ವಿಡೋಮೇಕರ್‌ ಹೃದಯಾಘಾತ ತುಂಬಾನೇ ಅಪಾಯಕಾರಿ ಏಕೆ, ಇದರ ಲಕ್ಷಣಗಳೇನು?

ವಿಡೋಮೇಕರ್ ಹೃದಯಾಘಾತ ಸಂಭವಿಸಿದಾಗ ಏನಾಗುತ್ತದೆ?

ಹೃದಯ ಸ್ನಾಯುಗಳಿಗೆ ಪ್ರತಿ ಸೆಕೆಂಡ್‌ ರಕ್ತ ಸಂಚಾರವಾಗಬೇಕು. ಯಾವಾಗ ಬ್ಲಾಕ್ ಉಂಟಾಗಿ ಹೃದಯದ ಸ್ನಾಯುಗಳಿಗೆ ರಕ್ತ ಸಂಚಾರವಾಗುವುದು ನಿಂತು ಹೋಗುವುದೋ ನಿಮಿಷದಲ್ಲಿಯೇ ಹೃದಯದ ಸ್ನಾಯುಗಳು ಸಾಯಲಾರಂಭಿಸುತ್ತದೆ.

ವಿಡೋಮೇಕರ್ ಹಾರ್ಟ್‌ಅಟ್ಯಾಕ್‌ ಲಕ್ಷಣಗಳೇನು?

ಇತರ ಹೃದಯಾಘಾತದಂತೆ ಇದರ ಲಕ್ಷಣಗಳು ಒಂದೇ ರೀತಿ ಇರುತ್ತದೆ.

* ಎದೆ ನೋವು ಕಂಡು ಬರುವುದು. ಎದೆಯಲ್ಲಿ ನೋವು, ಒತ್ತಡ, ಎದೆ ಹಿಂಡಿದಂಥ ಅನುಭವ ಈ ರೀತಿಯ ಅನುಭವ ಉಂಟಾಗುವುದು. ಸ್ವಲ್ಪ ಹೊತ್ತು ಈ ರೀತಿ ಉಂಟಾಗಿ ಮತ್ತೆ ಬರಬಹುದು.

* ದೇಹದ ಮೇಲ್ಭಾಗದಲ್ಲಿ ಅಸ್ವಸ್ಥತೆ ಉಂಟಾಗುವುದು. ತೋಳುಗಳು, ಭುಜದಲ್ಲಿ ನೋವು, ದವಡೆ ನೋವು, ಹೊಟ್ಟೆ ನೋವು ಈ ರೀತಿ ಕಂಡು ಬರುವುದು.

* ಉಸಿರಾಟದಲ್ಲಿ ತೊಂದರೆ ಕಂಡು ಬರುವುದು. ಈ ಸಮಸ್ಯೆ ಎದೆ ನೋವು ಕಾಣಿಸದೆ ಕೂಡ ಕಂಡು ಬರುವುದು.

* ಮೈ ಬೆವರುವುದು

* ತಲೆಸುತ್ತಿದಂತಾಗುವುದು

ಈ ರೀತಿಯ ಲಕ್ಷಣಗಳು ಗೋಚರಿಸುತ್ತಿದ್ದಂತೆಯೇ ಒಂದು ನಿಮಿಷ ತಡಮಾಡದೆ ಸಮೀಪದ ಸುಸಜ್ಜಿತ ಆಸ್ಪತ್ರೆಗೆ ದಾಖಲಾಗಿ.

ವಿಡೋಮೇಕರ್ ಹಾರ್ಟ್‌ಅಟ್ಯಾಕ್‌ ಲಕ್ಷಣಗಳೇನು?

ಜೀವನಸೈಲಿ ಹಾಗೂ ವಂಶವಾಹಿ ಸಮಸ್ಯೆಯಿಂದಾಗಿ ಉಂಟಾಗುವುದು. ಕೊಲೆಸ್ಟ್ರಾಲ್, ಫ್ಯಾಟಿ ಲಿವರ್‌ ಇರುವವರಿಗೆ ವಿಡೋ ಹಾರ್ಟ್‌ಅಟ್ಯಾಕ್‌ ಅಪಾಯ ಅಧಿಕ.

ಯಾರಿಗೆ ಹೃದಯಾಘಾತದ ಸಾಧ್ಯತೆ ಹೆಚ್ಚು?

* ತುಂಬಾ ಸಿಗರೇಟ್‌ ಸೇದುವವರಿಗೆ

* ಒಬೆಸಿಟಿ ಸಮಸ್ಯೆ ಇರುವವರಿಗೆ

* ತುಂಬಾ ಅನಾರೋಗ್ಯಕರ ಆಹಾರ ಸೇವಿಸುವವರಿಗೆ

* 45 ವರ್ಷ ಮೇಲ್ಪಟ್ಟವರಿಗೆ

* ಅತ್ಯಧಿಕ ರಕ್ತದೊತ್ತಡ

* ನಿಯಂತ್ರಣಕ್ಕೆ ಬಾರದ ಮಧುಮೇಹ

* ಕುಟುಂಬದಲ್ಲಿ ಯಾರಿಗಾದರೂ ಹೃದಯಾಘಾತವಾಗಿದ್ದರೆ (ಅಪ್ಪ, ಅಮ್ಮ, ಒಡಹುಟ್ಟಿದವರು)

ಹೃದಯಾಘಾತ ಸಂಭವಿಸಿ ಎಷ್ಟು ಸಮಯದ ಒಳಗಾಗಿ ಚಿಕಿತ್ಸೆ ದೊರೆಯಬೇಕು?

ಹೃದಯಾಘಾತವಾದ ತಕ್ಷಣ ವೈದ್ಯರು ನಿಮಗೆ ಸೂಕ್ತ ಚಿಕಿತ್ಸೆ ನೀಡಿದರೆ ಬದುಕಿಳಿಯುವ ಸಾಧ್ಯತೆ ಇದೆ. ಹೃದಯಾಘಾತದ ಲಕ್ಷಣಗಳು ಕಂಡು ಬಂದ 90 ನಿಮಿಷದೊಳಗಾಗಿ ಬ್ಲಾಕ್‌ ತೆಗೆದಿರಬೇಕು. ಸಾಮಾನ್ಯವಾಗಿ ಈ ಸಂದರ್ಭದಲ್ಲಿ ಸ್ಟಂಟ್‌ ಹಾಕಲಾಗುವುದು. ಮೊದಲಿಗೆ ಆಂಜಿಯೋಪ್ಲಾಸ್ಟಿ ಮಾಡಿ ಬ್ಲಾಕ್‌ ತೆಗೆಯಲಾಗುವುದು, ನಂತರ ಸ್ಟಂಟ್‌ ಹಾಕುತ್ತಾರೆ.

ಹೃದಯಾಘಾತ ತಡೆಗಟ್ಟಲು ಆರೋಗ್ಯಕರ ಜೀವನಶೈಲಿ ರೂಢಿಸಿಕೊಳ್ಳಿ, ಒತ್ತಡಮುಕ್ತ ಬದುಕು ಸಾಗಿಸಿ.