ಮಧುಮೇಹಿಗಳಿಗಾಗಿ ಪೋಷಕಾಂಶ ಭರಿತ ಸಸ್ಯಾಹಾರಿ

ಸೇಬು, ಪೈನಾಪಲ್ ಮತ್ತು ಮಯೋ ಸಲಾಡ್:

ಸುಗಂಧಭರಿತ ಸಸ್ಯಾಹಾರಿ ಆಹಾರ ಕ್ರಮ ಭರಿತ ಈ ಸಲಾಡ್ ಮಧುಮೇಹಿಗಳಿಗೆ ಉತ್ತಮ ಪಥ್ಯವಾಗಿದೆ. ಇದನ್ನು ಮಾಡುವುದು ತುಂಬಾ ಸರಳ. ಒಂದು ಕಪ್‌‌ನಲ್ಲಿ ತುಂಡರಿಸಿದ ಸೇಬು, ಅರ್ಧ ಕಪ್ ಪೈನಾಫಲ್ ತುಂಡುಗಳು ಮತ್ತು ಸ್ವಲ್ಪ ಮಯೋನೈಸ್, ಉಪ್ಪು ಹಾಗೂ ಕಾಳುಮೆಣಸಿನ ಪುಡಿಯನ್ನು ತೆಗೆದುಕೊಳ್ಳಿ. ಈ ನೈಸರ್ಗಿಕ ಸಸ್ಯಾಹಾರಗಳು ಸಕ್ಕರೆಯನ್ನು ಪ್ರಾಕೃತವಾಗಿ ಒಳಗೊಂಡಿರುವುದರಿಂದ ಮಧುಮೇಹಿಗಳಿಗೆ ಯಾವುದೇ ತೊಂದರೆ ಉಂಟಾಗುವುದಿಲ್ಲ. ಈ ಸಲಾಡ್ ಅನ್ನು ಊಟದ ಜೊತೆ ನೀವು ಸವಿಯಬಹುದು.

ಹುರಿದ ತರಕಾರಿಗಳು ಮತ್ತು ಬ್ರೌನ್ ಪಾಸ್ತಾ:

ತರಕಾರಿ ಹಣ್ಣುಗಳು ಯಾವಾಗಲೂ ನ್ಯೂಟ್ರಿಷಿಯನ್ ಭರಿತ ಆಹಾರಗಳಾಗಿವೆ. ಬ್ರೌನ್ ಪಾಸ್ತಾವನ್ನು ಸಂಪೂರ್ಣ ಗೋಧಿಯಿಂದ ಮಾಡಲಾಗುತ್ತದೆ ಇದು ಹೆಚ್ಚಿನ ಕಿಲೋಗಳನ್ನು ಕಳೆದುಕೊಳ್ಳಲು ಮತ್ತು ಕೊಬ್ಬನ್ನು ಕರಗಿಸಲು ಸಹಕಾರಿ. ಹಾಗೂ ಇವುಗಳ ಮಿಶ್ರಣವು ಒಂದು ಆರೋಗ್ಯಭರಿತ ಮಧುಮೇಹ ಪಥ್ಯವಾಗಿದೆ. ನೀವು ಇವುಗಳೊಂದಿಗೆ ಸ್ವಲ್ಪ ಬಟಾಣಿ, ಈರುಳ್ಳಿ, ಬ್ರಕೋಲಿ, ಹೂಕೋಸು, ಎಲೆಕೋಸು ಮುಂತಾದುವನ್ನು ಸೇರಿಸಿಕೊಳ್ಳಬಹುದು. ನಿಮ್ಮ ಪ್ಯಾನ್‌ನಲ್ಲಿ ಸ್ವಲ್ಪ ಎಣ್ಣೆ ತೆಗೆದುಕೊಂಡು ಇವುಗಳನ್ನು ಹುರಿದುಕೊಳ್ಳಿ. ಈ ಎಲ್ಲಾ ತರಕಾರಿಗಳನ್ನು ಬೆಂದ ಬ್ರೌನ್ ಪಾಸ್ತಾದೊಂದಿಗೆ ಮಿಶ್ರ ಮಾಡಿಕೊಳ್ಳಿ. ಟೊಮೇಟೊ ಸಾಸ್, ಉಪ್ಪು ಮತ್ತು ಕರಿಮೆಣಸಿನ ಪೌಡರ್ ಅನ್ನು ರುಚಿಗಾಗಿ ಹಾಕಿಕೊಳ್ಳಿ. ನಿಮ್ಮ ರುಚಿಕರ ಸಸ್ಯಾಹಾರಿ ಡಿಶ್ ಸಿದ್ಧವಾಗಿದೆ.

ನ್ಯೂಟ್ರಿಶಿಯನಲ್ ದ್ರವಾಹಾರಗಳು:

ಮಧುಮೇಹಿಗಳು ತಮ್ಮ ಆರೋಗ್ಯಪೂರ್ಣ ಪಥ್ಯಕ್ಕಾಗಿ ಜ್ಯೂಸ್ ಮತ್ತು ಸೂಪ್‌ಗಳನ್ನು ತೆಗೆದುಕೊಳ್ಳಬಹುದು. ಹೆಚ್ಚು ಫೈಬರ್ ಮತ್ತು ಕಡಿಮೆ ಸಕ್ಕರೆಯನ್ನು ಒಳಗೊಂಡಿರುವ ಕ್ಯಾರೇಟ್ ಜ್ಯೂಸ್, ಬೆರ್ರಿಯಿಂದ ಮಾಡಲಾದ ಜ್ಯೂಸ್ ಅನ್ನು ನಿಮ್ಮ ದೈನಂದಿನ ಆಹಾರದಲ್ಲಿ ಬಳಸಿ. ತರಕಾರಿ ಸೂಪ್, ಟೊಮೇಟೊ ಸೂಪ್, ಕೋರ್ನ್ ಸೂಪ್ ಅನ್ನು ಹೆಚ್ಚು ತೆಗೆದುಕೊಳ್ಳಿ. ಇವುಗಳು ನ್ಯೂಟ್ರಿಶಿಯನ್ ಭರಿತವಾಗಿದ್ದು ಫೈಬರ್‌ನಿಂದ ಶ್ರೀಮಂತವಾಗಿವೆ. ಆದ್ದರಿಂದ ಸೂಪ್ ಮತ್ತು ಜ್ಯೂಸ್‌ಗಳನ್ನು ನಿಮ್ಮ ಆಹಾರದಲ್ಲಿ ಸುಲಭವಾಗಿ ಸೇರಿಸಿ.

ಮೊಳಕೆ ಕಾಳುಗಳ ಚಾಟ್:

ಮಧುಮೇಹಿಗಳಿಗಾಗಿ ಮೊಳಕೆ ಕಾಳುಗಳ ಚಾಟ್ ಅನ್ನು ವಿಶೇಷವಾಗಿ ಈ ಲೇಖನದಲ್ಲಿ ನಾವು ನೀಡುತ್ತಿದ್ದೇವೆ. ತುಂಡರಿಸಿದ ಈರುಳ್ಳಿ, ಟೊಮೇಟೊ, ಕೊತ್ತಂಬರಿ ಮತ್ತು ಕೆಲವು ಖಾರಯುಕ್ತ ಮಸಾಲಾ ಅಂಶಗಳನ್ನು ಬಳಸಿ ಮೊಳಕೆ ಕಾಳುಗಳ ಚಾಟ್ ತಯಾರಿಸಲಾಗುತ್ತದೆ. ನೀವು ಎಲ್ಲಿ ಬೇಕಾದರೂ ಯಾವಾಗ ಬೇಕಾದರೂ ಈ ಚಾಟ್ ಅನ್ನು ಸವಿಯಬಹುದು. ಇದನ್ನು ಮನೆಯಲ್ಲೇ ಸುಲಭವಾಗಿ ತಯಾರಿಸಬಹುದು ಮತ್ತು ಹೊರಗಡೆ ಕೂಡ ಲಭ್ಯವಿದೆ. ನಿಮ್ಮ ಮಧುಮೇಹದ ಸಸ್ಯಾಹಾರಿ ಪಥ್ಯದಲ್ಲಿ ಸೇರಿಸಿಕೊಳ್ಳಬಹುದಾದ ಆರೋಗ್ಯಯುತ ಚಾಟ್ ಮೊಳಕೆ ಕಾಳುಗಳ ಚಾಟ್ ಆಗಿದೆ. ಇವು ಸವಿಯಲು ರುಚಿಯಾಗಿರುತ್ತವೆ.