಲರ್ಜಿ ಸಮಸ್ಯೆಗೆ ಜೇನು ಅತ್ಯುತ್ತಮವಾದ ಮನೆಮದ್ದಾಗಿದೆ. ಪ್ರತಿದಿನ ಬೆಳಗ್ಗೆ ಸ್ವಲ್ಪ ಜೇನು ತೆಗೆದುಕೊಳ್ಳಿ. ಜೇನನ್ನು ಪ್ರತಿದಿನ ತೆಗೆದುಕೊಂಡರೆ ದೇಹ ಧೂಳಿಗೆ ತುಂಬಾ ಸೆನ್ಸಿಟಿವ್ ಆಗಿರುವುದು ಕಡಿಮೆಯಾಗುತ್ತದೆ.

2. ಸಿಟ್ರಸ್‌ ಹಣ್ಣುಗಳನ್ನು ಸೇವಿಸಿ'

ಸಿಟ್ರಸ್‌ ಹಣ್ಣುಗಳಲ್ಲಿ ವಿಟಮಿನ್‌ ಸಿ ಅಧಿಕವಿರುವುದರಿಂದ ಇದು ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ಕಿತ್ತಳೆ , ಪೈನಾಪಲ್‌, ದ್ರಾಕ್ಷಿ, ನಿಂಬೆ ಇವುಗಳಲ್ಲಿ ವಿಟಮಿನ್‌ ಸಿ ಅಧಿಕವಿದೆ. ಆದ್ದರಿಂದ ಬೇಸಿಗೆಯಲ್ಲಿ ಪ್ರತಿದಿನ ನಿಂಬೆ ಪಾನೀಯ ಕುಡಿಯಿರಿ ಅಲ್ಲದೆ ದ್ರಾಕ್ಷಿ, ಕಿತ್ತಳೆ ಈ ಬಗೆಯ ಸಿಟ್ರಸ್‌ ಆಹಾರ ಸೇವಿಸಿ, ಇದರಿಂದ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚುವುದು.

3. ಪುದೀನಾ ಟೀ

ಬಿಸಿ ಬ್ಲ್ಯಾಕ್ ಟೀ ಮಾಡಿ ಅದಕ್ಕೆ ಎರಡು ಪುದೀನಾ ಎಲೆ ಹಾಕಿ ಕುಡಿಯಿರಿ, ಇದಕ್ಕೆ ಸ್ವಲ್ಪ ನಿಂಬೆರಸ ಸೇರಿಸಿದರೆ ಇನ್ನೂ ಒಳ್ಳೆಯದು. ಇದನ್ನು ಪ್ರತಿದಿನ ಸೇವಿಸುವುದರಿಂದ ಅಲರ್ಜಿಯಿಂದ ಉಂಟಾಗುವ ಶೀತ, ಕೆಮ್ಮು ಈ ಬಗೆಯ ಸಮಸ್ಯೆ ಧೂರಾಗುವುದು.

4. ನೀಲಗಿರಿ ಎಣ್ಣೆ

ನೀಲಗಿರಿ ಎಣ್ಣೆ ಅಲರ್ಜಿ ವಿರುದ್ಧ ರಕ್ಷಣೆಯನ್ನು ನೀಡುತ್ತದೆ. ತುಂಬಾ ಕೆಮ್ಮಿದ್ದರೆ ಅದನ್ನು ಕಡಿಮೆ ಮಾಡಲು ಸಹಕಾರಿ. ಸ್ವಲ್ಪ ನೀಲಗಿರಿ ಎಣ್ಣೆಯನ್ನು ಸ್ವಲ್ಪ ತೆಂಗಿನೆಣ್ಣೆ ಜೊತೆ ಮಿಕ್ಸ್ ಮಾಡಿ ಅದನ್ನು ಎದೆಯ ಭಾಗಕ್ಕೆ ಹಚ್ಚಿ ಮೆಲ್ಲನೆ ಮಸಾಜ್ ಮಾಡಿ.

ಸ್ವಲ್ಪ ನೀಲಗಿರಿ ಎಲೆಯನ್ನು ನೀರಿಗೆ ಹಾಕಿ ಕುದಿಸಿ ಹಬೆ ತೆಗೆದುಕೊಳ್ಳಿ, ಹೀಗೆ ಮಾಡುವುದರಿಂದ ಅತ್ಯಧಿಕ ಕೆಮ್ಮು ಕಡಿಮೆಯಾಗುವುದು.

5. ತುಪ್ಪ

ವಾರಕ್ಕೊಮ್ಮೆ ಶುದ್ಧ ತುಪ್ಪವನ್ನು ಮೂಗಿಗೆ ಬಿಟ್ಟುಕೊಳ್ಳಿ. ಹೀಗೆ ಮಾಡುವುದರಿಂದ ನಿಮ್ಮಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚುವುದು. ಹೊರಗಡೆ ಹೋಗುವಾಗ ಸ್ವಲ್ಪ ಶುದ್ಧ ತುಪ್ಪವನ್ನು ನಿಮ್ಮ ಮೂಗಿನ ಕೆಳಗಡೆ ಹಚ್ಚಿ, ಇದರಿಂದ ಅಲರ್ಜಿ ಉಂಟಾಗುವುದನ್ನು ತಡೆಗಟ್ಟಬಹುದು.

ಅಲ್ಲದೆ ನಿಮ್ಮ ಆಹಾರಕ್ರಮದಲ್ಲೂ ತುಪ್ಪವನ್ನು ಸೇರಿಸಿ.

ಈ ಮುನ್ನೆಚ್ಚರಿಕೆವಹಿಸಿ

ಹೊರಗಡೆ ಹೋಗುವಾಗ ಮಾಸ್ಕ್‌ ಧರಿಸಿ, ತುಂಬಾ ಧೂಳು ಇರುವ ಕಡೆ ಓಡಾಡುವಾಗ ಡಬಲ್‌ ಮಾಸ್ಕ್ ಧರಿಸಿ

* ನಿಮ್ಮ ಮನೆ ಹಾಗೂ ಕೆಲಸ ಮಾಡುವ ಸ್ಥಳದಲ್ಲಿ ಧೂಳು ಕೂರದಂತೆ ನೋಡಿಕೊಳ್ಳಿ
* ಮನೆಯೊಳಗಡೆ ಏರ್‌ ಫಿಲ್ಟರ್ ಇದ್ದರೆ ಒಳ್ಳೆಯದು
* ನಿಮ್ಮ ಸಾಕು ಪ್ರಾಣಿಗಳನ್ನು ಜೊತೆಯಲ್ಲಿ ಮಲಗಿಸಬೇಡಿ
* ಸ್ವಚ್ಛವಾದ ತಲೆದಿಂಬು, ಬೆಡ್‌ಶೀಟ್ ಬಳಸಿ
* ಮನೆಯಲ್ಲಿ ವಾಲ್‌ಪೇಪರ್‌ ಇದ್ದರೆ ಅದನ್ನು ತೆಗಿಸಿ

ಯಾವಾಗ ವೈದ್ಯರಿಗೆ ತೋರಿಸಬೇಕು?

ಅಲರ್ಜಿ ಸಮಸ್ಯೆ ಉಂಟಾಗಿ ಒಂದು ವಾರವಾದರೂ ಕಡಿಮೆಯಾಗದಿದ್ದರೆ ವೈದ್ಯರಿಗೆ ತೋರಿಸಿ. ವೈದ್ಯರ ಔಷಧಿ ಜೊತೆಗೆ ಈ ಮೇಲಿನ ಮನೆಮದ್ದು ಮಾಡುವುದರಿಂದ ಯಾವುದೇ ತೊಂದರೆಯಿಲ್ಲ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.