ಸಾಂತಾಲಿ ಸೀರೆಯಲ್ಲಿ ಪ್ರಮಾಣ ವಚನ ಸ್ವೀಕರಿಸಿದ ರಾಷ್ಟ್ರಪತಿ: ತುಂಬಾ ಟ್ರೆಂಡ್‌ನಲ್ಲಿರುವ ಈ ಸೀರೆಯ ವಿಶೇಷತೆಯೇನು ಗೊತ್ತೇ?

ಸಾಂತಾಲಿ ಸೀರೆಯ ವಿಶೇಷತೆ ಏನು?

ಕುಟುಂಬ ಸದಸ್ಯರೊಬ್ಬರು ನೀಡಿದ ಸಾಂತಾಲಿ ಸೀರೆಯನ್ನು ರಾಷ್ಟ್ರಪತಿ ದ್ರೌಪದಿ ಮುರ್ಮು ಪ್ರಮಾಣ ವಚನ ಸಂದರ್ಭದಲ್ಲಿ ಧರಿಸಿದ್ದರು. ಈ ಸೀರೆ ಒಡಿಸ್ಸಾದ ಸಾಂತಾಲಿ ಮಹಿಳೆಯರು ವಿಶೇಷ ಸಂದರ್ಭದಲ್ಲಿ ಬಳಸುವ ಸೀರೆಯಾಗಿದೆ. ಈ ಸೀರೆ ಅಸ್ಸಾಂ, ಛತ್ತೀಸ್‌ಘಡ್, ಜಾರ್ಖಂಡ್ , ಮಧ್ಯ ಪ್ರದೇಶ ಈ ಭಾಗದಲ್ಲಿನ ಸಾಂಪ್ರದಾಯಿಕ ಸೀರೆಯಾಗಿದೆ.

ಸಾಂತಾಲಿ ಸೀರೆಯ ವಿಶೇಷತೆ ಏನು?

ಸಾಂಪ್ರದಾಯಿಕವಾದ ಈ ಸೀರೆಯಲ್ಲಿ 3 ಬಿಲ್ಲಿನ ಗುರುತುಗಳು ಇರುತ್ತದೆ, ಇದು ಮಹಿಳೆಯರ ಸ್ವಾತಂತ್ರ್ಯದ ಸಂಕೇತವಾಗಿದೆ. ಕಾಲ ಬದಲಾದಂತೆ ಈ ಸೀರೆಯ ವಿನ್ಯಾಸದಲ್ಲೂ ಸ್ವಲ್ಪ ಬದಲಾವಣೆಯಾಗಿದೆ. ಈಗ ನವಿಲು, ಹೂಗಳು, ಬಾತುಕೋಳಿ ಮುಂತಾದ ಡಿಸೈನ್‌ಗಳನ್ನುಬಳಸುತ್ತಾರೆ. ಯುವ ಪೀಳಿಗೆಯನ್ನು ಆಕರ್ಷಿಸಲು ವಿಭಿನ್ನ ಕಲರ್‌ ಕಾಂಬಿನೇಷನ್‌ ಕೂಡ ಬಳಸಲಾಗುತ್ತಿದೆ. ಉತ್ತರ ಭಾರತದಲ್ಲಿ ಸಾಂತಾಲಿ ಸೀರೆಗೆ ತುಂಬಾನೇ ಬೇಡಿಕೆ ಇದೆ.

ಸಾಂತಾಲಿ ಸೀರೆ ಬೆಲೆಯೆಷ್ಟು?

ಸಾಂತಾಲಿ ಸೀರೆ ನಿಮಗೆ 500 ರುಪಾಯಿಯಿಂದ ಪ್ರಾರಂಭವಾಗುವುದು. 2 -3 ಸಾವಿರಕ್ಕೆ ತುಂಬಾನೇ ಗುಣಮಟ್ಟದ ಸೀರೆ ಸಿಗುತ್ತದೆ.

ರಾಷ್ಟ್ರಪತಿಗಳ ಅಚ್ಚುಮೆಚ್ಚಿನ ಕಾಟನ್‌ ಸೀರೆ

ರಾಷ್ಟ್ರಪತಿಗಳ ಬಹುತೇಕ ಫೋಟೋಗಳನ್ನು ನೋಡಿದಾಗ ಅವರು ಕಾಟನ್ ಸೀರೆಯಲ್ಲೇ ಕಾಣಿಸಿಕೊಂಡಿದ್ದಾರೆ. ತುಂಬಾ ಸರಳ ಕಾಟನ್‌ ಸೀರೆಯನ್ನು ಧರಿಸುವ ಇವರು, ಸಿರೆಯನ್ನು ತುಂಬಾ ಸೊಗಸಾಗಿ ಉಡುತ್ತಾರೆ ಕೂಡ. ಶಿಕ್ಷಕ ವೃತ್ತಿಯಲ್ಲಿರುವವರ ಸೀರೆ ಉಡುವ ಸ್ಟೈಲೇ ಸ್ವಲ್ಪ ಭಿನ್ನವಾಗಿರುತ್ತೆ, ಅವರು ತುಂಬಾ ಚೆನ್ನಾಗಿ ಸೀರೆ ಉಡುತ್ತಾರೆ, ಇವರು ಕೂಡ ಮೊದಲು ಶಿಕ್ಷಕ ವೃತ್ತಿಯಲ್ಲಿದ್ದರು, ಈ ಕಾರಣ ಅವರು ಸೀರೆಯನ್ನು ಉಡುವ ರಿತಿ ಆಕರ್ಷಕವಾಗಿದೆ.