ಮಧುಮೇಹವನ್ನು ನಿಯಂತ್ರಣದಲ್ಲಿಡುವ ಆಹಾರಗಳು

ಕಡಲೆ ಹಿಟ್ಟು ಮತ್ತು ಕಡಲೆ

ಕಡಲೆ ಹಿಟ್ಟು ಮತ್ತು ಕಡಲೆಯಿಂದ ಮಾಡಿದ ಪದಾರ್ಥಗಳನ್ನು ಮಧುಮೇಹಿಗಳು ತಿನ್ನಬಹುದು. ಇದರಲ್ಲಿ ನಾರಿನಂಶದ ಜೊತೆಗೆ ಇನ್ಸುಲಿನ್ ಅನ್ನು ನಿಯಂತ್ರಣದಲ್ಲಿಡಲು ಅವಶ್ಯಕವಾದ ವಿಟಮಿನ್ಸ್ ಇದೆ.

ಮೆಂತೆ ಬೀಜ

1 ಚಮಚ ಮೆಂತೆ ಬೀಜವನ್ನು ಒಂದು ಲೋಟ ನೀರಿನಲ್ಲಿ ರಾತ್ರಿ ನೆನೆ ಹಾಕಿ ಬೆಳಗ್ಗೆ ಎದ್ದು ಬರೀ ಹೊಟ್ಟೆಯಲ್ಲಿ ಆ ನೀರನ್ನು ಕುಡಿಯುವುದು ಒಳ್ಳೆಯದು.

ಟೊಮೆಟೊ ಜ್ಯೂಸ್

ಮಧುಮೇಹಿಗಳ ಟೊಮೆಟೊ ಜ್ಯೂಸ್ ಮಾಡಿ ಅದರಲ್ಲಿ ಸ್ವಲ್ಪ ಕರಿ ಮೆಣಸಿನ ಪುಡಿ ಹಾಕಿ ಬೆಳಗ್ಗೆ ತಿಂಡಿ ಮಾಡುವ ಮೊದಲು ಕುಡಿದರೆ ಮಧುಮೇಹವನ್ನು ನೈಸರ್ಗಿಕವಾಗಿ ನಿಯಂತ್ರಣದಲ್ಲಿಡಬಹುದು.

ಧಾನ್ಯಗಳು

ಧಾನ್ಯಗಳನ್ನು ತಿನ್ನಬಹುದು, ಅದರಲ್ಲೂ ಮೊಳಕೆ ಬರಿಸಿದ ಧಾನ್ಯಗಳು, ಬ್ರೊಕೋಲಿಯ ಮೊಳಕೆ ಇವೆಲ್ಲಾ ತುಂಬಾ ಒಳ್ಳೆಯದು.

ಹಾಗಲಕಾಯಿ

ಮಧುಮೇಹಿಗಳು ರಕ್ತದಲ್ಲಿ ಸಕ್ಕರೆಯಂಶವನ್ನು ನಿಯಂತ್ರನಣದಲ್ಲಿಡಲು ಪ್ರತೀದಿನ ಹಾಗಲಕಾಯಿಯ ಪದಾರ್ಥ ಮಾಡಿ ತಿನ್ನಬೇಕು.

ಮೆಂತೆ ಸೊಪ್ಪು

ಮೆಂತೆ ಸೊಪ್ಪು ರಕ್ತದಲ್ಲಿ ಸಕ್ಕರೆಯಂಶವನ್ನು ನಿಯಂತ್ರಣಕ್ಕೆ ತಂದು ಇನ್ಸುಲಿನ್ ಪ್ರಮಾಣ ಸರಿಯಾಗಿ ಇರುವಂತೆ ನೋಡಿಕೊಳ್ಳುತ್ತದೆ.

ಬೆಂಡೆಕಾಯಿ

ಬೆಂಡೆಕಾಯಿ ಕೂಡ ತುಂಬಾ ಪ್ರಯೋಜನಕಾರಿಯಾದ ಆಹಾರವಾಗಿದೆ. ಬೆಂಡೆಕಾಯಿಯ ತುದಿಯನ್ನು ಮುರಿದಾಗ ಬರುವ ರಸವನ್ನು ಒಂದು ಲೋಟ ನೀರಿನಲ್ಲಿ ಹಾಕಿ ಮುಚ್ಚಿಟ್ಟು ಮಲಗಬೇಕು. ಬೆಳಗ್ಗೆ ಎದ್ದ ಬಳಿಕ ಆ ನೀರು ಕುಡಿಯುವುದರಿಂದಲೂ ಇನ್ಸುಲಿನ್ ಅನ್ನು ನಿಯಂತ್ರಣದಲ್ಲಿಡಬಹುದು.

ಸೋರೆಕಾಯಿ

ಸೋರೆಕಾಯಿಯ ಪದಾರ್ಥ, ಸೋರೆಕಾಯಿಯ ಜ್ಯೂಸ್ ಕೂಡ ಮಧುಮೇಹ ರೋಗವನ್ನು ನಿಯಂತ್ರಣದಲ್ಲಿಡುವ ಸಾಮರ್ಥ್ಯ ಹೊಂದಿದೆ.

ಬೇಳೆ

ಬೇಳೆಯಲ್ಲಿ ಗ್ಲೈಸೆಮಿಕ್ ಇಂಡೆಕ್ಸ್ ಕಡಿಮೆ ಇದೆ, ಆದ್ದರಿಂದ ಬೇಳೆಯಿಂದ ಮಾಡಿದ ಪದಾರ್ಥಗಳನ್ನು ತಿನ್ನಬಹುದು.

ಕೆಂಪಕ್ಕಿ

ಅನ್ನ ತಿನ್ನಬಯಸುವುದಾದರೆ ಪಾಲಿಷ್ ಮಾಡದ ಕೆಂಪಕ್ಕಿಯಿಂದ ಮಾಡಿದ ಅನ್ನ ತಿನ್ನಬಹುದು.

ಗೋಧಿ

ಚಪಾತಿಯನ್ನು ನಿಮ್ಮ ಆಹಾರಕ್ರಮದಲ್ಲಿ ಸೇರಿಸಿ. ಮತ್ತೊಂದು ಅತೀ ಮುಖ್ಯವಾದ ಅಂಶವೆಂದರೆ ಈ ಆಹಾರಗಳನ್ನು ತಿನ್ನುವುದರ ಜೊತೆಗೆ ವ್ಯಾಯಾಮ ಮಾಡಿ, ಆಗ ಮಧುಮೇಹದ ಭಯವಿಲ್ಲದೆ ಜೀವನ ನಡೆಸಬಹುದು.