ಸದ್ಯ ಅಗ್ಗವಾಗಿ ಸಿಗುತ್ತಿರುವ ಈ ವಸ್ತುವಿನಿಂದ ಅಂದವಾದ ತ್ವಚೆ ಪಡೆಯಬಹುದು!

ದ್ರಾಕ್ಷಿಹಣ್ಣು ಮತ್ತು ಸ್ಟ್ರಾಬೆರಿ ಫೇಸ್ ಪ್ಯಾಕ್:

ಹೊಳೆಯುವ, ಮೊಡವೆಮುಕ್ತ ತ್ವಚೆಗಾಗಿ ಈ ಸ್ಟ್ರಾಬೆರಿ ಫೇಸ್ ಪ್ಯಾಕ್ ತುಂಬಾ ಸಹಕಾರಿ. ಇದಕ್ಕಾಗಿ ನೀವು ಮಾಡಬೇಕಾಗಿರುವುದು, ದ್ರಾಕ್ಷಿ ಮತ್ತು ಸ್ಟ್ರಾಬೆರಿಗಳನ್ನು ಒಂದು ಬಟ್ಟಲಿನಲ್ಲಿ ತೆಗೆದುಕೊಂಡು ಚೆನ್ನಾಗಿ ಮ್ಯಾಶ್ ಮಾಡಿ. ಇದಕ್ಕೆ ಒಂದು ಚಮಚ ಜೇನುತುಪ್ಪವನ್ನು ಸೇರಿಸಿ ಮತ್ತು ಈ ಪ್ಯಾಕ್ ಅನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿ, ಕನಿಷ್ಠ 20 ನಿಮಿಷಗಳ ಕಾಲ ಬಿಡಿ, ನಂತರ ಉಗುರು ಬೆಚ್ಚಗಿನ ನೀರಿನಿಂದ ಮುಖವನ್ನು ತೊಳೆಯಿರಿ. ಇದನ್ನು ನಿಯಮಿತವಾಗಿ ಮಾಡುವುದರಿಂದ, ಕಾಂತಿಯುತ ತ್ವಚೆ ನಿಮ್ಮದಾಗುವುದು.

ಜೇನುತುಪ್ಪ ಮತ್ತು ದ್ರಾಕ್ಷಿಯ ಫೇಸ್ ಪ್ಯಾಕ್:

ಜೇನುತುಪ್ಪ ಮತ್ತು ದ್ರಾಕ್ಷಿಯ ಫೇಸ್ ಪ್ಯಾಕ್ ಪರಿಣಾಮಕಾರಿಯಾಗುವುದರ ಜೊತೆಗೆ, ಇದು ತ್ವರಿತ ಫೇಸ್ ಪ್ಯಾಕ್ ಆಗಿದೆ. ಜೇನುತುಪ್ಪ ನೈಸರ್ಗಿಕ ಮಾಯುಶ್ಚರೈಸರ್ ಆಗಿ ಕಾರ್ಯನಿರ್ವಹಿಸಿದರೆ, ದ್ರಾಕ್ಷಿಯು ಮುಖಕ್ಕೆ ಕಾಂತಿ ತರುವುದು. ಇದಕ್ಕಾಗಿ, ನಾಲ್ಕೈದು ದ್ರಾಕ್ಷಿಯನ್ನು ತೆಗೆದುಕೊಂಡು ಅದನ್ನು ಮ್ಯಾಶ್ ಮಾಡಿ ನಂತರ ಅದಕ್ಕೆ ಒಂದು ಚಮಚ ಜೇನುತುಪ್ಪವನ್ನು ಸೇರಿಸಿ. ಈ ಪ್ಯಾಕ್ ಅನ್ನು ಮುಖಕ್ಕೆ ಹಚ್ಚಿ 20 ನಿಮಿಷಗಳ ಕಾಲ ಇರಿಸಿ ನಂತರ ಸಾಮಾನ್ಯ ನೀರಿನಿಂದ ತೊಳೆಯಿರಿ.

ದ್ರಾಕ್ಷಿ ಮತ್ತು ಮೊಸರು ಫೇಸ್ ಪ್ಯಾಕ್:

ಡ್ರೈ ಸ್ಕಿನ್ ಸಮಸ್ಯೆಯಿಂದ ತೊಂದರೆಗೀಡಾದವರು ಈ ಫೇಸ್ ಪ್ಯಾಕ್ ಉತ್ತಮವಾದ ಆಯ್ಕೆಯಾಗಿದೆ. ಇದಕ್ಕಾಗಿ ದ್ರಾಕ್ಷಿಯ ಸಿಪ್ಪೆಯನ್ನು ತೆಗೆದು ಅದರ ತಿರುಳನ್ನು ಚೆನ್ನಾಗಿ ಹಿಸುಕಿ ಅದಕ್ಕೆ ಒಂದು ಚಮಚ ಮೊಸರನ್ನು ಸೇರಿಸಿ. ನೀವು ಬಯಸಿದರೆ, ನಿಂಬೆ ಹನಿಗಳನ್ನು ಕೂಡ ಸೇರಿಸಬಹುದು. ಈ ಪ್ಯಾಕ್ ಅನ್ನು ಮುಖಕ್ಕೆ ಚೆನ್ನಾಗಿ ಹಚ್ಚಿ ಮತ್ತು ಒಣಗಿದ ನಂತರ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಇದರಿಂದ ತ್ವಚೆಗೆ ಉತ್ತಮ ಹೊಳಪು ಬರುವುದು.

ಕಿವಿ ಮತ್ತು ದ್ರಾಕ್ಷಿಯ ಫೇಸ್ ಪ್ಯಾಕ್:

ದ್ರಾಕ್ಷಿ ಮತ್ತು ಕಿವಿಯನ್ನು ಸಮಾನ ಪ್ರಮಾಣದಲ್ಲಿ ತೆಗೆದುಕೊಂಡು, ಅವುಗಳ ತಿರುಳನ್ನು ಹೊರತೆಗೆಯಿರಿ ಮತ್ತು ಇವೆರಡನ್ನೂ ಮಿಶ್ರಣ ಮಾಡಿ. ಮುಖ ತೊಳೆದ ನಂತರ ಈ ಪ್ಯಾಕ್ ಅನ್ನು ಹಚ್ಚಿ ಚೆನ್ನಾಗಿ ಒಣಗಲು ಬಿಡಿ. ಅದರ ನಂತರ ಉಗುರು ಬೆಚ್ಚಗಿನ ನೀರಿನ ಸಹಾಯದಿಂದ ಪ್ಯಾಕ್ ಅನ್ನು ತೆಗೆದುಹಾಕಿ. ಇದರಿಂದ ಕಳೆದುಹೋದ ಕಾಂತಿ ಮರಳಿ ಬರುವುದು.

ದ್ರಾಕ್ಷಿ ಮತ್ತು ಸೇಬು ಫೇಸ್ ಪ್ಯಾಕ್:

ಮುಖದ ಮೇಲಿರುವ ಧೂಳು, ಸತ್ತ ಜೀವಕೋಶಗಳನ್ನು ತೆಗೆದುಹಾಕಲು ಈ ಫೇಸ್ ಪ್ಯಾಕ್ ಬೆಸ್ಟ್ . ಇದಕ್ಕಾಗಿ, ಸೇಬಿನ ಸಿಪ್ಪೆ ತೆಗೆದು ಅದರಿಂದ ಪೇಸ್ಟ್ ಮಾಡಿಕೊಳ್ಳಿ. ಅದಕ್ಕೆ ದ್ರಾಕ್ಷಿ ಹಣ್ಣಿನ ತಿರುಳನ್ನು ಸೇರಿಸಿ. ಎರಡನ್ನೂ ಮಿಕ್ಸ್ ಮಾಡಿ ಮುಖಕ್ಕೆ ಹಚ್ಚಿಕೊಳ್ಳಿ. ಕನಿಷ್ಠ ಅರ್ಧ ಘಂಟೆಯವರೆಗೆ ಈ ಪ್ಯಾಕ್ ಅನ್ನು ಮುಖದ ಮೇಲೆ ಇರಿಸಿ. ದಿನನಿತ್ಯದ ಬಳಕೆಯಿಂದ ಮುಖವು ಸ್ವಚ್ಛ ಮತ್ತು ಹೊಳೆಯುತ್ತದೆ.