ಹೃದಯಾಘಾತ ಮುನ್ನ ಕಾಣಿಸುವ 7 ಲಕ್ಷಣಗಳು

Heart

oi-Reena

By Hema S

Published: Monday, April 16, 2012, 12:09 [IST]

ಹೃದಯಾಘಾತ ಯಾವ ಕ್ಷಣದಲ್ಲಿ ಬರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ವಯಸ್ಸಾದವರಲ್ಲಿ ಮಾತ್ರವಲ್ಲ, ತಾರುಣ್ಯದಲ್ಲಿ ಕೂಡ ಹೃದಯಾಘಾತ ಉಂಟಾಗಬಹುದು. ಅಧಿಕ ಬೊಜ್ಜು, ವಿಪರೀತ ಕೆಲಸದ ಒತ್ತಡ ಇವೆಲ್ಲ ಹೃದಯಾಘಾತಕ್ಕೆ ಮುಖ್ಯ ಕಾರಣಗಳಾಗಿವೆ. ಆದರೆ ಈ ರೀತಿ ಹೃದಯಾಘಾತ ಉಂಟಾಗುವ ಮೊದಲು ಕಾಣಿಸಿಕೊಳ್ಳುವ ಲಕ್ಷಣಗಳು ಪುರುಷ ಮತ್ತು ಮಹಿಳೆಯರಲ್ಲಿ ಒಂದೇ ರೀತಿ ಇರುವುದಿಲ್ಲ ಎಂದು ಅಧ್ಯಯನದಿಂದ ತಿಳಿದು ಬಂದಿದೆ.

ಮಹಿಳೆಯರಲ್ಲಿ ಈ ಕೆಳಗಿನ ಲಕ್ಷಣಗಳು ಕಾಣಿಸಿಕೊಂಡರೆ ಅದು ಹೃದತಯಾಘಾತ ಉಂಟಾಗುವ ಲಕ್ಷಣಗಳಾಗಿದ್ದು ಮುನ್ನಚ್ಚರಿಕೆ ಕ್ರಮವಾಗಿ ವೈದ್ಯರನ್ನು ಸಂಪರ್ಕಿಸಿ ಸಲಹೆಗಳನ್ನು ಪಡೆಯುವುದು ಒಳ್ಳೆಯದು.

1. ತಲೆಸುತ್ತು: ಹೃದಯಾಘಾತ ಉಂಟಾಗುವ ಒಂದು ತಿಂಗಳ ಮುಂಚಿತವಾಗಿ ವಿಪರೀತ ತಲೆಸುತ್ತು ಕಂಡು ಬರುತ್ತದೆ. ಈ ರೀತಿ ತಲೆಸುತ್ತು ಕಾಣಿಸಿಕೊಂಡು ದಿನನಿತ್ಯದ ಚಟುವಟಿಕೆಗೆ ಅಡಚಣೆ ಉಂಟು ಮಾಡುತ್ತದೆ. ಹೃದಯಾಘಾತ ಆಗಿರುವ 70% ಮಹಿಳೆಯರಿಗೆ ಒಂದು ತಿಂಗಳ ಮುಂಚಿತವಾಗಿ ಈ ರೀತಿಯ ಲಕ್ಷಣಗಳು ಕಂಡು ಬಂದಿರುವುದಾಗಿ ಅಧ್ಯಯನವು ಹೇಳುತ್ತದೆ.

2. ನಿದ್ದೆ ಬರದಿರುವುದು: ಹೃದಯಾಘಾತ ಉಂಟಾಗುವ ಸ್ವಲ್ಪ ದಿನಗಳಿಗಿಂತ ಮುಂಚೆ ನಿದ್ದೆ ಸರಿಯಾಗಿ ಬರುವುದಿಲ್ಲ. ಇಂತಹ ಸ್ಥಿತಿಯನ್ನು ಇನ್ಸೋಮ್ನಿಯ ಎಂದು ಕರೆಯಲಾಗುತ್ತದೆ.

3. ಒತ್ತಡ: ಸಾಮಾನ್ಯವಾಗಿ ಕಾಣಿಸಿ ಕೊಳ್ಳುವುಕ್ಕಿಂತ ಅಧಿಕ ಮಾನಸಿಕ ಒತ್ತಡ ಹೃದಯಾಘಾತ ಮುಂಚೆ ಕಾಣಿಸಿಕೊಳ್ಳುತ್ತದೆ.

4. ಅಜೀರ್ಣತೆ: ಹೊಟ್ಟೆ ನೋವು, ಜೀರ್ಣಕ್ರಿಯೆ ಸರಿಯಾಗಿ ಆಗದಿರುವುದು ಮುಂತಾದ ಲಕ್ಷಣಗಳು ಕೂಡ ಕಂಡು ಬರುತ್ತದೆ.

5. ಉಸಿರಾಟ: ಮನೆ ಕೆಲಸ ಮಾಡುವಾಗ ಅಥವಾ ಮನೆ ಮೆಟ್ಟಿಲು ಹತ್ತುವಾಗ ಉಸಿರಾಟಕ್ಕೆ ಕಷ್ಟವಾಗುವುದು.

6. ಜ್ವರದ ಲಕ್ಷಣಗಳು: ಚಳಿಯಾಗುವುದು, ವಿಪರೀತ ಬೆವರುವುದು, ನಿಶ್ಯಕ್ತಿ, ಜ್ವರ ಬಂದಂತೆ ಅನಿಸುವುದು ಈ ಎಲ್ಲಾ ಲಕ್ಷಣಗಳು ಕಂಡುಬರುತ್ತದೆ.

7. ಮೈಕೈ ನೋವು: ಗಲ್ಲ, ಕುತ್ತಿಗೆ, ಭುಜ, ಕಿವಿಯ ಹತ್ತಿರ ನೋವು ಉಂಟಾಗುತ್ತದೆ. ಕುತ್ತಿಗೆ ಮತ್ತು ಭುಜದ ನೋವು ದೇಹದ ಎಡ ಭಾಗದಲ್ಲಿ ಕಾಣಿಸಿಕೊಳ್ಳುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.