ಈ ರೀತಿಯೆಲ್ಲಾ ಮಾಡಿದರೆ ಫೇಶಿಯಲ್ ಮಾಡಿಸಿಯೂ ಪ್ರಯೋಜನವಿಲ್ಲ

ಸೋಪ್ ಬಳಸಬೇಡಿ:

ಹೌದು, ಫೇಶಿಯಲ್ ನಂತರ ಸೋಪ್ ಬಳಸಬೇಡಿ. ಏಕೆಂದರೆ, ಫೇಶಿಯಲ್ ಮಾಡಿದ ನಂತರ ಚರ್ಮವು ತುಂಬಾ ಮೃದುವಾಗುತ್ತದೆ. ಆದ್ದರಿಂದ ಸೋಪಿನ ಶುಷ್ಕತೆಯಿಂದ ತ್ವಚೆ ಹಾನಿಗೊಳಗಾಗಬಹುದು, ಅದಕ್ಕಾಗಿ ಫೇಶಿಯಲ್ ನಂತರ ಕನಿಷ್ಠ 24 ರಿಂದ 48 ಗಂಟೆಗಳ ಕಾಲ ಸೋಪ್ ಅನ್ನು ಬಳಸಬೇಡಿ. ನೀವು ಮುಖವನ್ನು ತೊಳೆಯಬೇಕಾದರೆ ಹಸಿ ಹಾಲಿನಿಂದ ತೊಳೆಯಿರಿ.

ಸ್ಕ್ರಬ್ ಮಾಡಬೇಡಿ:

ಫೇಶಿಯಲ್ ಮಾಡಿದ 12 ರಿಂದ 24 ಗಂಟೆಗಳ ಕಾಲ ಚರ್ಮದ ಮೇಲೆ ಏನನ್ನೂ ಬಳಸಬೇಡಿ. ಕೆಲವರು ಫೇಶಿಯಲ್ ಮಾಡಿದ ನಂತರವೂ ಚರ್ಮದ ಮೇಲೆ ಸ್ಕ್ರಬ್‌ಗಳನ್ನು ಬಳಸುವುದನ್ನು ಮುಂದುವರೆಸುತ್ತಾರೆ, ಇದು ನಿಮ್ಮ ಮುಖದ ತ್ವಚೆಗೆ ಹಾನಿಯುಂಟು ಮಾಡುತ್ತದೆ. ಆದ್ದರಿಂದ ಸ್ಕ್ರಬ್ ಮಾಡಬೇಡಿ.

ಫೇಶಿಯಲ್ ಮೊದಲು ಥ್ರೆಡಿಂಗ್ ಮಾಡಿ:

ನೀವು ಥ್ರೆಡಿಂಗ್ ಮತ್ತು ಫೇಶಿಯಲ್ ಎರಡನ್ನೂ ಒಟ್ಟಿಗೆ ಮಾಡಬೇಕಾದರೆ, ಮೊದಲು ಥ್ರೆಡಿಂಗ್ ಮಾಡಿ ನಂತರ ಫೇಶಿಯಲ್ ಮಾಡಬೇಕು. ಫೇಶಯಲ್ ನಂತರ, ಚರ್ಮವು ತುಂಬಾ ಸೂಕ್ಷ್ಮ ಮತ್ತು ಮೃದುವಾಗುತ್ತದೆ. ಸೂಕ್ಷ್ಮ ಚರ್ಮದ ಮೇಲೆ ಥ್ರೆಡ್ ಮಾಡುವುದು ಹಾನಿಕಾರಕವಾಗಿದೆ ಏಕೆಂದರೆ ಥ್ರೆಡಿಂಗ್ ತುಂಬಾ ನೋವಿನ ಪ್ರಕ್ರಿಯೆಯಾಗಿದೆ. ಫೇಶಿಯಲ್ ಮೊದಲು ಯಾವಾಗಲೂ ಥ್ರೆಡಿಂಗ್ ಮಾಡಬೇಕು ಎಂಬುದನ್ನು ನೆನಪಿನಲ್ಲಿಡಿ.

ಸುಡುವ ಬಿಸಿಲಿನಿಂದ ರಕ್ಷಿಸಿ:

ಫೇಶಿಯಲ್ ಮಾಡಿದ ತಕ್ಷಣ ಬಿಸಿಲಿಗೆ ಹೋಗಬೇಡಿ, ಟ್ಯಾನಿಂಗ್ ಆಗುವ ಅಪಾಯವಿದೆ. ನೀವು ಬಿಸಿಲಿನಲ್ಲಿ ಹೋಗಬೇಕಾದರೆ, ನಿಮ್ಮ ಮುಖ ಮತ್ತು ಕುತ್ತಿಗೆಯನ್ನು ಸಂಪೂರ್ಣವಾಗಿ ಮುಚ್ಚಬೇಕು. ಜೊತೆಗೆ ಛತ್ರಿ ಬಳಸಿದರೆ ಉತ್ತಮ. ಇಲ್ಲವಾದಲ್ಲಿ ಸೂರ್ಯನ ಬಿಸಿಲಿನ ತಾಪಕ್ಕೆ ಗುರಿಯಾಗುವ ಸಾಧ್ಯತೆಯಿದೆ.

ವ್ಯಾಕ್ಸ್ ಮಾಡಬೇಡಿ:

ಫೇಶಿಯಲ್ ಮಾಡಿದ ತಕ್ಷಣ ಫೇಸ್ ವ್ಯಾಕ್ಸಿಂಗ್ ಮಾಡಬೇಡಿ. ಮೇಲೆ ಹೇಳಿದಂತೆ. ಪೇಶಿಯಲ್ ನಂತರ, ಚರ್ಮವು ತುಂಬಾ ಸೂಕ್ಷ್ಮ ಮತ್ತು ಮೃದುವಾಗಿರುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ವ್ಯಾಕ್ಸಿಂಗ್ ಮಾಡುವುದು ಮುಖದ ಚರ್ಮವನ್ನು ಹಾನಿಗೊಳಿಸುತ್ತದೆ. ಆದ್ದರಿಂದ ಇಂತಹ ನೋವಿನ ಏನೇ ಕೆಲಸವಿದ್ದರೂ, ಫೇಶೀಯಲ್ ಮುನ್ನವೇ ಮಾಡಿಸಿಕೊಳ್ಳಿ. ಹೀಗೆ ಮಾಡುವುದರಿಂದ ವ್ಯಾಕ್ಸಿಂಗ್ ನೋವಿನಿಂದ ಮುಕ್ತಿಯೂ ಪಡೆಯಬಹುದು.

ಹೊಸ ಉತ್ಪನ್ನಗಳನ್ನು ಬಳಸಬೇಡಿ:

ಫೇಶಿಯಲ್ ಮಾಡಿದ ನಂತರ, ಮುಖದ ಮೇಲೆ ಯಾವುದೇ ಹೊಸ ಉತ್ಪನ್ನವನ್ನು ಬಳಸದಂತೆ ವಿಶೇಷ ಕಾಳಜಿ ವಹಿಸಿ, ಏಕೆಂದರೆ ಫೇಶಿಯಲ್ ನಂತರ ಹೊಸ ಉತ್ಪನ್ನವನ್ನು ಬಳಸುವುದರಿಂದ ನಿಮ್ಮ ಮುಖದಲ್ಲಿ ಸೋಂಕು ಉಂಟಾಗುತ್ತದೆ. ನೀವು ಈಗಾಗಲೇ ಬಳಸಿದ ಉತ್ಪನ್ನಗಳನ್ನು ಮಾತ್ರ ಬಳಸಿ. ಈ ವಿಷಯಗಳನ್ನು ಗಮನದಲ್ಲಿಟ್ಟುಕೊಂಡರೆ, ಫೇಶಿಯಲ್ ಮೂಲಕ ಹೊಳೆಯುವ ಮತ್ತು ಕಾಂತಿಯುತ ತ್ವಚೆಯನ್ನು ಪಡೆಯಬಹುದು.