ಬ್ಯೂಟಿ ಟಿಪ್ಸ್: ಮನೆಯಲ್ಲಿಯೇ ತಯಾರಿಸಿ ನೋಡಿ ಈರುಳ್ಳಿ ಫೇಸ್ ಪ್ಯಾಕ್

ಈರುಳ್ಳಿಯ ಪ್ರಯೋಜನಗಳು

ಈರುಳ್ಳಿಯು ನಾವು ಪ್ರತಿನಿತ್ಯವು ಬಳಸುವಂತಹ ತರಕಾರಿಯಾಗಿದೆ. ಈರುಳ್ಳಿಯು ನಮ್ಮ ಆಹಾರಕ್ಕೆ ರುಚಿ ಮತ್ತು ಸುವಾಸನೆ ನೀಡುವುದು ಮಾತ್ರವಲ್ಲದೆ, ಇದರಿಂದ ಹಲವಾರು ರೀತಿಯ ಚರ್ಮದ ಸಮಸ್ಯೆ ಕೂಡ ನಿವಾರಣೆ ಮಾಡಬಹುದು. ಈರುಳ್ಳಿ ಯಲ್ಲಿ ಹಲವಾರು ರೀತಿಯ ಪ್ರಮುಖ ಪೋಷಕಾಂಶಗಳು, ಆ್ಯಂಟಿಆಕ್ಸಿಡೆಂಟ್ ಗಳು ಮತ್ತು ವಿಟಮಿನ್ ಗಳು ಇವೆ. ಬಿಳಿ, ಸುಂದರ ಹಾಗೂ ಕಾಂತಿಯುತ ಚರ್ಮವನ್ನು ತುಂಬಾ ಕಡಿಮೆ ಸಮಯದಲ್ಲಿ ಪಡೆಯಬೇಕು ಎಂದಾದರೆ ಆಗ ನೀವು ಈರುಳ್ಳಿಯನ್ನು ನಿಮ್ಮ ತ್ವಚೆಯ ಆರೈಕೆಯಲ್ಲಿ ಬಳಸಿಕೊಳ್ಳಿ. ಈರುಳ್ಳಿಯಲ್ಲಿ ಉರಿಯೂತ ಶಮನಕಾರಿ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಇವೆ. ಚರ್ಮದ ಸೋಂಕು ಮತ್ತು ದದ್ದುಗಳಿಗೆ ಇದು ತುಂಬಾ ಪರಿಣಾಮಕಾರಿಯಾಗಿರುವುದು. ಮನೆಯಲ್ಲೇ ತಯಾರಿಸುವಂತಹ ಈರುಳ್ಳಿಯ ಫೇಸ್ ಪ್ಯಾಕ್ ತುಂಬಾ ಪರಿಣಾಮಕಾರಿಯಾಗಿ ಚರ್ಮದಲ್ಲಿ ಇರುವಂತಹ ಕಲ್ಮಶವನ್ನು ತೆಗೆದು ಹಾಕಿ, ಸೋಂಕು ನಿವಾರಣೆ ಮಾಡುವುದು. ನಿಯಮಿತವಾಗಿ ಈ ಫೇಸ್ ಪ್ಯಾಕ್ ಗಳನ್ನು ಬಳಸಿಕೊಂಡರೆ ಅದರಿಂದ ನಿಮಗೆ ಬೇಕಾಗಿರುವಂತಹ ಕಾಂತಿಯುತ, ಸುಂದರ ತ್ವಚೆಯು ಸಿಗುವುದು.

ಈರುಳ್ಳಿ ಮತ್ತು ಲಿಂಬೆ

•ಸಮ ಪ್ರಮಾಣದ ಈರುಳ್ಳಿ ರಸ ಮತ್ತು ಲಿಂಬೆ ರಸ ತೆಗೆದುಕೊಳ್ಳಿ.

•ಈ ಮಿಶ್ರಣದಲ್ಲಿ ಹತ್ತಿ ಉಂಡೆ ಅದ್ದಿಕೊಳ್ಳಿ.

•ಇದನ್ನು ಮುಖ ಹಾಗೂ ಕುತ್ತಿಗೆಗೆ ಹಚ್ಚಿಕೊಳ್ಳಿ.

•ಹಾಗೆ ಅದು ಒಣಗಲು ಬಿಡಿ.

•ಬಳಿಕ ತಣ್ಣೀರಿನಿಂದ ತೊಳೆಯಿರಿ.

•ವಾರದಲ್ಲಿ ಮೂರು ಸಲ ಇದನ್ನು ಬಳಸಿಕೊಳ್ಳಿ.

ಕಡಲೆಹಿಟ್ಟು ಮತ್ತು ಈರುಳ್ಳಿ

ಬೇಕಾಗುವ ಸಾಮಗ್ರಿಗಳು

*1 ಚಮಚ ಕಡಲೆಹಿಟ್ಟು

*1ಚಮಚ ಜಾಯಿಕಾಯಿ ಹುಡಿ

*1 ಚಮಚ ಹಾಲು

*2 ಚಮಚ ತಾಜಾ ಈರುಳ್ಳಿ ರಸ

ವಿಧಾನ

*ಎಲ್ಲವನ್ನು ಹಾಕಿಕೊಂಡು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.

*ಈ ಪೇಸ್ಟ್ ನ್ನು ನೀವು ಮುಖಕ್ಕೆ ಹಚ್ಚಿಕೊಳ್ಳಿ.

*ಹತ್ತು ನಿಮಿಷ ಕಾಲ ಮಸಾಜ್ ಮಾಡಿ ಮತ್ತು ಒಣಗಲು ಬಿಡಿ.

*ಇದರ ಬಳಿಕ ನೀವು ತಣ್ಣೀರಿನಿಂದ ಮುಖ ತೊಳೆಯಿರಿ.

*ಮುಖವು ತುಂಬಾ ನಯ ಹಾಗೂ ಕಾಂತಿಯುತವಾಗಿ ಕಾಣಿಸುವುದು.

ಮುಲ್ತಾನಿ ಮಿಟ್ಟಿ ಮತ್ತು ಈರುಳ್ಳಿ

ಬೇಕಾಗುವ ಸಾಮಗ್ರಿಗಳು

*1 ಚಮಚ ಮುಲ್ತಾನಿ ಮಿಟ್ಟಿ

*1 ಚಮಚ ತಾಜಾ ಈರುಳ್ಳಿ ರಸ

*ಕೆಲವು ಹನಿ ಜೇನು ಮೊಶ್ಚಿರೈಸ್ ಮಾಡಲು

ವಿಧಾನ

ಎಲ್ಲವನ್ನು ಮಿಶ್ರಣ ಮಾಡಿಕೊಂಡು ಹಚ್ಚಿಕೊಳ್ಳಿ.

ಇದರ ಬಳಿಕ ಒಣಗಲು ಬಿಡಿ. ಬಳಿಕ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.