ಮಾತ್ರೆಯ ಹಂಗಿಲ್ಲದೆ ಸ್ವಾಭಾವಿಕವಾಗಿ ನೋವು ನಿವಾರಿಸಿಕೊಳ್ಳಿ

ನಿಮ್ಮ ಒತ್ತಡವನ್ನು ನಿಭಾಯಿಸಿ

ಕೆಲವೊಮ್ಮೆ ದೇಹದಲ್ಲಿ ಭಾದಿಸುವ ನೋವಿಗೆ ಒತ್ತಡವೇ ಮೂಲ ಕಾರಣವಾಗಿರುತ್ತದೆ. ಈ ಒತ್ತಡವನ್ನು ನಿವಾರಿಸಿಕೊಳ್ಳಲು, ಹಲವಾರು ಚಟುವಟಿಕೆಗಳಲ್ಲಿ ಪಾಲ್ಗೊಳ್ಳಿ. ಶಾಪಿಂಗ್ ಹೋಗುವುದು, ಪ್ರಕೃತಿ ವೀಕ್ಷಣೆ, ಹೀಗೆ ಯಾವುದಾದರು ಒಂದು ಚಟುವಟಿಕೆಯಲ್ಲಿ ಪಾಲ್ಗೊಳ್ಳಿ. ಇದರಿಂದ ನೋವು ಕಡಿಮೆಯಾಗುತ್ತದೆ.

ವ್ಯಾಯಾಮ

ಜಾಗಿಂಗ್ ಮಾಡಿ ವಾಕ್ ಮಾಡಿ ಅಥವಾ ಜಾಗಿಂಗ್ ಮಾಡಿ, ಇದು ವರ್ಕ್‌ಔಟ್ ಮಾಡುವುದರಲ್ಲಿಯೇ ಅತ್ಯುತ್ತಮವಾದ ವಿಧಾನಗಳಾಗಿರುತ್ತವೆ. ಸೈಕ್ಲಿಂಗ್ ಮತ್ತು ಈಜು ಸಹ ಮಾಡಬಹುದು. ಇವೆಲ್ಲವು ನಿಮ್ಮ ಮೆದುಳಿನಲ್ಲಿರುವ ಒತ್ತಡವನ್ನು ನಿವಾರಿಸಿ ಎಂಡೊರ್ಫಿನ್‌ಗಳು ಎಂಬ ರಾಸಾಯನಿಕಗಳನ್ನು ಬಿಡುಗಡೆ ಮಾಡಿ, ನಿಮ್ಮನ್ನು ಸಂತೋಷಗೊಳಿಸುತ್ತದೆ. ಈ ಚಟುವಟಿಕೆಗಳಿಂದ ರಕ್ತ ಪರಿಚಲನೆ ಹೆಚ್ಚುತ್ತದೆ ಮತ್ತು ನಿಮ್ಮ ನೋವು ಸಹ ಕಡಿಮೆಯಾಗುತ್ತದೆ.

ಸ್ಟ್ರೆಚ್ ಮಾಡಿ

ನೋವಿನಿಂದ ಕೂಡಿರುವ ಸ್ನಾಯುಗಳಿಗೆ ಲಘು ವ್ಯಾಯಾಮ ನೀಡಿ ಅಥವಾ ಸ್ಟ್ರೆಚ್ ಮಾಡಿ. ಅಂದರೆ ಕೈ, ಕಾಲು ಮುಂತಾದ ಭಾಗಗಳು ನೋಯುತ್ತಿದ್ದಲ್ಲಿ, ಅದಕ್ಕೆ ಸರಿಹೊಂದುವ ಸ್ಟ್ರೆಚ್ಚಿಂಗ್ ವ್ಯಾಯಾಮಗಳನ್ನು ಮಾಡಿ.ಇದರಿಂದ ನೋವು ಬೇಗ ನಿವಾರಣೆಯಾಗುತ್ತದೆ. ಇದನ್ನು ನಿಧಾನವಾಗಿ ಸಹ ಮಾಡಬಹುದು, ಇದರಿಂದ ನಿಮ್ಮ ನೋವು ಸ್ವಾಭಾವಿಕವಾಗಿ ಮಾಯವಾಗುತ್ತದೆ.

ಐಸ್ ಕ್ರೀಮ್‌ಗಳನ್ನು ತಿನ್ನಿ

ನೋವನ್ನು ನಿವಾರಿಸಲು ಐಸ್ ಕ್ರೀಮ್‌ಗಳನ್ನು ತಿನ್ನುವುದರ ಮೂಲಕ ಸಹ ನಿವಾರಿಸಿಕೊಳ್ಳಬಹುದು ಎಂದು ಒಂದು ಅಧ್ಯಯನ ಖಚಿತಪಡಿಸಿದೆ. ಐಸ್ ಕ್ರೀಮ್, ಚಾಕೊಲೇಟ್ ಮತ್ತು ಕುಕಿಗಳನ್ನು ತಿನ್ನುವ ಮೂಲಕ ಸಹ ನೋವನ್ನು ನಿವಾರಣೆ ಮಾಡಿಕೊಳ್ಳಬಹುದು. ಆದರೆ ಇವುಗಳನ್ನು ಒಂದು ಮಿತಿಯಲ್ಲಿ ಮಾತ್ರ ಸೇವಿಸಿ.

ಬೋನ್ ಬ್ರೋಥ್ ಸೇವಿಸಿ

ಇದೊಂದು ಬಗೆಯ ಸೂಪ್ ಆಗಿದ್ದು ಕುರಿಯ ಅಥವಾ ಮೇಕೆಯ ಮೂಳೆಯನ್ನು ಬೇಯಿಸಿ ಮಾಡಲಾಗುತ್ತದೆ. ಮೂಲೆಗಳಲ್ಲಿ ಸಮೃದ್ಧವಾದ ಪೋಷಕಾಂಶಗಳು ಇರುತ್ತವೆ. ಇವು ನೋವನ್ನು ನಿವಾರಿಸುತ್ತವೆ. ಆದ್ದರಿಂದ ನೋವನ್ನು ನಿವಾರಿಸಿಕೊಳ್ಳಲು, ಈ ಸೂಪ್ ಸೇವಿಸಿ. ಇದು ನೋವು ನಿವಾರಣೆಗೆ ಇರುವ ಒಳ್ಳೆಯ ಉಪಾಯವಾಗಿದೆ.

ಹೀಟ್ ಥೆರಪಿ

ಶಾಖವು ನೋವನ್ನು ನಿವಾರಣೆ ಮಾಡುತ್ತದೆ ಎಂಬುದು ಅಜ್ಜಿಯರ ಕಾಲದಿಂದ ತಿಳಿದಿರುವ ವಿಚಾರವೇ. ಅದನ್ನೇ ವ್ಯವಸ್ಥಿತವಾಗಿ ಮಾಡಿ. ಈ ಶಾಖವು ರಕ್ತ ಪರಿಚಲನೆಯನ್ನು ಹೆಚ್ಚಿಸುತ್ತದೆ. ರಕ್ತವು ಆಮ್ಲಜನಕ ಮತ್ತು ಪೋಷಕಾಂಶಗಳನ್ನು ನೋವಿರುವ ಭಾಗಕ್ಕೆ ಸಾಗಿಸುತ್ತದೆ. ಹೀಗೆ ಇದು ನೋವನ್ನು ನಿವಾರಣೆ ಮಾಡುತ್ತದೆ. ಬಿಸಿ ನೀರಿನ ಬಾಟಲ್ ಅಥವಾ ಎಲೆಕ್ಟ್ರಿಕ್ ಹೀಟಿಂಗ್ ಪ್ಯಾಡ್ ಮೂಲಕ ನೋವಿರುವ ಭಾಗಕ್ಕೆ ನೀವು ಶಾಖವನ್ನು ನೀಡಬಹುದು.

ಐಸ್

ನೋವು ನಿವಾರಕಗಳಿಲ್ಲದೆ ನೋವನ್ನು ಮಂಜುಗಡ್ಡೆಯಿಂದ ನಿವಾರಿಸಿಕೊಳ್ಳಿ. ಮಂಜುಗಡ್ಡೆಗಳನ್ನು ನೋವಿರುವ ಭಾಗದಲ್ಲಿ ಉಜ್ಜುವ ಮೂಲಕ ನೋವನ್ನು ನಿವಾರಿಸಿಕೊಳ್ಳಬಹುದು. ಇವು ಅನೆಸ್ಥೇಟಿಕ್ ರೀತಿ ಕೆಲಸ ಮಾಡುತ್ತವೆ. ಇವು ನೋವಿರುವ ಭಾಗವನ್ನು ಮರಗಟ್ಟಿಸುವ ಮೂಲಕ ನೋವಿನ ಪ್ರಮಾಣವನ್ನು ಕಡಿಮೆ ಮಾಡುತ್ತವೆ. ಆಗಾಗಿ ನೋವು ಕಂಡು ಬಂದ ತಕ್ಷಣ ಮಂಜುಗಡ್ಡೆಯನ್ನು ಆ ಭಾಗಕ್ಕೆ ಉಜ್ಜಿ.

ಜೊತೆಯನ್ನು ಹುಡುಕಿಕೊಳ್ಳಿ

ನಿಮ್ಮ ಹಾಗೆ ನೋವಿನಿಂದ ಬಳಲುವ ಜನರ ಒಂದು ಗುಂಪನ್ನು ಮಾಡಿಕೊಳ್ಳಿ. ಇದರಿಂದ ನಿಮಗೆ ಒಂದು ಮಾನಸಿಕ ಧೈರ್ಯ ಮತ್ತು ನೈತಿಕ ಬೆಂಬಲ ದೊರೆಯುತ್ತದೆ. ಅವರ ಜೊತೆ ಮಾತನಾಡುವುದರಿಂದ, ನಿಮಗೆ ನೋವನ್ನು ನಿಭಾಯಿಸುವ ಮಾರ್ಗಗಳು ದೊರೆಯುತ್ತವೆ. ಹಲವಾರು ಪ್ರಯೋಗಗಳನ್ನು ಮಾಡಿಕೊಳ್ಳುವ ಬದಲಿಗೆ, ನಿಖರ ಫಲಿತಾಂಶ ನೀಡುವ ನಿವಾರಣೋಪಾಯವನ್ನು ನಿಮ್ಮ ಸ್ನೇಹಿತರು ತಿಳಿಸಬಹುದು.