ದೆಹಲಿ ಮಾಲಿನ್ಯದ ನಡುವೆ ವಾಕಿಂಗ್ ಹೋಗ್ತಿದ್ದೀರಾ? ಆರೋಗ್ಯ ಕಾಪಾಡಿಕೊಳ್ಳಲು ಈ ಟಿಪ್ಸ್ ಫಾಲೋ ಮಾಡಿ

ಇಂದು (ಅಕ್ಟೋಬರ್ 21) ಬೆಳಿಗ್ಗೆ 6 ರಿಂದ 10 ಗಂಟೆಯ ಅವಧಿಯಲ್ಲಿ ದೆಹಲಿ-ಎನ್‌ಸಿಆರ್‌ನ ಹಲವು ಪ್ರದೇಶಗಳಲ್ಲಿ ವಾಯು ಗುಣಮಟ್ಟ ಸೂಚ್ಯಂಕ (AQI) ದಿಢೀರ್ ಕುಸಿತ ಕಂಡಿದೆ. ಹೊಸ ದೆಹಲಿಯಲ್ಲಿ ಸೂರ್ಯೋದಯದ ವೇಳೆಗೆ ಎಕ್ಯೂಐ 200ರ ಗಡಿ ದಾಟಿದ್ದು, ಮಧ್ಯಾಹ್ನದ ವೇಳೆಗೆ ಕೊಂಚ ಸುಧಾರಿಸಿತು. ಫಿಟ್‌ನೆಸ್ ಕಾಪಾಡಿಕೊಳ್ಳುವುದು ಮುಖ್ಯವೇ, ಆದರೆ ಶ್ವಾಸಕೋಶದ ಆರೋಗ್ಯವೂ ಅಷ್ಟೇ ಮುಖ್ಯ! ಹಾಗಾಗಿ, ಹೊರಗೆ ಹೋಗುವ ಮುನ್ನ ಎಕ್ಯೂಐ ಚೆಕ್ ಮಾಡಿ, ಸೂಕ್ತ ಸಮಯದಲ್ಲಿ ಸಾಧಾರಣ ಪ್ರಮಾಣದ ವರ್ಕೌಟ್ ಮಾಡಿ. ಮಾಲಿನ್ಯ ತೀವ್ರವಾಗಿರುವ ದಿನಗಳಲ್ಲಿ ಮುಖಕ್ಕೆ ಸರಿಯಾಗಿ ಹೊಂದಿಕೊಳ್ಳುವ N95 ಮಾಸ್ಕ್ ಧರಿಸಿ ಹಾಗೂ ಜನನಿಬಿಡ ರಸ್ತೆಗಳಿಂದ ದೂರವಿರಿ.

ದಿನನಿತ್ಯದ ನಡಿಗೆಗೆ ಸಣ್ಣದೊಂದು ಪ್ಲಾನ್ ಮಾಡಿಕೊಳ್ಳಿ. ಎಕ್ಯೂಐ ಪ್ರಮಾಣ 'ಕಳಪೆ' (Poor) ಅಥವಾ ಅದಕ್ಕಿಂತ ಕೆಟ್ಟದಾಗಿದ್ದರೆ, ವಾಕಿಂಗ್ ಅನ್ನು ತಡಬೆಳಿಗ್ಗೆಗೆ ಮುಂದೂಡಿ. ಮುಖ್ಯ ರಸ್ತೆ, ಸಿಗ್ನಲ್‌ಗಳ ಬದಲಿಗೆ ಹಸಿರಿನಿಂದ ಕೂಡಿದ ಹಾದಿಗಳನ್ನು ಆಯ್ದುಕೊಳ್ಳಿ ಮತ್ತು ವಾಕಿಂಗ್ ವೇಗ ಸಾಧಾರಣವಾಗಿರಲಿ. ಮಕ್ಕಳು, ಹಿರಿಯರು, ಆಸ್ತಮಾ ಹಾಗೂ ಉಸಿರಾಟದ ತೊಂದರೆ (COPD) ಇರುವವರು ಹೆಚ್ಚಿನ ಎಚ್ಚರ ವಹಿಸುವುದು ಅಗತ್ಯ. ಕಫದ ಶಬ್ದ, ಎದೆ ಬಿಗಿತ, ತಲೆಸುತ್ತು ಅಥವಾ ಉಸಿರಾಟದ ತೊಂದರೆ ಕಾಣಿಸಿಕೊಂಡರೆ ತಕ್ಷಣ ವಿಶ್ರಮಿಸಿ. ಲಕ್ಷಣಗಳು ಮುಂದುವರಿದರೆ ವೈದ್ಯರನ್ನು ಸಂಪರ್ಕಿಸಿ.

ದೆಹಲಿ–ಎನ್‌ಸಿಆರ್ ನಗರಗಳ ಎಕ್ಯೂಐ ತಾಜಾ ವಿವರ

ವೈದ್ಯರು ಶಿಫಾರಸು ಮಾಡುವ 10 ನಿಮಿಷಗಳ ಸಿಂಪಲ್ ಇಂಡೋರ್ ವರ್ಕೌಟ್ ಹೀಗಿದೆ: ನಿಂತಲ್ಲೇ 1 ನಿಮಿಷ ಮಾರ್ಚಿಂಗ್, ತಲಾ 45 ಸೆಕೆಂಡುಗಳ ವಾಲ್ ಸ್ಕ್ವಾಟ್ಸ್, ಕ್ಯಾಟ್-ಕ್ಯಾಮೆಲ್ ಹಾಗೂ ಗ್ಲೂಟ್ ಬ್ರಿಡ್ಜಸ್ - ಇವುಗಳನ್ನು ಎರಡೆರಡು ಬಾರಿ ಆವರ್ತಿಸಿ. ಕೊನೆಯಲ್ಲಿ 1 ನಿಮಿಷ 'ಬಾಕ್ಸ್ ಬ್ರೀಥಿಂಗ್' ಮಾಡಿ. ಆಸ್ತಮಾ ಅಥವಾ ಸಿಒಪಿಡಿ ಇದೆಯೇ? ನಿಮ್ಮ ನಿಯಮಿತ ಚಿಕಿತ್ಸಾವಿಧಾನ ಅನುಸರಿಸಿ, ವರ್ಕೌಟ್‌ಗೂ ಮುನ್ನ ಇನ್‌ಹೇಲರ್ ಬಳಸಿ ಮತ್ತು ಸ್ಪೇಸರ್ ಜೊತೆಯಲ್ಲಿರಲಿ. ಹೆಚ್ಚಿನ ವಿವರಗಳಿಗೆ 45 ಸೆಕೆಂಡುಗಳ ರೀಲ್ ನೋಡಿ. (ಸೂಚನೆ: ನಗರಗಳ ಎಕ್ಯೂಐ ವಿವರಗಳನ್ನು IQAir ನೀಡಿದ ಬೆಳಿಗ್ಗೆ 06:30–10:30 IST ಡೇಟಾ ಆಧರಿಸಿ ನೀಡಲಾಗಿದೆ).

ಎಕ್ಯೂಐ ನಿಯಂತ್ರಣಕ್ಕೆ N95 vs ಬಟ್ಟೆಯ ಮಾಸ್ಕ್

ಮನೆಯಿಂದ ಹೊರಬಿದ್ದು ಮತ್ತೆ ಮನೆಗೆ ತಲುಪುವವರೆಗೂ ಮಾಸ್ಕ್ ಧರಿಸುವುದು ಕಡ್ಡಾಯ. ಬಟ್ಟೆ ಅಥವಾ ಸರ್ಜಿಕಲ್ ಮಾಸ್ಕ್‌ಗೆ ಹೋಲಿಸಿದರೆ, ಸರಿಯಾಗಿ ಫಿಟ್ ಆದ N95 ಮಾಸ್ಕ್ ಅಪಾಯಕಾರಿ PM2.5 ಕಣಗಳನ್ನು ಪರಿಣಾಮಕಾರಿಯಾಗಿ ತಡೆಯುತ್ತದೆ. ಹೊರಗಡೆಯಿಂದ ಬಂದ ತಕ್ಷಣ ಕಣ್ಣು ತೊಳೆಯಿರಿ, ಮೂಗನ್ನು ಉಪ್ಪು ನೀರಿನಿಂದ (Saline wash) ಸ್ವಚ್ಛಗೊಳಿಸಿ ಮತ್ತು ಗಂಟಲಿಗೆ ಆರಾಮ ಸಿಗಲು ಅರಿಶಿನ-ಶುಂಠಿ ಬೆರೆಸಿದ ಉಗುರುಬೆಚ್ಚಗಿನ ನೀರು ಕುಡಿಯಿರಿ. ಮಧ್ಯಾಹ್ನದ ವೇಳೆ ಮನೆಯ ಕಿಟಕಿಗಳನ್ನು ತೆಗೆದು ಗಾಳಿ-ಬೆಳಕು ಬರಲು ಬಿಡಿ, ನೆಲವನ್ನು ಒದ್ದೆ ಬಟ್ಟೆಯಿಂದ ಒರೆಸಿ ಹಾಗೂ ಡೋರ್‌ಮ್ಯಾಟ್‌ಗಳ ಮೂಲಕ ಧೂಳು ಒಳಬರದಂತೆ ತಡೆಯಿರಿ. ಸದಾ ಸಕ್ರಿಯರಾಗಿರಿ, ಆದರೆ ದಿನದ ಎಕ್ಯೂಐ ನೋಡಿಕೊಂಡು ನಿಮ್ಮ ಹೆಜ್ಜೆ ಇಡಿ!

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.