ಪಿತ್ತಜನಕಾಂಗದ ಕ್ಯಾನ್ಸರ್‌ನ ಮೊದಲ ಲಕ್ಷಣ ಮತ್ತು ಚಿಹ್ನೆಗಳು

ಕಾಮಾಲೆರೋಗ

ಕಾಮಾಲೆರೋಗ ಒಂದು ರೋಗವಲ್ಲ, ಇದು ಪಿತ್ತಜನಕಾಂಗದ ಕ್ರಿಯೆಗೆ ತೊಂದರೆಯಾಗಿದೆ ಎನ್ನುವುದರ ಲಕ್ಷಣ. ದುರ್ಬಲಗೊಂಡ ಪಿತ್ತಜನಕಾಂಗದ ಕಾರ್ಯಚಟುವಟಿಕೆಯಿಂದ ದೇಹದಲ್ಲಿ ಬಿಲಿರುಬಿನ್ ಮಿತಗೊಳಿಸುತ್ತದೆ. ಕಾಮಾಲೆರೋಗವು ಪಿತ್ತಜನಕಾಂಗದ ಕ್ಯಾನ್ಸರ್ ನ ಮೊದಲ ಚಿಹ್ನೆಗಳಲ್ಲಿ ಒಂದಾಗಿರಬಹುದು.

ತೂಕ ಕಳಕೊಳ್ಳುವುದು

ಪಿತ್ತಜನಕಾಂಗವು ನಮ್ಮ ಚಯಾಪಚಯಾ ಕ್ರಿಯೆಯಲ್ಲಿ ಪ್ರಮುಖ ಪಾತ್ರ ವಹಿಸುವ ಅಂಗ. ಪಿತ್ತಜನಕಾಂಗದ ಕಾರ್ಯವು ದುರ್ಬಲವಾಗಿರುವ ಕಾರಣ ತೂಕ ಕಳಕೊಳ್ಳುತ್ತದೆ. ಇದು ಪಿತ್ತಜನಕಾಂಗದ ಕ್ಯಾನ್ಸರ್ ನ ಮೊದಲ ಹಂತದ ಚಿಹ್ನೆಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ.

ವಾಕರಿಕೆ ಮತ್ತು ವಾಂತಿ

ಯಾವುದೇ ಕಾರಣವಿಲ್ಲದೆ ನಿಮಗೆ ವಾಕರಿಕೆ ಮತ್ತು ವಾಂತಿಯ ಅನುಭವವಾಗುತ್ತಿದ್ದರೆ ನೀವು ಪಿತ್ತಜನಕಾಂಗದ ದುರ್ಬಲ ಕ್ರಿಯೆಯ ಯಾವುದಾದರೂ ಸಮಸ್ಯೆಯಿದೆಯಾ ಎಂದು ಪರೀಕ್ಷಿಸಿ. ವಾಕರಿಕೆ ಮತ್ತು ವಾಂತಿಯನ್ನು ಪಿತ್ತಜನಕಾಂಗದ ಕ್ಯಾನ್ಸರ್ ನ ಮೊದಲ ಹಂತದ ಚಿಹ್ನೆಗಳೆಂದು ಪರಿಗಣಿಸಲಾಗುತ್ತದೆ.

ದಣಿವು

ಪಿತ್ತಜನಕಾಂಗದ ಕಡಿಮೆಯಾದ ಕ್ರಿಯೆಯ ಲಕ್ಷಣಗಳೊಂದಿಗೆ ನಿಮಗೆ ದಣಿವು ಕಾಣಿಸಿಕೊಂಡರೆ ನೀವು ಮೊದಲ ಹಂತದ ಪಿತ್ತಜನಕಾಂಗದ ಕ್ಯಾನ್ಸರ್ ಬಗ್ಗೆ ಸಂಶಯ ಪಡಬಹುದು. ದಣಿವು ಪಿತ್ತಜನಕಾಂಗದ ಕ್ಯಾನ್ಸರ್ ಇರುವ ರೋಗಿಗಳಲ್ಲಿ ಸಾಮಾನ್ಯವಾಗಿ ಕಂಡುಬರುವಂತಹ ಸಮಸ್ಯೆ.

ಪಿತ್ತಜನಕಾಂಗ ಊದಿಕೊಳ್ಳುವುದು

ನಿಮ್ಮ ಹೊಟ್ಟೆಯ ಮೇಲ್ಭಾಗದ ಬಲಭಾಗದಲ್ಲಿ ಪಿತ್ತಜನಕಾಂಗವಿದ್ದು, ಇದು ಮಧ್ಯದ ತನಕ ಆವರಿಸಿದೆ. ಊದಿಕೊಳ್ಳುವ ಪಿತ್ತಜನಕಾಂಗವನ್ನು ನಾವು ಆ ಸ್ಥಳದಲ್ಲಿ ಸ್ಪರ್ಶಿಸಬಹುದು. ಇದಕ್ಕೆ ತಕ್ಷಣ ವೈದ್ಯರ ಸಲಹೆ ಪಡೆಯಬೇಕು. ಯಾಕೆಂದರೆ ಹೆಪಟೊಮೆಗಲಿ ಪಿತ್ತಜನಕಾಂಗದ ಕ್ಯಾನ್ಸರ್ ನ ಮೊದಲ ಚಿಹ್ನೆಗಳಲ್ಲಿ ಪ್ರಮುಖವಾದದ್ದು.

ತುರಿಕೆ

ಇದನ್ನು ಸಾಮಾನ್ಯ ರೋಗವೆಂದು ಪರಿಗಣಿಸಲಾಗಿದೆ. ಆದರೆ ಇದು ಪಿತ್ತಜನಕಾಂಗದ ಕ್ಯಾನ್ಸರ್ ನ ಮೊದಲ ಹಂತದ ಪ್ರಮುಖ ಚಿಹ್ನೆಯಾಗಿದೆ. ನಿಮ್ಮ ದೇಹದಲ್ಲಿ ಬಿಲಿರುಬಿನ್ ಹೆಚ್ಚಾದ ಪರಿಣಾಮ ಹೀಗೆ ಆಗುತ್ತದೆ. ಪಿತ್ತಜನಕಾಂಗದ ಕ್ರಿಯೆ ದುರ್ಬಲವಾಗುವ ಕಾರಣ ಬಿಲಿರುಬಿನ್ ಪ್ರಮಾಣ ಹೆಚ್ಚಾಗುತ್ತದೆ. ಇದು ಚರ್ಮದಲ್ಲಿ ತುರಿಕೆ ಉಂಟು ಮಾಡುತ್ತದೆ.

ಹೊಟ್ಟೆ ನೋವು

ಪಿತ್ತಜನಕಾಂಗದ ಊದುವಿಕೆ ಮತ್ತು ಅದರ ಕ್ರಿಯೆ ದುರ್ಬಲಗೊಳ್ಳುವ ಕಾರಣ ಹೊಟ್ಟೆ ನೋವು ಕಾಣಿಸಿಕೊಳ್ಳಬಹುದು. ಪಿತ್ತಜನಕಾಂಗದ ಊದುವಿಕೆಯೊಂದಿಗೆ ಹೊಟ್ಟೆನೋವು ಕಾಣಿಸಿಕೊಂಡರೆ ನಿಮಗೆ ಪಿತ್ತಜನಕಾಂಗದ ರೋಗಗಳಿರುವ ಸಾಧ್ಯತೆ ಹೆಚ್ಚು.

ಅಸಿಟಿಸ್

ಅಸಿಟಿಸ್ ಅಥವಾ ಹೊಟ್ಟೆಯಲ್ಲಿ ನೀರು ತುಂಬಿಕೊಳ್ಳುವುದು ಪಿತ್ತಜನಕಾಂಗದ ಕ್ಯಾನ್ಸರ್ ನ ಮೊದಲ ಹಂತದ ಚಿಹ್ನೆಗಳಲ್ಲಿ ಒಂದಾಗಿದೆ. ಪಿತ್ತಜನಕಾಂಗ ಊದಿಕೊಳ್ಳುವುದರೊಂದಿಗೆ ಹೊಟ್ಟೆ ಉಬ್ಬರಿಸುವುದು ಪಿತ್ತಜನಕಾಂಗದ ಕ್ಯಾನ್ಸರ್ ನ ಆರಂಭಿಕ ಚಿಹ್ನೆಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ.

ಗಾಢ ಬಣ್ಣದ ಮೂತ್ರ

ಬಿಲಿರುಬಿನ್ ಮಟ್ಟ ರಕ್ತದಲ್ಲಿ ಹೆಚ್ಚಾಗುವ ಪರಿಣಾಮ ಮೂತ್ರದ ಮೂಲಕ ರಕ್ತ ಹೊರಹೋಗುತ್ತದೆ. ಇದರಿಂದ ಮೂತ್ರದ ಬಣ್ಣವು ಗಾಢ ಹಳದಿಯಿಂದ ಕಂದು ಬಣ್ಣಕ್ಕೆ ತಿರುಗುತ್ತದೆ. ನಿಮ್ಮ ಮೂತ್ರದ ಬಣ್ಣ ಬದಲಾವಣೆಯಾದರೆ ಶೀಘ್ರವೇ ವೈದ್ಯರ ಬಳಿಗೆ ಹೋಗಿ ಸಲಹೆ ಪಡೆಯಿರಿ.