ವಜ್ರದಂತಿ ಗಿಡಗಳಿಂದ ಎಷ್ಟೆಲ್ಲಾ ಲಾಭವಿದೆ ಗೊತ್ತಾ? ಇಲ್ಲಿದೆ ಮಾಹಿತಿ

ಭಾರತೀಯ ಸಂಸ್ಕೃತಿಯಲ್ಲಿ ಆಯುರ್ವೇದ ಹಾಗೂ ನಾಟಿ ಔಷಧಿ ಬಹಳ ಪುರಾತನ ವಿಧಾನವಾಗಿದೆ. ಯಾವುದೆ ಸಮಸ್ಯೆಗೆ ನಮಗೆ ಗಿಡಮೂಲಿಕೆಗಳ ಬಳಕೆ ಮಾಡುವುದು ಬಹಳ ಪುರಾತನ ಕಾಲದಿಂದಲೂ ನಡೆದುಕೊಂಡು ಬಂದಿದೆ. ನಮ್ಮ ಸುತ್ತಮುತ್ತಲಿನ ಜಾಗದಲ್ಲೇ ನಮ್ಮ ನಡುವೆ ಸಿಗುವ ಗಿಡಮೂಲಿಕೆಗಳೇ ಹತ್ತು ಹಲವು ಕಾಯಿಲೆಗಳಿಗೆ ಔಷಧವಾಗಿದೆ.

ಇನ್ನು ಆಯುರ್ವೇದದಲ್ಲಿ ಹೆಚ್ಚಾಗಿ ಬಳಲ್ಪಡುವ ವಜ್ರದಂತಿ ಗಿಡಮೂಲಿಕೆಯ ಹೆಸರು ನೀವಲ್ಲಾ ಕೇಳಿರಬಹುದು. ಪ್ರಮುಖವಾಗಿ ನಿಮ್ಮ ಹಲ್ಲಿನ ಆರೋಗ್ಯಕ್ಕೆ ಇದು ಬಹಲ ಉಪಕಾರಿ ಎಂದು ಕೇಳಿರುತ್ತೀರಿ. ಅದರೆ ಹಲ್ಲಿನ ಆರೋಗ್ಯ ಮಾತ್ರವಲ್ಲ ಇದು ಹಲ್ಲುನೋವಿಗೂ ಪರಿಹಾರವನ್ನು ನೀಡುತ್ತದೆ. ಇದು ಮಧುಮೇಹ, ವಾಂತಿ, ಅತಿಸಾರ, ಜ್ವರ ಮತ್ತು ಕೆಮ್ಮು ಚಿಕಿತ್ಸೆಗೆ ಹೆಸರುವಾಸಿಯಾಗಿದೆ.

ವಜ್ರದಂತಿ, ವೈಜ್ಞಾನಿಕವಾಗಿ ಬಾರ್ಲೇರಿಯಾ ಪ್ರಿಯೋನಿಟಿಸ್ ಎಂದು ಕರೆಯಲ್ಪಡುತ್ತದೆ, ಹಲ್ಲಿನ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡುವಲ್ಲಿ ಅದರ ಪರಿಣಾಮಕಾರಿತ್ವಕ್ಕಾಗಿ ಆಯುರ್ವೇದ ಔಷಧದಲ್ಲಿ ಹೆಸರುವಾಸಿಯಾಗಿದೆ.

ಮಾನ್ಸೂನ್ ಸಮಯದಲ್ಲಿ ಕಂಡುಬರುವ ಈ ಗಿಡವು ಎಲ್ಲಾ ಕಡೆಗಳಲ್ಲಿ ಬೆಳೆಯುವುದಿಲ್ಲ. ಅಪರೂಪದಲ್ಲಿ ಅಪರೂಪವಾಗಿ ಬೆಳೆಯುತ್ತದೆ. ಇದು ಪ್ರಬಲ ಔಷಧಿ ಗುಣಗಳ ಹೊಂದಿರುವುದರಿಂದ ಹಲವು ರೋಗ ರುಜಿನಗಳ ಗುಣಪಡಿಸುವ ಅಂಶ ಹೊಂದಿದೆ. ಜನಪ್ರಿಯ ಟೂತ್‌ಪೇಸ್ಟ್‌ಗಳು ಸೇರಿದಂತೆ ಹಲವಾರು ಔಷಧಗಳು ವಜ್ರದಂತಿಯನ್ನು ಬಳಸಲಾಗುತ್ತದೆ. ಗಮನಾರ್ಹವಾಗಿ, ಹಲವಾರು ಹೆಸರಾಂತ ಟೂತ್‌ಪೇಸ್ಟ್ ಬ್ರಾಂಡ್‌ಗಳು ವಜ್ರದಂತಿ ಬಳಸುತ್ತವೆ.

ವಜ್ರದಂತಿ ದಕ್ಷಿಣ ಏಷ್ಯಾ ಮತ್ತು ಈಶಾನ್ಯ ಆಫ್ರಿಕಾದಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಈ ಔಷಧಿ ಗಿಡಗಳ ಎಲೆಗಳು ಆರು ವಿಧದ ಹೈಡ್ರಾಕ್ಸಿ ಫ್ಲೇವನಾಯ್ಡ್‌ಗಳನ್ನು ಒಳಗೊಂಡಿರುತ್ತವೆ. ಇದು ಅದರ ಶಕ್ತಿಯುತ ನಂಜುನಿರೋಧಕ ಗುಣಗಳ ಹೊಂದಿದೆ.

ಇದರ ಜೊತೆಗೆ ಹೈಡ್ರೋ ಎಥೆನಾಲ್, ಕಾರ್ಬೋಹೈಡ್ರೇಟ್‌ಗಳು, ಪ್ರೋಟೀನ್‌ಗಳು, ಗ್ಲೈಕೋಸೈಡ್‌ಗಳು ಮತ್ತು ಅಮೈನೋ ಆಮ್ಲಗಳು ಸೇರಿದಂತೆ ಪ್ರಯೋಜನಕಾರಿ ಸಂಯುಕ್ತಗಳ ತನ್ನಲ್ಲಿಟ್ಟುಕೊಂಡಿದೆ.

ಆಯುರ್ವೇದವಲ್ಲದೆ, ವಜ್ರದಂತಿಯನ್ನು ಸಾಂಪ್ರದಾಯಿಕ ವೈದ್ಯಕೀಯ ಪದ್ಧತಿಗಳಾದ ಸಿದ್ಧ ಮತ್ತು ಜಾನಪದ ಔಷಧಗಳಲ್ಲಿಯೂ ಬಳಸಲಾಗುತ್ತದೆ. ಕೆಮ್ಮು ಮತ್ತು ವಾತ ದೋಷಗಳ ಚಿಕಿತ್ಸೆಯಲ್ಲಿ ವಜ್ರದಂತಿ ಬಹಳ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಅದರ ಹೆಸರೇ ಹೇಳುವಂತೆ ವಜ್ರ ಎಂದರೆ ವಜ್ರ ಹಾಗೂ ದಂತಿ ಎಂದರೆ ದಂತ ಅಥವಾ ಹಲ್ಲು ವಜ್ರದಂತಹ ಹಲ್ಲಿಗೆ ವಜ್ರದಂತಿ ಬಳಸಬೇಕು ಎಂದು ಹೇಳಲಾಗುತ್ತದೆ.

ಬಾಯಿ ಹುಣ್ಣಿನ ಸಮಸ್ಯೆ ಇರುವವರು ವಜ್ರದಂತಿ ಬೇರಿನ ಕಷಾಯವನ್ನು ಮೌತ್ ವಾಶ್ ಆಗಿ ಉಪಯೋಗಿಸುವುದು ಒಳ್ಳೆಯದು. ಇದರೊಂದಿಗೆ ಗುಳ್ಳೆಗಳು ವೇಗವಾಗಿ ಗುಣವಾಗುತ್ತವೆ. ಇದಲ್ಲದೆ, ದಂತಕ್ಷಯ ಮತ್ತು ಒಸಡುಗಳಲ್ಲಿ ರಕ್ತಸ್ರಾವದ ಸಮಸ್ಯೆ ಇರುವವರು ವಜ್ರದಂತಿ ಎಲೆಗಳ ರಸವನ್ನು ಪೀಡಿತ ಪ್ರದೇಶಕ್ಕೆ ಹಚ್ಚುವುದರಿಂದ ಪರಿಹಾರ ಪಡೆದುಕೊಳ್ಳಬಹುದು.

ಈಗ ವಜ್ರದಂತಿ ಗಿಡಗಳು ನರ್ಸರಿಯಲ್ಲಿ ಸಿಗುತ್ತವೆ. ಅವುಗಳನ್ನು ತಂದು ಮನೆಯಲ್ಲೇ ಬೆಳೆಸುತ್ತಾರೆ. ಜೊತೆಗೆ ಇದರ ಹೂವಿನಿಂದಲೂ ಹಲವು ಆರೋಗ್ಯಕರ ಲಾಭ ಪಡೆಯುತ್ತಾರೆ. ಹಳದಿ ಬಣ್ಣದ ಹೂವುಗಳನ್ನು ಸಹ ಔಷಧಿಯಲ್ಲಿ ಬಳಸಲಾಗುತ್ತದೆ. ಇದರ ಲೇಹ್ಯ ಮಾಡಿ ಅದರಿಂದ ಹಲ್ಲು ಉಜ್ಜುವುದರಿಂದ ಹಲ್ಲುಗಳ ಒಸಡು ಗಟ್ಟಿಯಾಗುತ್ತದೆ. ಜೊತೆಗೆ ಹಲ್ಲುಗಳು ಹಳದಿಯಾಗುವುದರಿಂದಲೂ ಪಾರಾಗಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.