ತಕ್ಷಣದ ಮುಖದ ಕಾಂತಿಗೆ ಕೇವಲ ಮೂರೇ ಪದಾರ್ಥ ಬಳಸಿ ಈ ಪ್ಯಾಕ್ ತಯಾರಿಸಿ

ಬೇಕಾಗಿರುವ ಪದಾರ್ಥಗಳು:

8-10 ಬಾದಾಮಿ

2 ಚಮಚ ಹಸಿ ಹಾಲು

1 ಚಮಚ ಜೇನುತುಪ್ಪ

ಬಳಸುವ ವಿಧಾನ ಹೇಗೆ?:

1. ಮೊದಲಿಗೆ ಬಾದಾಮಿಗಳನ್ನು ಪುಡಿಮಾಡಿ.

2. ಒಂದು ಬಟ್ಟಲಿನಲ್ಲಿ, ಮಿಶ್ರಣವನ್ನು ತಯಾರಿಸಲು ಬಾದಾಮಿ ಪುಡಿ, ಹಸಿ ಹಾಲು ಮತ್ತು ಜೇನುತುಪ್ಪವನ್ನು ಸೇರಿಸಿ.

3. ನಿಮ್ಮ ತೊಳೆದ ಮುಖಕ್ಕೆ ಮುಖವಾಡವನ್ನು ಹಚ್ಚಿ, 10-12 ನಿಮಿಷಗಳ ಕಾಲ ಅದನ್ನು ಬಿಡಿ.

4. ತಣ್ಣೀರಿನಿಂದ ತೊಳೆಯಿರಿ ಮತ್ತು ಒಣಗಿಸಿ.

5. ದಿನಚರಿಯನ್ನು ಪೂರ್ಣಗೊಳಿಸಲು ನಿಮ್ಮ ಮುಖವನ್ನು ಟೋನ್ ಮತ್ತು ಮಾಯಿಶ್ಚರೈಸರ್ ಮಾಡಿ.

ಪದಾರ್ಥಗಳು ಮುಖಕ್ಕೆ ಹೇಗೆ ಸಹಕಾರಿ:

ಬಾದಾಮಿ:

ಬಾದಾಮಿಯು ವಿಟಮಿನ್ ಇ ಯಿಂದ ತುಂಬಿದ್ದು, ಚರ್ಮವನ್ನು ತೇವಾಂಶದಿಂದ ಮತ್ತು ಮೃದುವಾಗಿಡಲು ಸಹಾಯ ಮಾಡುತ್ತದೆ. ಜೊತೆಗೆ ಇದು ಆಂಟಿಆಕ್ಸಿಡೆಂಟ್‌ಗಳಿಂದ ಕೂಡಿದ್ದು, ವಯಸ್ಸಾದ ಇತರ ಚಿಹ್ನೆಗಳೊಂದಿಗೆ ಹೋರಾಡಿ, ಚರ್ಮವನ್ನು ಸುಕ್ಕು-ಮುಕ್ತವಾಗಿಡಲು ಸಹಾಯ ಮಾಡುತ್ತದೆ. ಇದು ಮೊಡವೆಯುಕ್ತ ತ್ವಚೆ ಇರುವವರಿಗೆ ಉತ್ತಮವಾಗಿ ಕಾರ್ಯನಿರ್ವಹಿಸಲಿದ್ದು, ಮೃದು ಹಾಗೂ ಎಣ್ಣೆಮುಕ್ತ ಮುಖ ಪಡೆಯಲು ಸಹಾಯ ಮಾಡುವುದು.

ಹಸಿ ಹಾಲು:

ಬಹಳ ಹಿಂದಿನಿಂದಲೂ ಹಸಿ ಹಾಲು ತ್ವಚೆಯ ನಾನಾ ಸಮಸ್ಯೆಗಳಿಗೆ ಬಳಸಲಾಗುತ್ತಿದೆ. ಹಸಿ ಹಾಲಿನಲ್ಲಿ ಲ್ಯಾಕ್ಟೋಸ್, ಪ್ರೋಟೀನ್, ಕೊಬ್ಬು, ಕೌಲ್ಸಿಯಮ್, ವಿಟಮಿನ್ ಎ, ಬಿ-12, ಡಿ ಮತ್ತು ಸತು ಮೊದಲಾದ ಪೋಷಕಾಂಶಗಳು ನಮ್ಮ ಚರ್ಮಕ್ಕೆ ತುಂಬಾ ಉಪಯುಕ್ತವಾಗಿವೆ. ಇದನ್ನು ಮುಖಕ್ಕೆ ಹಚ್ಚುವುದರಿಂದ ಚರ್ಮಕ್ಕೆ ತೇವಾಂಶವನ್ನು ನೀಡುವ ಮೂಲಕ ಚರ್ಮಕ್ಕೆ ಹೆಚ್ಚಿನ ಪೋಷಕಾಂಶಗಳನ್ನು ನೀಡಲಾಗುತ್ತದೆ. ಜೊತೆಗೆ ಇದರಲ್ಲಿರುವ ಲ್ಯಾಕ್ಟಿಕ್ ಆಮ್ಲ ಚರ್ಮದ ರಂಧ್ರಗಳನ್ನು ಶುದ್ಧೀಕರಿಸುತ್ತದೆ. ಈ ಮೂಲಕ ಮೊಡವೆಗಳಿಗೆ ಕಾರಣವಾಗುವ ಎಲ್ಲಾ ಬ್ಯಾಕ್ಟೀರಿಯಾಗಳನ್ನು ತೆಗೆದುಹಾಕುತ್ತದೆ.

ಜೇನುತುಪ್ಪ:

ಮತ್ತೊಂದೆಡೆ, ಜೇನುತುಪ್ಪವು ಉತ್ತಮವಾದ ನೈಸರ್ಗಿಕ ಮಾಯಿಶ್ಚರೈಸರ್ ಆಗಿದ್ದು, ಅದು ಚರ್ಮವನ್ನು ಮೃದುಗೊಳಿಸುತ್ತದೆ. ಜೊತೆಗೆ ಇದರಲ್ಲಿರುವ ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳು ಮೊಡವೆ ಪೀಡಿತ ಚರ್ಮದ ಮೇಲೆ ಸಹ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ. ಅಷ್ಟೇ ಅಲ್ಲ, ಮುಖದಲ್ಲಿರುವ ಕಪ್ಪು ಕಲೆಗಳನ್ನು ನಿವಾರಿಸುವಲ್ಲಿಯೂ ಸಹ ಜೇನುತುಪ್ಪ ಸಹಕಾರಿ.