ನಿಮ್ಮ ತ್ವಚೆಗೆ ತಕ್ಕ ಬನಾನ ಫೇಸ್‌ಪ್ಯಾಕ್, ಬಳಸಿದ ಮರುಕ್ಷಣವೇ ಹೆಚ್ಚುತ್ತೆ ಮುಖದ ಗ್ಲೋ

ಬಿಸಿಲಿನಲ್ಲಿ ಓಡಾಡಿ ಮುಖ ಕಪ್ಪಗಾಗಿದೆ, ನಾಳೆ ಬೆಳಗ್ಗೆ ಫಂಕ್ಷನ್‌ಗೆ ಹೋಗಬೇಕು, ಸನ್‌ ಟ್ಯಾನ್‌ ಹೋಗಲಾಡಿಸಿ ಮುಖದ ಕಾಂತಿ ಹೆಚ್ಚಿಸುವುದು ಹೇಗೆ ಎಂದು ನೀವು ಯೋಚಿಸುತ್ತಿದ್ದರೆ ಬನಾನ ಫೇಸ್‌ಪ್ಯಾಕ್‌ ಟ್ರೈ ಮಾಡಿ.

ಅಯ್ಯೋ ಬನಾನ ಫೇಸ್‌ಪ್ಯಾಕ್‌ ತರಲಿಲ್ಲ ಎಂದು ಯೋಚಿಸಬೇಡಿ, ಇದನ್ನು ನೀವು ಹೊರಗಡೆಯಿಂದ ತರುವ ಅವಶ್ಯಕತೆಯಿಲ್ಲ ಮನೆಯಲ್ಲಯೇ ಮಾಡಬಹುದು, ಅಲ್ಲದೆ ನಿಜವಾಗಲೂ ಈ ಪೇಶಿಯಲ್‌ ವರ್ಕ್‌ ಆಗುವುದೇ ಎಂಬ ಅಳುಕು ನಿಮ್ಮಲ್ಲಿದ್ದರೆ, ಅವುಗಳನ್ನು ಮನಸ್ಸಿನಿಂದ ತೆಗೆದುಹಾಕಿ.

ಏಕೆಂದರೆ ನೀವು ಬ್ಯೂಟಿ ಪಾರ್ಲರ್‌ಗೆ ಹೋಗಿ ಸಾವಿರಾರು ರುಪಾಯಿ ಕೊಟ್ಟು ಫೇಶಿಯಲ್‌ ಮಾಡಿದರೆ ಎಷ್ಟು ಗ್ಲೋ ಪಡೆಯುತ್ತಿರೋ ಅಷ್ಟೇ ಗ್ಲೋ ಬನಾನ್‌ ಫೇಸ್‌ಪ್ಯಾಕ್‌ ಬಳಸಿದರೆ ಸಿಗುವುದು.

ನಾವಿಲ್ಲಿ ನಿಮ್ಮ ತ್ವಚೆಗೆ ತಕ್ಕ ಬನಾನ ಫೇಸ್‌ಪ್ಯಾಕ್‌ ರೆಸಿಪಿ ನೀಡಿದ್ದೇವೆ ನೋಡಿ:

ಎಣ್ಣೆ ತ್ವಚೆಯವರಿಗೆ
ಹಣ್ಣಾದ ಬಾಳೆಹಣ್ಣು 1
ಸೌತೆ
ಪಪ್ಪಾಯಿ

ಮಾಡುವುದು ಹೇಗೆ:

ಒಂದು ಚಿಕ್ಕ ತುಂಡು ಪಪ್ಪಾಯಿ, ಸಿಪ್ಪೆ ಸುಲಿದ ಸೌತೆಕಾಯಿ, ಬಾಳೆಹಣ್ಣ ಈ ಮೂರನ್ನು ಮ್ಯಾಶ್‌ ಮಾಡಿ ಮುಖಕ್ಕೆ ಹಚ್ಚಿ 15-20 ನಿಮಿಷ ಬಿಟ್ಟು ಮುಖ ತೊಳೆಯಿರಿ.

ಮುಖದಲ್ಲಿ ಮೊಡವೆ ಇದೆಯೇ?
ಅರ್ಧ ಬಾಳೆಹಣ್ಣು
1 ಚಮಚ ಕಹಿಬೇವಿನ ಎಲೆಯ ಪೇಸ್ಟ್
1/2 ಚಮಚ ಅರಿಶಿಣ

ಮೊಡವೆ ಇದ್ದರೆ ನೀವು ಈ ಮೂರು ಮಿಶ್ರಣ ಮಿಕ್ಸ್ ಮಾಡಿ ಮುಖಕ್ಕೆ ಹಚ್ಚಿ, 20 ನಿಮಿಷ ಬಿಟ್ಟು ಉಗುರು ಬೆಚ್ಚಗಿನ ನೀರಿನಿಂದ ಮುಖ ತೊಳೆಯಿರಿ. ಅರಿಶಿಣ ಹಾಕಿರುವುದರಿಂದ ಮೈಲ್ಡ್‌ ಫೇಸ್‌ವಾಶ್‌ ಬಳಸಿ ಮುಖ ತೊಳೆಯಿರಿ.

ಒಣ ತ್ವಚೆಯೇ?
ಒಣ ತ್ವಚೆಯವರಿಗೆ ಎರಡೇ ಎರಡು ಸಾಮಗ್ರಿ ಸಾಕು, ಬಾಳೆ ಹಣ್ಣು ಹಾಗೂ ಜೇನು ಇದ್ದರೆ ನಿಮ್ಮ ಮುಖದ ಅಂದ ಹೆಚ್ಚಿಸಬಹುದು.
ಬಾಳೆಹಣ್ಣು ಮ್ಯಾಶ್ ಮಾಡಿ ಅದಕ್ಕೆ ಸ್ವಲ್ಪ ಜೇನು ಸೇರಿಸಿ ಮಿಕ್ಸ್ ಮಾಡಿ ಮುಖಕ್ಕೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಮುಖ ತೊಳೆಯಿರಿ.

ಮುಖದಲ್ಲಿ ಕಪ್ಪು ಕಲೆಗಳಿದ್ದರೆ
ಬಾಳೆಹಣ್ಣು
ನಿಂಬೆರಸ
ಬಾಳೆಹಣ್ಣು ಮ್ಯಾಶ್‌ ಮಾಡಿ ಅದಕ್ಕೆ ನಿಂಬೆರಸ ಹಾಕಿ ಮಿಕ್ಸ್ ಮಾಡಿ ಮುಖಕ್ಕೆ ಹಚ್ಚಿ 20 ನಿಮಿಷ ಬಿಟ್ಟು ಮುಖ ತೊಳೆಯಿರಿ, ಈ ರೀತಿ ಪ್ರತಿದಿನ ಮಾಡುತ್ತಾ ಬನ್ನಿ, ಮುಖದಲ್ಲಿರುವ ಕಪ್ಪು ಕಲೆಗಳು ಕಡಿಮೆಯಾಗುವುದು.

ಮುಖದಲ್ಲಿ ನೆರಿಗೆ ತಡೆಗಟ್ಟಲು
ಬೇಕಾಗುವ ಸಾಮಗ್ರಿ
ಅರ್ಧ ಬಾಳೆಹಣ್ಣು
1 ಚಮಚ ಕೆನೆ
ಬಾಳೆಹಣ್ಣು ಮ್ಯಾಶ್‌ ಮಾಡಿ ಅದಕ್ಕೆ ಕೆನೆ ಸೇರಿಸಿ ಮಿಕ್ಸ್ ಮಾಡಿ ಮುಖಕ್ಕೆ ಹಚ್ಚಿ 15-20 ನಿಮಿಷ ಬಿಟ್ಟು ಉಗುರು ಬೆಚ್ಚಗಿನ ನೀರಿನಿಂದ ಮುಖ ತೊಳೆಯಿರಿ. ಈ ರೀತಿ ಪ್ರತಿದಿನ ಮಾಡಿದರೆ ಮುಖದಲ್ಲಿ ಯೌವನ ಕಳೆ ಮಾಸುವುದಿಲ್ಲ.

ನಿಮ್ಮ ತ್ವಚೆಗೆ ತಕ್ಕ ಬಾಳೆಹಣ್ಣಿನ ಫೇಸ್‌ಪ್ಯಾಕ್ ರೆಸಿಪಿ ಗೊತ್ತಾಯ್ತಲ್ಲ, ಇವುಗಳನ್ನು ಬಳಸಿ ನೋಡಿ, ಎಲ್ಲಾ ಫೇಶಿಯಲ್‌ ಬಿಟ್ಟು ಬಾಳೆಹಣ್ಣು ಫೇಸ್‌ಪ್ಯಾಕ್ ಇಷ್ಟಪಡುತ್ತೀರಿ.