ಮಿಂಚಿನ ನೋಟದಿಂದ ಮೋಡಿ ಮಾಡಿದ ಸುಂದರಿ ಸನ್ನಿ ಲಿಯೋನ್

ಸರ್ಚ್ ದೈತ್ಯ ಗೂಗಲ್‎ನಲ್ಲಿ ಎರಡನೇ ಬಾರಿ ಹೆಚ್ಚು ಹುಡುಕಾಡಿದ ವ್ಯಕ್ತಿ ಎಂಬ ಕೀರ್ತಿಯನ್ನು ಪಡೆದುಕೊಂಡ ಸನ್ನಿ ಲಿಯೋನ್ ತಮ್ಮ ಮಾದಕ ನಟನೆಯಿಂದ ಬಾಲಿವುಡ್‎ನಲ್ಲಿ ಸ್ಥಾನಗಳಿಸಿಕೊಂಡಾಕೆ. ನಟನೆಯ ಗಂಧಗಾಳಿ ಗೊತ್ತಿಲ್ಲದವರು ಎಂಬ ಋಣಾತ್ಮಕತೆಯನ್ನು ಮೆಟ್ಟಿನಿಂತು ಇದೀಗ ಬೇಡಿಕೆಯ ಸ್ಥಾನವನ್ನು ಪಡೆದುಕೊಂಡಾಕೆ. ಚಿತ್ರಗಳಲ್ಲಿ ಮಾತ್ರವಲ್ಲದೆ ಸನ್ನಿ ಲಿಯೋನ್ ಜಾಹೀರಾತುಗಳು ಹಾಗೂ ಫ್ಯಾಷನ್‌ ಮೇಳಗಳಲ್ಲಿ ಕೂಡ ಮಿಂಚುತ್ತಿದ್ದಾರೆ.

ತಮ್ಮ ಅಂದ ಚೆಂದ ಮತ್ತು ಬಳುಕುವ ದೇಹ ಸೌಂದರ್ಯದಿಂದ ಖ್ಯಾತಿಯನ್ನು ಪಡೆಯುತ್ತಿದ್ದು ಕೀರ್ತಿಯ ಮೆಟ್ಟಿಲುಗಳನ್ನು ಏರುತ್ತಿದ್ದಾರೆ. ಇತ್ತೀಚೆಗೆ ತಾನೇ ಮುಂಬೈನ ವರ್ಲಿಯಲ್ಲಿ ನಡೆದ ಲವ್ ಲ್ಯಾಂಡ್ ಡಿಜೆ ಈವೆಂಟ್‎ನಲ್ಲಿ ಚಿತ್ತ ಕದಡಿದ ಸೌಂದರ್ಯವತಿ ಸನ್ನಿ ಮಿಂಚಿದ್ದಾರೆ. ಟರ್ಕೊಯಿಶ್ ಅರ್ಧ ತೋಳಿನ ಗೌನ್‎ನಲ್ಲಿ ಮಾದಕ ತಾರೆ ಸನ್ನಿ ಮೋಡಿ ಮಾಡಿದ್ದಾರೆ.

ಫ್ಲೋರಲ್ ವಿನ್ಯಾಸಗಳು ಮತ್ತು ಕಲ್ಲುಗಳಿಂದ ಗೌನ್ ಮಿರಿಮಿರಿ ಮಿಂಚುತ್ತಿದ್ದು ಅದ್ಭುತ ವಿನ್ಯಾಸವನ್ನು ಪಡೆದುಕೊಂಡಿದೆ. ಅಂಜನಾ ಮಿಶ್ರ ಈ ಗೌನ್‎ ತಯಾರಿಯ ಹಿಂದಿರುವ ವ್ಯಕ್ತಿಯಾಗಿದ್ದಾರೆ. ಈ ಧಿರಿಸಿಗೆ ಸ್ಟೈಲಿಸ್ಟ್‌‌ ಆಗಿ ಹಿತೇಂದ್ರಾ ಚೋಪ್ರಾ ಸನ್ನಿಗೆ ಜತೆಯಾಗಿದ್ದಾರೆ. ತಮ್ಮ ಆಯ್ಕೆಯಲ್ಲಿ ಸನ್ನಿ ಎತ್ತಿದ ಕೈ ಎಂದೆನಿಸಿದ್ದು ಸರಳವಾಗಿ ಕೇಶದ ಶೃಂಗಾರವನ್ನು ಮಾಡಿದ್ದಾರೆ. ಸನ್ನಿಯ ಈ ಸ್ಟೈಲಿಶ್ ನೋಟ ನಿಮಗೂ ಇಷ್ಡವಾಯಿತೇ?