ಮುಖದಲ್ಲಿ ಮೂಡುವ ನೆರಿಗೆಯ ಸಮಸ್ಯೆ! ಇಲ್ಲಿದೆ ನೋಡಿ ಮನೆಮದ್ದುಗಳು

ಮೊಸರಿನ ಪ್ಯಾಕ್

ಬೇಕಾಗುವ ಸಾಮಗ್ರಿಗಳು

*ಒಂದು ಕಪ್ ಮೊಸರು

*ತೆಂಗಿನ ಎಣ್ಣೆ

*ಆಲಿವ್ ತೈಲ

ತಯಾರಿಸುವ ವಿಧಾನ

*ಒಂದು ಕಪ್ ಮೊಸರಿಗೆ ಎರಡು ಚಮಚ ತೆಂಗಿನ ಎಣ್ಣೆ ಮತ್ತು ಒಂದು ಚಮಚ ಆಲಿವ್ ತೈಲವನ್ನು ಮಿಶ್ರಣ ಮಾಡಿಕೊಳ್ಳಿ.

*ಈ ಮಿಶ್ರಣವನ್ನು ಫ್ರಿಡ್ಜ್ ನಲ್ಲಿ ಇಟ್ಟುಬಿಡಿ. ಸ್ವಲ್ಪ ತಣ್ಣಗಾದ ಬಳಿಕ ಮುಖಕ್ಕೆ ಹಚ್ಚಿಕೊಳ್ಳಿ.

*ಮೊಸರು ಚರ್ಮದಿಂದ ಜಾರಿ ಹೋಗುವ ಕಾರಣದಿಂದಾಗಿ ಮುಖದ ಮೇಲೆ ಸರಿಯಾಗಿ ಮಸಾಜ್ ಮಾಡಿಕೊಳ್ಳಿ

*15 ನಿಮಿಷ ಕಾಲ ಮಸಾಜ್ ಮಾಡಿ.

*ಬಳಿಕ ಬಿಸಿ ನೀರಿನಿಂದ ತೊಳೆಯಿರಿ

ತೆಂಗಿನ ಹಾಲಿನ ಪ್ಯಾಕ್

ಬೇಕಾಗುವ ಸಾಮಗ್ರಿಗಳು

*ಒಂದು ಕಪ್ ತೆಂಗಿನ ಹಾಲು

*ಒಂದು ಚಿಟಿಕೆ ಅರಶಿನ

*ಒಂದು ಚಮಚ ಹಾಲು

ತಯಾರಿಸುವ ವಿಧಾನ

*ಒಂದು ಪಾತ್ರೆಗೆ ತೆಂಗಿನ ಹಾಲನ್ನು ಹಾಕಿಕೊಳ್ಳಿ. ಮನೆಯಲ್ಲೇ ತೆಂಗಿನ ಹಾಲನ್ನು ತಯಾರಿಸಿಕೊಳ್ಳಬಹುದು ಅಥವಾ ಮಾರುಕಟ್ಟೆಯಲ್ಲೂ ಲಭ್ಯವಿದೆ. ಇದಕ್ಕೆ ಒಂದು ಚಿಟಿಕೆ ಅರಶಿನ ಹಾಕಿಕೊಂಡು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.

*ಅರಿಶಿನ ಗಟ್ಟಿಯಾಗದಂತೆ ನೋಡಿಕೊಂಡು ಕಲಸಿ.

*ಒಂದು ಚಮಚ ಹಾಲನ್ನು ಹಾಕಿಕೊಂಡು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.

*ಹತ್ತಿ ಉಂಡೆಯನ್ನು ತೆಗೆದುಕೊಂಡು ಹಾಲಿನಲ್ಲಿ ಅದ್ದಿ ಮುಖಕ್ಕೆ ಹಚ್ಚಿಕೊಳ್ಳಿ. ಜಾರಿಹೋಗುವ ಕಾರಣದಿಂದ ಇದನ್ನು ಸರಿಯಾಗಿ ಮಸಾಜ್ ಮಾಡಿಕೊಳ್ಳಿ.

*20 ನಿಮಿಷ ಬಿಟ್ಟು ತಣ್ಣಗಿನ ನೀರಿನಿಂದ ತೊಳೆದುಕೊಳ್ಳಿ.

ಟೊಮೆಟೋ ಪ್ಯಾಕ್

ಬೇಕಾಗುವ ಸಾಮಗ್ರಿಗಳು

*ಒಂದು ಟೊಮೆಟೊ

*ಆಲಿವ್ ತೈಲ

*ಸಾಸಿವೆ ಎಣ್ಣೆ(ಬೇಕಿದ್ದರೆ ಮಾತ್ರ)

ತಯಾರಿಸುವ ವಿಧಾನ

*ಒಂದು ಟೊಮೆಟೊ ತೆಗೆದುಕೊಂಡು ಅದನ್ನು ಸರಿಯಾಗಿ ಕಿವುಚಿಕೊಳ್ಳಿ. ಇದನ್ನು ಮಿಕ್ಸಿಗೆ ಹಾಕಬೇಡಿ. ಯಾಕೆಂದರೆ ಅದರಿಂದ ಟೊಮೆಟೊ ಜ್ಯೂಸ್ ಬರಬಹುದು.

*ಟೊಮೆಟೊದ ತಿರುಳಿಗೆ ಹೀಗ ಒಂದು ಚಮಚ ಆಲಿವ್ ತೈಲವನ್ನು ಸೇರಿಸಿಕೊಳ್ಳಿ.

*ಸಾಸಿವೆ ಎಣ್ಣೆಯಿಂದ ಅಲರ್ಜಿ ಇಲ್ಲವಾದರೆ ಒಂದು ಚಮಚ ಸಾಸಿವೆ ಎಣ್ಣೆಯನ್ನು ಟೊಮೆಟೊಗೆ ಸೇರಿಸಿಕೊಳ್ಳಿ.

*ಎಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿಕೊಂಡು ಇದರಿಂದ ಮುಖಕ್ಕೆ ಮಸಾಜ್ ಮಾಡಿಕೊಳ್ಳಿ. 15 ನಿಮಿಷ ಬಿಟ್ಟು ಮುಖ ತೊಳೆಯಿರಿ.