ಮಧುಮೇಹಿಗಳಿಗೆ ಕಾಡುವ ಗ್ಲುಕೋಮಾ(ಕಣ್ಣಿನ ಸಮಸ್ಯೆ) ತಡೆಗಟ್ಟಬಹುದೇ? ತಜ್ಞರು ಹೇಳುವುದೇನು?

ಈ ಮಾಸವನ್ನು ಗ್ಲುಕೋಮಾ ಜಾಗೃತಿ ಮಾಸವೆಂದು ಆಚರಿಸಲಾಗುವುದು. ಭಾರತದಲ್ಲಿ ಮಧುಮೇಹಿಗಳ ಸಂಖ್ಯೆ ವರ್ಷದಿಂದ ವರ್ಷ ಹೆಚ್ಚಾಗುತ್ತಲೇ ಇದೆ, ಮಧುಮೇಹಿಗಳಿಗೆ ಗ್ಲುಕೋಮಾದ ಅಪಾಯವಿದೆ, ಇದನ್ನು ತಡೆಗಟ್ಟಬಹುದೇ.? ಇದರ ಬಗ್ಗೆ ನೇತ್ರ ತಜ್ಞರು ನಮ್ಮ ಓದುಗರಿಗೆ ನೀಡಿರುವ ಮಾಹಿತಿ ಇಲ್ಲಿದೆ:

ಡಾ. ಸಂಗೀತಾ ರಾವ್, ಕನ್ಸಲ್ಟೆಂಟ್ - ನೇತ್ರವಿಜ್ಞಾನ, ಮಣಿಪಾಲ್ ಆಸ್ಪತ್ರೆ ಯಶವಂತಪುರ

ಗ್ಲುಕೋಮಾ ಎಂದರೇನು??
ಗ್ಲುಕೋಮಾ ಎಂಬುದು ಕಣ್ಣಿನ ನರಗಳ ಮೇಲೆ ಪರಿಣಾಮ ಬೀರುವ ಒಂದು ರೀತಿಯ ಕಾಯಿಲೆಯಾಗಿದ್ದು, ಇದನ್ನು ಆರಂಭಿಕ ಹಂತದಲ್ಲಿ ಪತ್ತೆಹಚ್ಚದಿದ್ದರೆ, ಅದು ಶಾಶ್ವತ ಕುರುಡುತನಕ್ಕೆ ಕಾರಣವಾಗಬಹುದು. ಇದನ್ನು ಹೆಚ್ಚಾಗಿ "ಸೈಲೆಂಟ್ ಥೀಫ್ ಆಫ್ ಸೈಟ್" ಎಂದು ಕರೆಯಲಾಗುತ್ತದೆ ಏಕೆಂದರೆ ಗ್ಲುಕೋಮಾ ಇರುವ ಹೆಚ್ಚಿನ ಜನರಲ್ಲಿ ಆಪ್ಟಿಕ್ ನರಕ್ಕೆ ಗಮನಾರ್ಹ ಹಾನಿಯಾಗುವವರೆಗೂ ಯಾವುದೇ ಲಕ್ಷಣಗಳು ಕಂಡುಬರುವುದಿಲ್ಲ. ಈ ಹಾನಿ ಸಂಭವಿಸಿದ ನಂತರ, ಅದು ಕ್ರಮೇಣ ಶಾಶ್ವತ ದೃಷ್ಟಿ ಕಳೆದುಕೊಳ್ಳಲು ಕಾರಣವಾಗುತ್ತದೆ.

ಅಪಾಯಕಾರಿ ಅಂಶಗಳು
• ವಯಸ್ಸು - ವಯಸ್ಸಾದಂತೆ ಗ್ಲುಕೋಮಾ ಬರುವ ಅಪಾಯ ಹೆಚ್ಚಾಗುತ್ತದೆ, ಆದ್ದರಿಂದ ವಯಸ್ಸಾದಂತೆ ನಿಯಮಿತವಾಗಿ ಕಣ್ಣಿನ ತಪಾಸಣೆ ಮಾಡಿಸಿಕೊಳ್ಳುವುದು ಮುಖ್ಯ.
• ಜೆನೆಟಿಕ್ - ಗ್ಲುಕೋಮಾ ಜೆನೆಟಿಕ್ ಆಗಿ ಕೂಡ ಬರಬಹುದು. ನಿಮ್ಮ ಹೆತ್ತವರು, ಅಜ್ಜ-ಅಜ್ಜಿಯರು ಅಥವಾ ಒಡಹುಟ್ಟಿದವರಲ್ಲಿ ಗ್ಲುಕೋಮಾ ಇದ್ದರೆ, ನಿಮಗೂ ಅದು ಬರುವ ಸಾಧ್ಯತೆ ಹೆಚ್ಚು.
• ಡಯಾಬಿಟಿಸ್ ಮೆಲ್ಲಿಟಸ್ - ಮಧುಮೇಹಿಗಳಿಗೆ ಗ್ಲುಕೋಮಾ ಬರುವ ಅಪಾಯ ಸಾಮಾನ್ಯ ಜನರಿಗಿಂತ ಹೆಚ್ಚಾಗಿದೆ.
• ಅಧಿಕ ರಕ್ತದೊತ್ತಡ ಮತ್ತು ಡಿಸ್ ಲಿಪಿಡೆಮಿಯಾ - ಮಧುಮೇಹಕ್ಕೆ ಸಮಾನ ರೀತಿಯಲ್ಲಿಯೇ ಇಲ್ಲಿಯೂ ಗ್ಲುಕೋಮಾ ಬರುವ ಅಪಾಯ ಹೆಚ್ಚು.
• ತೀವ್ರ ಸಮೀಪದೃಷ್ಟಿ (ಮಯೋಪಿಯಾ) ಮತ್ತು ಕೆಲವು ಜನಾಂಗೀಯ ಹಿನ್ನೆಲೆ ಹೊಂದಿರುವ ಜನರು ಗ್ಲುಕೋಮಾವನ್ನು ಪಡೆಯುವ ಸಾಧ್ಯತೆ ಹೆಚ್ಚು.

ವರ್ಗೀಕರಣ
ಈ ಕೆಳಗಿನಂತೆ ವರ್ಗೀಕರಿಸಲಾಗಿದೆ
1 ಓಪನ್ ಆಂಗಲ್ ಗ್ಲುಕೋಮಾ
2 ಆಂಗಲ್ ಕ್ಲೋಸರ್ ಗ್ಲುಕೋಮಾ
ಇದರಲ್ಲಿ ಮೊದಲನೆಯದು ಹೆಚ್ಚು ಸಾಮಾನ್ಯವಾಗಿದೆ

ಲಕ್ಷಣಗಳು
ಓಪನ್ ಆಂಗಲ್
• ಆರಂಭಿಕ ಹಂತಗಳಲ್ಲಿ ಯಾವುದೇ ರೋಗಲಕ್ಷಣಗಳಿರುವುದಿಲ್ಲ
• ಮುಂದಿವರಿದ ಹಂತದ ಗ್ಲುಕೋಮಾ - ನೀವು ಮಸುಕಾದ ದೃಷ್ಟಿ, ಬೆಳಕಿನ ಸುತ್ತ ಬಣ್ಣದ ಉಂಗುರಗಳು ಕಾಣುವುದು, ಸಾಂದರ್ಭಿಕವಾಗಿ ಕಣ್ಣು ನೋವು, ಕೆಂಪು ಬಣ್ಣಕ್ಕೆ ತಿರುಗುವುದು ಮತ್ತು ಕಣ್ಣುಗಳಲ್ಲಿ ನೀರು ಬರುವುದನ್ನು ಗಮನಿಸಬಹುದು.
ನ್ಯಾರೋ ಆಂಗಲ್ ಗ್ಲುಕೋಮಾ
• ಇದು ಕಣ್ಣುಗಳ ಸುತ್ತ ಆಗಾಗ್ಗೆ ತಲೆನೋವು ಮತ್ತು ಕಣ್ಣಿನ ನೋವನ್ನು ಉಂಟುಮಾಡಬಹುದು.
• ಸಾಮಾನ್ಯವಾಗಿ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ
• ದೀರ್ಘ ದೃಷ್ಟಿ
ರೋಗನಿರ್ಣಯ ಮಾಡುವುದು ಹೇಗೆ?
• ವಿಶುಯಲ್ ಅಕ್ಯುಇಟಿ ಚೆಕ್
• ಸ್ಲಿಟ್ ಲ್ಯಾಂಪ್ ಪರೀಕ್ಷೆ
• ಫಂಡಸ್ ಪರೀಕ್ಷೆ
• ಇಂಟ್ರಾಕ್ಯುಲರ್ ಪ್ರೆಶರ್ ಚೆಕ್

ತಪಾಸಣೆಗಳು:
• ಪೇರಿಮೆಟ್ರಿ
• ಓಸಿಟಿ (OCT)

ರೋಗನಿರ್ಣಯದ ಮಾನದಂಡಗಳು - ಕಣ್ಣಿನೊಳಗಿನ ಒತ್ತಡ ಹೆಚ್ಚಾಗುವುದು, ದೃಷ್ಟಿ ಕ್ಷೇತ್ರದಲ್ಲಿನ ಬದಲಾವಣೆಗಳು ಮತ್ತು ಆಪ್ಟಿಕ್ ಡಿಸ್ಕ್‌ನಲ್ಲಿ ವಿಶಿಷ್ಟವಾದ ಗ್ಲಾಕೊಮ್ಯಾಟಸ್ ಬದಲಾವಣೆಗಳು ಗ್ಲುಕೋಮಾದ ಲಕ್ಷಣಗಳಾಗಿವೆ.

ನಿರ್ವಹಣೆ - ಇದು ಎಷ್ಟು ಹಾನಿ ಸಂಭವಿಸಿದೆ ಮತ್ತು ಕಣ್ಣಿನೊಳಗಿನ ಒತ್ತಡದ ಮಟ್ಟವನ್ನು ಅವಲಂಬಿಸಿರುತ್ತದೆ.

ಚಿಕಿತ್ಸೆ:
• ಕಣ್ಣಿನೊಳಗಿನ ಒತ್ತಡವನ್ನು ನಿಯಂತ್ರಿಸಲು ಸಹಾಯ ಮಾಡಲು, ಸಾಮಾನ್ಯವಾಗಿ ಕಣ್ಣಿನ ಹನಿಗಳ ರೂಪದಲ್ಲಿ ಗ್ಲುಕೋಮಾ ವಿರೋಧಿ ಔಷಧವನ್ನು ಪ್ರತಿದಿನ ಬಳಸಬೇಕಾಗುತ್ತದೆ.
• ಗ್ಲುಕೋಮಾ ಔಷಧಗಳಿಂದ ಸುಧಾರಿಸದಿದ್ದರೆ ಅಥವಾ ಅದು ಮುಂದುವರಿದ ಹಂತದಲ್ಲಿದ್ದರೆ ಲೇಸರ್ ಚಿಕಿತ್ಸೆಗಳು ಮತ್ತು ಗ್ಲುಕೋಮಾ ಶಸ್ತ್ರಚಿಕಿತ್ಸೆ ಅಗತ್ಯವಾಗಬಹುದು.

ಮಧುಮೇಹ ಮತ್ತು ಅಧಿಕ ರಕ್ತದೊತ್ತಡ: ಮಧುಮೇಹ ಇರುವವರಿಗೆ ಗ್ಲುಕೋಮಾ ಬರುವ ಸಾಧ್ಯತೆ ಎರಡು ಪಟ್ಟು ಹೆಚ್ಚು. ಮಧುಮೇಹವಿಲ್ಲದವರಿಗಿಂತ ಅವರಿಗೆ ಗ್ಲುಕೋಮಾ ಬರುವ ಸಾಧ್ಯತೆ 48% ಹೆಚ್ಚು. ಮಧುಮೇಹ ಹೆಚ್ಚು ಕಾಲ ಇದ್ದಷ್ಟೂ ಅಪಾಯ ಹೆಚ್ಚಾಗುತ್ತದೆ, ಏಕೆಂದರೆ ಅದು ಈ ಕೆಳಕಂಡ ಮಾರ್ಗಗಳ ಮೂಲಕ ದೇಹದಲ್ಲಿ ಏರುಪೇರು ಹಾಗೂ ಗ್ಲುಕೋಮಾ ಅಪಾಯವನ್ನು ಹೆಚ್ಚಿಸುತ್ತದೆ:
• ನಾಳೀಯ ಪರಿಣಾಮ: ರಕ್ತನಾಳಗಳಿಗೆ ಹಾನಿಯಾಗುವ ಮೂಲಕ, ಇದು ಆಪ್ಟಿಕ್ ನರಕ್ಕೆ ಪೋಷಕಾಂಶಗಳು ಮತ್ತು ಆಮ್ಲಜನಕದ ಪೂರೈಕೆಯನ್ನು ಕಡಿಮೆ ಮಾಡುತ್ತದೆ.
• ಆಕ್ಸಿಡೇಟಿವ್ ಒತ್ತಡ
• ಅಧಿಕ ರಕ್ತದೊತ್ತಡ
• ಆಪ್ಟಿಕ್ ನರಕ್ಕೆ ರಕ್ತದ ಹರಿವನ್ನು ತಡೆಯುವ ಮೂಲಕ.
• ಕೆಲವೊಮ್ಮೆ, ದೀರ್ಘಕಾಲದವರೆಗೆ ಕಡಿಮೆ ರಕ್ತದೊತ್ತಡ ಇದ್ದರೆ, ವಿಶೇಷವಾಗಿ ರಾತ್ರಿಯಲ್ಲಿ, ಗ್ಲುಕೋಮಾದ ಪರಿಸ್ಥಿತಿಯನ್ನು ಇನ್ನಷ್ಟು ಹದಗೆಡಿಸಬಹುದು.

ನೆನಪಿನಲ್ಲಿ ಇಟ್ಟುಕೊಳ್ಳಬೇಕಾದ ಅಂಶಗಳು
• ಗ್ಲುಕೋಮಾ ಒಂದು ಕುರುಡುತನಕ್ಕೆ ಕಾರಣವಾಗುವ ಕಾಯಿಲೆಯಾಗಿದೆ
• ದೃಷ್ಟಿಯ ಕಳೆದುಕೊಳ್ಳುವುದನ್ನು ತಡೆಗಟ್ಟಲು ಆರಂಭಿಕ ಹಂತದಲ್ಲಿಯೇ ಪತ್ತೆಹಚ್ಚುವುದು ಬಹಳ ಮುಖ್ಯ
• 40 ವರ್ಷದ ನಂತರ ನಿಯಮಿತ ಕಣ್ಣಿನ ತಪಾಸಣೆ ಮುಖ್ಯ
• ಇದು ಆನುವಂಶಿಕವಾಗಿರಬಹುದು
• ಮಧುಮೇಹ, ಅಧಿಕ ರಕ್ತದೊತ್ತಡ ಮತ್ತು ಹೆಚ್ಚಿನ ಕೊಲೆಸ್ಟ್ರಾಲ್ ಮಟ್ಟ ಹೊಂದಿರುವ ಜನರು ಹೆಚ್ಚು ಅಪಾಯದಲ್ಲಿದ್ದಾರೆ
• ಆರಂಭಿಕ ಹಂತದಲ್ಲಿಯೇ ಪತ್ತೆಯಾದರೆ ದೃಷ್ಟಿ ಕಳೆದುಕೊಳ್ಳುವುದನ್ನು ತಡೆಗಟ್ಟಬಹುದು

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.