ಸಕ್ಕರೆ ಖಾಯಿಲೆಯವರು ಕಾಫಿ ಕುಡಿಯಬಹುದಾ?

ಡ್ಯೂಕ್ ಮೆಡಿಕಲ್ ಸೆಂಟರ್ ನಡೆಸಿದ ಈ ಸಂಶೋಧನೆ, ಕಾಫಿ ಸೇವನೆ ತ್ಯಜಿಸಿದರೆ ಸಕ್ಕರೆ ಖಾಯಿಲೆಯನ್ನು ಸುಲಭವಾಗಿ ನಿಯಂತ್ರಿಸಬಹುದು ಎಂದಿದೆ.

ದಿನನಿತ್ಯ ಸೇವಿಸುವ ಕಾಫಿ, ಟೀ ಮತ್ತು ಇನ್ನಿತರ ತಂಪು ಪಾನೀಯದಲ್ಲಿನ ಕೆಫೆನ್ ಅಂಶ ಮಧುಮೇಹಿಗಳಿಗೆ, ಅದರಲ್ಲೂ ಟೈಪ್ 2 ಡಯಾಬಿಟಿಸ್ ಇದ್ದವರ ರಕ್ತದಲ್ಲಿನ ಸಕ್ಕರೆ ಮಟ್ಟ ಹೆಚ್ಚಿಸುತ್ತದೆ ಮತ್ತು ಈ ಖಾಯಿಲೆ ನಿಯಂತ್ರಣ ಕಷ್ಟವಾಗುತ್ತದೆ ಎಂದು ತಿಳಿಸಿದೆ.

ವ್ಯಾಯಾಮ, ಆಹಾರ ಕ್ರಮವನ್ನು ಸರಿಯಾಗಿ ಅನುಸರಿಸಿದರೂ, ನಿರೀಕ್ಷಿತ ಮಟ್ಟದಲ್ಲಿ ಫಲಿತಾಂಶ ಹೊಂದಲು ಕಾಫಿ ಸೇವನೆ ಅಡ್ಡ ಬರುತ್ತದೆ ಎನ್ನಲಾಗಿದೆ.

ದಿನಕ್ಕೆ 2 ಬಾರಿ ಕಾಫಿ ಕುಡಿಯುತ್ತಿದ್ದ 10 ರೋಗಿಗಳನ್ನು ಪರೀಕ್ಷೆಗೆ ಒಳಪಡಿಸಿ, ಅವರಿಗೆ 72 ಗಂಟೆಗಳ ಕಾಲ ಗ್ಲೂಕೋಸ್ ಮಾನಿಟರ್ ಅಳವಡಿಸಿದಾಗ, ಕಾಫಿ ಸೇವನೆಯಿಂದ 8% ಸಕ್ಕರೆ ಅಂಶ ಹೆಚ್ಚಾಗಿರುವುದು ಕಂಡುಬಂದಿದೆ.

ಕಾಫಿ ಸೇವನೆ ದೇಹದಲ್ಲಿ ಸಕ್ಕರೆ ಅಂಶ ಹೆಚ್ಚಿಸುವ ಹಾರ್ಮೋನಾದ ಅಡ್ರೆನಲೈನ್ ಅನ್ನು ಹೆಚ್ಚು ಬಿಡುಗಡೆ ಮಾಡುವುದು ಸಕ್ಕರೆ ಅಂಶ ಹೆಚ್ಚಲು ಕಾರಣವಿರಬಹುದು ಎಂದು ಅಂದಾಜಿಸಲಾಗಿದೆ. ಕಾಫಿ ಮತ್ತು ಕೆಫೆನ್ ಅಂಶ ಹೊಂದಿರುವ ಇನ್ನಿತರ ಪಾನೀಯಗಳನ್ನು ತ್ಯಜಿಸುವುದು ಆರೋಗ್ಯದ ದೃಷ್ಟಿಯಿಂದ ತುಂಬಾ ಒಳ್ಳೆಯದು ಎಂದಿದ್ದಾರೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.