ನಿಮ್ಮದು ಎಣ್ಣೆಯುಕ್ತ ತ್ವಚೆಯೇ? ಹಾಗಿದ್ದರೆ ಈ ವಸ್ತುಗಳು ನಿಮ್ಮ ಬಳಿ ಇರಲೇಬೇಕು

1. ಬ್ಲಾಟಿಂಗ್ ಪೇಪರ್ಸ್:

ಬ್ಲಾಟಿಂಗ್ ಪೇಪರ್‌ಗಳು ನಿಜವಾದ ಜೀವರಕ್ಷಕಗಳಾಗಿದ್ದು, ಎಣ್ಣೆಯುಕ್ತ ನೋಟದಿಂದ ನಿಮ್ಮನ್ನು ಉಳಿಸುವ ಉತ್ತಮ ಸ್ನೇಹಿತ. ಈ ಪೇಪರ್‌ಗಳು ನಿಮ್ಮ ತ್ವಚೆಯಿಂದ ಎಣ್ಣೆಯನ್ನು ಹೀರಿಕೊಳ್ಳುತ್ತವೆ ಮತ್ತು ಹೊಳಪನ್ನು ಹೊರಹಾಕಲು ಸಹಾಯ ಮಾಡುತ್ತದೆ. ನೀವು ಮೇಕಪ್ ಮಾಡಿಕೊಂಡಿದ್ದರೂ ಅಥವಾ ಇಲ್ಲದಿದ್ದರೂ, ಈ ಹಾಳೆಗಳು ಕಾರ್ಯನಿರ್ವಹಿಸುತ್ತವೆ. ನೀವು ಎಣ್ಣೆಯುಕ್ತ ಚರ್ಮವನ್ನು ಹೊಂದಿದ್ದರೆ, ಯಾವಾಗಲೂ ಇವುಗಳ ಪ್ಯಾಕೆಟ್ ಅನ್ನು ನಿಮ್ಮೊಂದಿಗೆ ಇಟ್ಟುಕೊಳ್ಳಬೇಕು. ನೀವು ಇದರಿಂದ ಮುಖವನ್ನು ಒರೆಸಬೇಕಾಗಿಲ್ಲ ಬದಲಾಗಿ ಪ್ಯಾಟ್ ಮಾಡಬೇಕು ಎಂಬುದನ್ನು ನೆನಪಿಡಿ.

2. ಲೂಸ್ ಪೌಡರ್:

ಎಣ್ಣೆಯುಕ್ತ ಚರ್ಮವನ್ನು ನಿಯಂತ್ರಿಸಲು ಪೌಡರ್ ಅತ್ತ್ಯುತ್ತಮವಾಗಿದ್ದು, ಮ್ಯಾಟ್ ಪರಿಣಾಮವನ್ನು ನೀಡುತ್ತದೆ. ನೈಸರ್ಗಿಕ ನೋಟವನ್ನು ಪಡೆಯಲು ಕಲರ್ ಬದಲಿಗೆ ಅರೆಪಾರದರ್ಶಕ ಪೌಡರ್ ಬಳಸಿ. ಮೇಕಪ್ ಹಾಕದಿದ್ದರೂ ಸಹ ಈ ಪುಡಿಯನ್ನು ಹಾಕಿಕೊಳ್ಳಬಹುದು. ಇದು ಮುಖದ ಹೊಳಪನ್ನು ಕಾಪಾಡುತ್ತದೆ. ಜೊತೆಗೆ ಇದನ್ನು ದಿನದಲ್ಲಿ ಆಗಾಗ ಹಾಕಿಕೊಳ್ಳುತ್ತಿರಬಹುದು. ಆದ್ದರಿಂದ ಅನುಕೂಲಕ್ಕಾಗಿ ಯಾವಾಗಲೂ ಪ್ರಯಾಣದ ಗಾತ್ರದ ಪ್ಯಾಕ್ ಅನ್ನು ನಿಮ್ಮ ಬ್ಯಾಗ್‌ನಲ್ಲಿಟ್ಟುಕೊಳ್ಳಿ.

3. ಕ್ಲೇ ಮಾಸ್ಕ್:

ಜೇಡಿಮಣ್ಣಿನ ಮುಖವಾಡಗಳು ಎಣ್ಣೆಯುಕ್ತ ಚರ್ಮಕ್ಕಾಗಿ ಅದ್ಭುತಗಳನ್ನು ಮಾಡುತ್ತವೆ ಏಕೆಂದರೆ ಅವುಗಳು ಅತ್ಯುತ್ತಮವಾದ ತೈಲವನ್ನು ಹೀರಿಕೊಳ್ಳುವ ಗುಣಲಕ್ಷಣಗಳನ್ನು ಹೊಂದಿವೆ. ಇವು ಮೊಡವೆಗಳ ಸೌಮ್ಯ ರೂಪಗಳನ್ನು ತಡೆಯಲು ಸಹ ತಡೆಯುತ್ತವೆ. ಆದ್ದರಿಂದ ಜಿಡ್ಡು ಮುಕ್ತ ತ್ವಚೆಗಾಗಿ ನಿಯಮಿತವಾಗಿ ಕ್ಲೇ ಮಾಸ್ಕ್ ಬಳಸುತ್ತಿರಿ.

4. ತೈಲ ಮುಕ್ತ ಫೋಮಿಂಗ್ ಕ್ಲೆನ್ಸರ್:

ಎಣ್ಣೆಯುಕ್ತ ತ್ವಚೆ ಹೊಂದಿರುವವರು, ತೈಲ ಮುಕ್ತ ಫೋಮಿಂಗ್ ಕ್ಲೆನ್ಸರ್ ಬಳಸಿ. ಇವು ಚರ್ಮವನ್ನು ಸ್ವಚ್ಛಗೊಳಿಸಿ, ಹೆಚ್ಚುವರಿ ಎಣ್ಣೆಯನ್ನು ತೆಗೆದುಹಾಕುತ್ತವೆ ಜೊತೆಗೆ ಹೊಳೆಯುವಂತೆ ಮಾಡುತ್ತವೆ. ಆದಾಗ್ಯೂ, ಹೊಸ ತ್ವಚೆ ಉತ್ಪನ್ನವನ್ನು ಪ್ರಯತ್ನಿಸುವ ಮೊದಲು, ಪ್ಯಾಚ್ ಪರೀಕ್ಷೆಯನ್ನು ಮಾಡಿಕೊಳ್ಳುವುದು ಉತ್ತಮ. ಏಕೆಂದರೆ ಎಲ್ಲಾ ಉತ್ಪನ್ನಗಳು ಎಲ್ಲರಿಗೂ ಸರಿಹೊಂದುವುದಿಲ್ಲ. ಆದ್ದರಿಂದ, ಇದು ನಿಮ್ಮ ಚರ್ಮದ ಪ್ರಕಾರಕ್ಕೆ ಸೂಕ್ತವಾಗಿದೆಯೇ ಎಂಬುದನ್ನು ಪರಿಶೀಲಿಸಬೇಕು.

5. ವಾಟರ್ ಬೇಸ್ಡ್ ಮಾಯಿಶ್ಚರೈಸರ್:

ನೀವು ಎಣ್ಣೆಯುಕ್ತ ತ್ವಚೆ ಹೊಂದಿದ್ದರೂ ಸಹ ತೇವಾಂಶವನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯ. ಧೂಳು ಮತ್ತು ಯುವಿ ಕಿರಣಗಳಂತಹ ಬಾಹ್ಯ ಅಂಶಗಳಿಂದ ಶುಷ್ಕತೆ ಉಂಟಾಗಬಹುದು, ಇದು ಅತಿಯಾದ ತೈಲ ಉತ್ಪಾದನೆಗೆ ಕಾರಣವಾಗುತ್ತದೆ. ಆದ್ದರಿಂದ, ನಿಮ್ಮ ಚರ್ಮವನ್ನು ರಕ್ಷಿಸಲು ಮಾಯಿಶ್ಚರೈಸರ್ ಅನ್ನು ಬಳಸಬೇಕು. ಹಗುರವಾದ ಮಾಯಿಶ್ಚರೈಸರ್ ಅನ್ನು ಆರಿಸಿ. ಹೆಚ್ಚಾಗಿ, ನೀರು ಆಧಾರಿತ ಮಾಯಿಶ್ಚರೈಸರ್ ಬಳಸಿ.