ತಾರುಣ್ಯಪೂರ್ಣ ತ್ವಚೆಗೆ ಈ ಒಣದ್ರಾಕ್ಷಿ ಫೇಸ್ ಪ್ಯಾಕ್ ಟ್ರೈ ಮಾಡಿ

ಚರ್ಮಕ್ಕೆ ಒಣದ್ರಾಕ್ಷಿಯ ಪ್ರಯೋಜನಗಳು:

ಅಧ್ಯಯನಗಳ ಪ್ರಕಾರ, ಒಣದ್ರಾಕ್ಷಿ ಮುಖದಲ್ಲಿನ ಕಲೆಗಳನ್ನು ಕಡಿಮೆ ಮಾಡುವುದರ ಜೊತೆಗೆ ವಯಸ್ಸಾಗುವ ಪ್ರಕ್ರಿಯೆಯನ್ನು ನಿಧಾನಗೊಳಿಸುತ್ತದೆ ಎಂದು ಕಂಡುಬಂದಿದೆ. ಇದರ ಹೊರತಾಗಿ, ತ್ವಚೆಯ ಹೈಪರ್ಪಿಗ್ಮೆಂಟೇಶನ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಒಣದ್ರಾಕ್ಷಿಯಲ್ಲಿ ಒಮೆಗಾ 3 ಕೊಬ್ಬಿನಾಮ್ಲಗಳು, ವಿಟಮಿನ್ ಮತ್ತು ಖನಿಜಗಳಂತಹ ಅನೇಕ ಅಗತ್ಯ ಪೋಷಕಾಂಶಗಳಿದ್ದು, ತ್ವಚೆಯ ಒಳಗಿನಿಂದ ಆರೋಗ್ಯಕರ ಹೊಳಪು ನೀಡುವುದು.

ಇದರಲ್ಲಿ ವಿಟಮಿನ್ ಸಿ ಇರುವುದರಿಂದ ಮಾಲಿನ್ಯ ಮತ್ತು ಚರ್ಮದ ಮೇಲೆ ರಾಸಾಯನಿಕಗಳ ಬಳಕೆಯಿಂದ ಉಂಟಾಗುವ ಹಾನಿಯನ್ನು ಸರಿಪಡಿಸಿ, ಮೃದುವಾಗಿ, ಕಾಂತಿಯುತಗೊಳಿಸುತ್ತದೆ.

ಒಣದ್ರಾಕ್ಷಿಗಳನ್ನು ಪ್ರತಿದಿನ ಸೇವಿಸಬಹುದು ಅಥವಾ ಅವುಗಳನ್ನು ಮುಖಕ್ಕೆ ಹಚ್ಚಬಹುದು.

ಒಣದ್ರಾಕ್ಷಿ ಸೇರಿಸಿದ ಫೇಸ್ ಮಾಸ್ಕ್ ತಯಾರಿಸುವುದು ಹೇಗೆ ಎಂಬುದು ಇಲ್ಲಿದೆ:

ಎಣ್ಣೆಯುಕ್ತ ತ್ವಚೆಗಾಗಿ ಒಣದ್ರಾಕ್ಷಿ ಫೇಸ್ ಮಾಸ್ಕ್:

ಬೇಕಾಗುವ ಪದಾರ್ಥಗಳು:

ಒಣದ್ರಾಕ್ಷಿ

ಟೀ ಟ್ರೀ ಆಯಿಲ್

ನಿಂಬೆ ರಸ

ಲೋಳೆಸರ

ಮುಲ್ತಾನಿ ಮಿಟ್ಟಿ

ತಯಾರಿಸುವ ವಿಧಾನ:

• ಮೇಲೆ ಹೇಳಿದ ಎಲ್ಲಾ ಪದಾರ್ಥಗಳನ್ನು ಒಂದು ಬಟ್ಟಲಿಗೆ ಹಾಕಿ ಒಟ್ಟಿಗೆ ಮಿಶ್ರಣ ಮಾಡಿ.
• ನಂತರ ಅವುಗಳನ್ನು ಗ್ರೈಂಡರ್‌ಗೆ ವರ್ಗಾಯಿಸಿ, ದಪ್ಪ ಪೇಸ್ಟ್ ಮಾಡಿ. ಸ್ಥಿರತೆ ದಪ್ಪವಾಗಿದ್ದರೆ ಮತ್ತು ಒಣಗಿದ್ದರೆ ಅದಕ್ಕೆ ಸ್ವಲ್ಪ ರೋಸ್ ವಾಟರ್ ಸೇರಿಸಬಹುದು.
• ಈಗ ನಿಮ್ಮ ಬೆರಳುಗಳನ್ನು ಬಳಸಿ ಮುಖಕ್ಕೆ ಮಾಸ್ಕ್ ಹಚ್ಚಿ ಮಸಾಜ್ ಮಾಡಿ. ಇದನ್ನು 25 ನಿಮಿಷಗಳ ಕಾಲ ಬಿಟ್ಟು ನೀರಿನಿಂದ ತೊಳೆಯಿರಿ.



ಸಾಮಾನ್ಯ ಮತ್ತು ಒಣ ಚರ್ಮಕ್ಕಾಗಿ ಒಣದ್ರಾಕ್ಷಿ ಫೇಸ್ ಮಾಸ್ಕ್:

ಬೇಕಾಗುವ ಪದಾರ್ಥಗಳು:

ಒಣದ್ರಾಕ್ಷಿ

ಮೊಸರು

ಸೌತೆಕಾಯಿ

ಹಾಲು

ಕಡಲೆ ಹಿಟ್ಟು

ಗುಲಾಬಿ ದಳಗಳು

ತಯಾರಿಸುವ ವಿಧಾನ:

• ಒಂದು ಬಟ್ಟಲಿನಲ್ಲಿ ಎಲ್ಲಾ ಪದಾರ್ಥಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ ಮತ್ತು ನಂತರ ಅವುಗಳನ್ನು ಗ್ರೈಂಡರ್ ಗೆ ಹಾಕಿ ರುಬ್ಬಿಕೊಳ್ಳಿ.
• ಈ ಮಿಶ್ರಣವನ್ನು ನಿಮ್ಮ ಮುಖದ ಮೇಲೆ ಹಚ್ಚಿ ನಂತರ 20 ನಿಮಿಷಗಳ ಕಾಲ ಹಾಗೆ ಬಿಡಿ. ಇದು ಒಣಗಿದ ನಂತರ, ರೋಸ್ ವಾಟರ್ ಮತ್ತು ನೀರಿನ ಮಿಶ್ರಣದಿಂದ ತೊಳೆಯಿರಿ.