ಟೈಪ್ 1 ಡಯಾಬಿಟಿಸ್ ಕಾಯಿಲೆಯ ಲಕ್ಷಣಗಳು

ಈ ಕಾಯಿಲೆ ಬಂದರೆ ದೇಹವು ಸಕ್ಕರೆ ಅಂಶವನ್ನು ಶಕ್ತಿಯಾಗಿ ಪರಿವರ್ತಿಸುವ ಸಾಮರ್ಥ್ಯ ಕಳೆದುಕೊಳ್ಳುತ್ತದೆ. ಇದರಿಂದಾಗಿ ದೇಹದಲ್ಲಿ ಸಕ್ಕರೆ ಅಂಶ ಶೇಖರವಾಗುತ್ತಾ ಹೋಗಿ ಇದರಿಂದ ಪ್ರಾಣಕ್ಕೆ ಅಪಾಯ ಉಂಟಾಗುತ್ತದೆ. ಈ ರೀತಿ ಕಾಯಿಲೆ ಬಂದರೆ ಜೀವನ ಪೂರ್ತಿ ಇನ್ಸುಲಿನ್ ತೆಗೆದುಕೊಳ್ಳಬೇಕಾಗುತ್ತದೆ. ಈ ರೀತಿಯ ಡಯಾಬಿಟಿಸ್ ದೊಡ್ಡವರಿಗೆ ಮಾತ್ರವಲ್ಲ ಚಿಕ್ಕ ಮಕ್ಕಳಲ್ಲಿ ಕೂಡ ಕಂಡುಬರುತ್ತದೆ. ಈ ಕಾಯಿಲೆ ಇದ್ದಕ್ಕಿದ್ದ ಹಾಗೇ ಕೂಡ ಬರಬಹುದು.

ಟೈಪ್ 1 ಡಯಾಬಿಟಿಸ್ ಕಾಣಿಸಿಕೊಂಡರೆ ಈ ಕೆಳಗಿನ ಲಕ್ಷಣಗಳು ಕಂಡುಬರುತ್ತವೆ:

1. ಬಾಯಿ ಒಣಗುವುದು ಮತ್ತು ವಿಪರೀತ ಬಾಯಾರಿಕೆ
2. ಬಾಯಿ ದುರ್ನಾತ
3. ಆಗಾಗ ಮೂತ್ರ ವಿಸರ್ಜನೆಗೆ ಹೋಗುವುದು
4. ಇದ್ದಕ್ಕಿದ್ದ ಹಾಗೇ ತೂಕ ಕಡಿಮೆಯಾಗುವುದು
5. ತುಂಬಾ ಸುಸ್ತು ಮತ್ತು ತಲೆಸುತ್ತು
6. ತ್ವಚೆ ಸಮಸ್ಯೆ ಅದರಲ್ಲೂ ಒಣ ತ್ವಚೆ, ತ್ವಚೆಯಲ್ಲಿ ತುರಿಕೆ ಕಂಡುಬರುತ್ತದೆ.
7. ಕೈಕಾಲುಗಳ ಬೆರಳುಗಳಿಗೆ ಜೋಮು ಹಿಡಿಯುವುದು
8. ದೃಷ್ಟಿ ಮಂಜಾಗುವುದು
9. ಏಕಾಗ್ರಕತೆ ಕಡಿಮೆಯಾಗುವುದು

ಈ ರೀತಿಯ ಕಾಯಿಲೆ ಬಂದರೆ ದೇಹದಲ್ಲಿರುವ ಸಂಪೂರ್ಣ ಶಕ್ತಿ ಕರಗುವುದರಿಂದ ಅಧಿಕ ಪೋಷಕಾಂಶವಿರುವ ಆಹಾರ ತಿಂದರೆ ಮಾತ್ರ ರಕ್ತದಲ್ಲಿ pH ಪ್ರಮಾಣ ಸರಿದೂಗಿಸಲು ಸಾಧ್ಯ. ಈ ಡಯಾಬಿಟಿಸ್ ದೇಹದಲ್ಲಿರುವ ಶಕ್ತಿಯನ್ನು ಕುಂದಿಸುವಾಗ ದೇಹದಲ್ಲಿ ketones ಎಂಬ ಆಸಿಡ್ ಹೆಚ್ಚಾಗುವುದು. ಈ ಆಸಿಡ್ ವಿಷಕಾರಿಯಾಗಿದ್ದು ದೇಹಕ್ಕೆ ಅಪಾಯವನ್ನು ತರುವ ಸಾಧ್ಯತೆ ಹೆಚ್ಚು.

ಟೈಪ್ 1 ಡಯಾಬಿಟಿಸ್ ಇರುವವರು ಪ್ರತಿದಿನ ಇನ್ಸುಲಿನ್ ತೆಗೆದುಕೊಳ್ಳುವುದರ ಜೊತೆಗೆ ಉತ್ತಮ ಡಯಟ್ ಮತ್ತು ವ್ಯಾಯಾಮ ಮಾಡಿದರೆ ಈ ಡಯಾಬಿಟಿಸ್ ನಿಂದ ಪ್ರಾಣಕ್ಕೆ ಅಪಾಯ ಉಂಟಾಗುವುದನ್ನು ತಡೆಯಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.