ತ್ವಚೆ ಹೀಗೆ ಬದಲಾದರೆ ನಿರ್ಲಕ್ಷ್ಯಬೇಡ, ಅದು ಮಧುಮೇಹದ ಲಕ್ಷಣವಾಗಿದೆ

ದೇಹದ ಕೆಲವು ಭಾಗ ಕಪ್ಪಾಗುವುದು

ದೇಹದಲ್ಲಿ ಇನ್ಸುಲಿನ್‌ ಹೆಚ್ಚಾದರೆ ಕುತ್ತಿಗೆಯ ಹಿಂಭಾಗ, ಕಂಕುಳ , ಗುಪ್ತ ಭಾಗದಲ್ಲಿ ತುಂಬಾನೇ ಕಪ್ಪಾಗುತ್ತೆ. ಇದು ಮಧುಮೇಹದ ಆರಂಭಿಕ ಲಕ್ಷಣವಾಗಿದ್ದು ಇದನ್ನು ವೈದ್ಯಕೀಯ ಭಾಷೆಯಲ್ಲಿ acanthosis nigricans ಎಂದು ಕರೆಯಲಾಗುವುದು.

ಚರ್ಮ ದಪ್ಪಾಗುವುದು

ಕಾಲು ಹಾಗೂ ಕೈ ಬೆರಳಿನ ಹತ್ತಿರದ ತ್ವಚೆ/ ಚರ್ಮ ಮಂದವಾಗುವುದು, ಮೊದಲಿಗೆ ನಿಮ್ಮ ಕೈ ಹಿಂದುಗಡೆ ನಂತರ ಮಣಿಗಂಟು, ಮೊಣಕೈ ಭಾಗಗಳಲ್ಲಿ ಕಂಡು ಬರುವುದು ಕೆಲವರಿಗೆ ಇದು ಎದೆ, ಭುಜ, ಮುಖಕ್ಕೆ ಕೂಡ ಹರಡುವುದು.

ನರಹುಲಿ ಸ್ಕಿನ್‌ ಟ್ಯಾಗ್‌

ದೇಹದಲ್ಲಿ ಸಕ್ಕರೆಯಂಶ ಹೆಚ್ಚಾದಾಗ ತ್ವಚೆ ಬಣ್ಣದ್ದೇ ಚಿಕ್ಕ ತ್ವಚೆ ನರಗಳು ಏಳುತ್ತವೆ, ಇವುಗಳು ನಿಮ್ಮ ತ್ವಚೆಯ ಬಣ್ಣದಲ್ಲೇ ಇರುತ್ತದೆ, ಇವುಗಳು ಕ್ಯಾನ್ಸರ್‌ ಕಾರಕವಲ್ಲ.

ಗಾಯ ಒಣಗಲು ನಿಧಾನವಾಗುವುದು

ಒಂದು ಚಿಕ್ಕ ಗಾಯವಾದರೂ ಒಣಗಲು ತುಂಬಾ ದಿನಗಳು ತೆಗೆದುಕೊಳ್ಳುತ್ತಿವೆಯೇ?ಹಾಗಾದರೆ ನಿರ್ಲಕ್ಷ್ಯ ಮಾಡಬೇಡಿ, ಶುಗರ್‌ ಟೆಸ್ಟ್‌ ಮಾಡಿಸಿ.

ಬೆಡ್‌ಸೋರ್‌

ತ್ವಚೆಯ ಮೇಲೆ ಒತ್ತಡ ಬಿದ್ದಾಗ ಹಿಮ್ಮಡಿ, ಹಿಂಭಾಗ, ಬೆನ್ನು, ಮೊಣಕಾಲು ಭಾಗಗಳಲ್ಲಿಕಂಡು ಬರುತ್ತದೆ. ಈ ರೀತಿ ಕಣ್ಣಿಗೆ ಬಿದ್ದರೆ ನಿರ್ಲಕ್ಷ್ಯ ಮಾಡಲೇಬೇಡಿ.

ಡಯಾಬಿಟಿಕ್‌ ಡರ್ಮಾಪತಿ

ದೇಹದ ರಕ್ತದಲ್ಲಿ ಸಕ್ಕರೆಯಂಶ ಹೆಚ್ಚಾದಾಗ ಕಾಲಿನ ಪಾದದ ಕೆಳಭಾಗದಲ್ಲಿ ಕೆಂಪು ಅಥವಾ ಕಂದು ಬಣ್ಣ ಉಂಟಾಗುವುದು, ಈ ರೀತಿಯಾದಾಗ ಇದಕ್ಕೆ ಯಾವುದೇ ಪ್ರತ್ಯೇಕ ಚಿಕಿತ್ಸೆಯಿಲ್ಲ.

ಇದರಲ್ಲಿ ಯಾವುದೇ ಲಕ್ಷಣಗಳು ಕಂಡು ಬಂದರೂ ಕೂಡಲೇ ವೈದ್ಯರಿಗೆ ತೋರಿಸಿ, ಇದರಿಂದ ಸಕ್ಕರೆಯನ್ನು ನಿಯಂತ್ರಣದಲ್ಲಿಡಬಹುದು.