ಇನ್ನು ಊಟ ಬಲ್ಲವನಿಗೆ ಸೌಂದರ್ಯದ ಭಯವಿಲ್ಲ..!

Skin Care

oi-Manohar

By Manohar Shetty

Updated: Friday, September 25, 2015, 9:54 [IST]

ಯಾರಿಗೆ ತಾನೇ ತಾನು ಅಂದವಾಗಿ ಕಾಣಬೇಕೆಂಬ ಹಂಬಲವಿರುವುದಿಲ್ಲ? ಅದಕ್ಕೆಂದು ಹತ್ತಿರದ ಅಂಗಡಿಗಳಲ್ಲಿ, ಬ್ಯೂಟಿ ಪಾರ್ಲರುಗಳಲ್ಲಿ ನಮಗೆ ಒಪ್ಪುವಂತಹ ಸೌಂದರ್ಯವರ್ಧಕಗಳನ್ನು ಹುಡುಕುತ್ತ, ಪ್ರಯತ್ನಿಸುತ್ತ ಎಷ್ಟು ಗಂಟೆಗಳನ್ನು ಕಳೆದಿರುವುದಿಲ್ಲ? ಆದರೆ ನಿಮಗೆ ಒಂದು ವಿಚಾರವು ತಿಳಿದಿರಲಿ, ನಿಮಗೆ ಗೊತ್ತಿಲ್ಲದ, ಎಷ್ಟೋ ಸೌಂದರ್ಯವರ್ಧಕ ಔಷಧಿಗಳು ನಿಮ್ಮ ಹಾಸು ಪಾಸಿನಲ್ಲಿಯೇ ದೊರೆಯುತ್ತವೆ. ಅವುಗಳು ಖಂಡಿತವಾಗಿ ನಿಮ್ಮ ತ್ವಚೆಗೆ ಕಾಂತಿಯನ್ನು ಮೆರಗನ್ನು ನೀಡುತ್ತವೆ.

ಅಂದ ಎನ್ನುವುದು ಅಂತರಂಗದಿಂದಲೇ ಶುರುವಾಗುತ್ತದೆ ಎಂಬ ನಾಣ್ಣುಡಿಯಿದೆ- ನಿಜ. ಆದರೆ ಇಲ್ಲಿ ನಾವು ನಿಮ್ಮ ಮನೋಭಾವ ಅಥವಾ ನಡುವಳಿಕೆಗಳ ಕುರಿತಾಗಿ ಮಾತನಾಡುತ್ತಿಲ್ಲ. ಆದರೆ ನೀವು ಯಾವ ಬಗೆಯ ಆಹಾರವನ್ನು ಸೇವಿಸುತ್ತೀರಿ ಅದರ ಮೇಲೆ ನಿಮ್ಮ ಸೌಂದರ್ಯ ನಿರ್ಧಾರವಾಗುತ್ತದೆ ಎಂಬುದು ನೆನಪಿರಲಿ.

ಆಹಾರ ಮತ್ತು ಸೌಂದರ್ಯಗಳು ಒಂದಕ್ಕೊಂದು ಅವಿನಾಭಾವ ಸಂಬಂಧವನ್ನು ಹೊಂದಿವೆ. ನಿಮ್ಮ ಆಹಾರ ಪಥ್ಯವು ನಿಮ್ಮ ಬಾಹ್ಯ ನಿಲುವಿನ ಮೇಲೆ ನೇರ ಪ್ರಭಾವವನ್ನು ಬೀರುತ್ತವೆ. ಅನಾರೋಗ್ಯಕರವಾದ ಆಹಾರವು ಹಲವಾರು ದೈಹಿಕ ತೊಂದರೆಗಳನ್ನು ಉಂಟು ಮಾಡುತ್ತದೆ. ಅದಕ್ಕಾಗಿ ನಿಮ್ಮ ಸೌಂದರ್ಯವನ್ನು ಹೆಚ್ಚಿಸುವ ಆಹಾರಗಳನ್ನು ನಾವಿಲ್ಲಿ ಪಟ್ಟಿ ಮಾಡಿದ್ದೇವೆ, ಅವುಗಳು ನಿಮ್ಮ ಅಡುಗೆ ಮನೆಯಲ್ಲಿ ಸದಾ ಇರುವಂತೆ ನೋಡಿಕೊಳ್ಳಿ. ಇದರಿಂದ ನಿಮ್ಮ ಆರೋಗ್ಯಕ್ಕು ಲಾಭ ಮತ್ತು ಸೌಂದರ್ಯಕ್ಕು ಲಾಭ..! ಸೌಂದರ್ಯ ರಹಸ್ಯ-ಕಡಿಮೆ ವೆಚ್ಚ ಅಧಿಕ ಲಾಭ!

ಎಲೆಕೋಸು

ಹಸಿರಾಗಿರುವ ಹಳೆಯ ಎಲೆಕೋಸು ನಿಜಕ್ಕು ಉತ್ತಮ - ಇದು ನಮಗೆ ಸುಲಭದಲ್ಲಿ ದೊರೆಯುತ್ತದೆ. ಈ ತರಕಾರಿಯಲ್ಲಿ ವಿಟಮಿನ್ ಎ, ಸಿ ಮತ್ತು ಇ ಗಳು ಯಥೇಚ್ಛ ಪ್ರಮಾಣದಲ್ಲಿರುತ್ತವೆ. ನಿಮ್ಮ ತ್ವಚೆಗೆ ಇದು ಹೇಳಿ ಮಾಡಿಸಿದ ಆಹಾರವಾಗಿರುತ್ತದೆ. ಎಲೆಕೋಸಿನಲ್ಲಿ ಕಿತ್ತಳೆ ಹಣ್ಣಿಗಿಂತ ಶೇ.11 % ಅಧಿಕ ಪ್ರಮಾಣದಲ್ಲಿ ವಿಟಮಿನ್ ಸಿ ಇರುತ್ತದೆ ಎಂದು ತಿಳಿದುಬಂದಿದೆ. ಬಹಳಷ್ಟು ಜನಕ್ಕೆ ತಿಳಿದಿಲ್ಲ ವಿಟಮಿನ್ ಸಿ ಸೇವಿಸುವುದರಿಂದ ಹಾನಿಗೊಳಗಾದ ಕೋಶಗಳನ್ನು ಸರಿಪಡಿಸಬಹುದು ಮತ್ತು ಕಾಲಜನ್ ಉತ್ಪಾದನೆಯನ್ನು ಹೆಚ್ಚಿಸಿ ಜೀವಕೋಶಗಳಿಗೆ ಚೈತನ್ಯವನ್ನು ತರಬಹುದು. ಜೊತೆಗೆ ಇದರಲ್ಲಿ ನಾರಿನಂಶವು ಹೆಚ್ಚಾಗಿರುವುದರಿಂದ ದೇಹದಲ್ಲಿನ ಕಲ್ಮಶಗಳನ್ನು ಹೊರಗೆ ಹಾಕಲು ನೆರವಾಗುತ್ತದೆ.

ಕ್ಯಾರೆಟ್

ತ್ವಚೆಯ ಮೇಲೆ ಅಧಿಕ ಪ್ರಮಾಣದ ಸೂರ್ಯನ ಬೆಳಕು ಬೀಳುವುದು ಒಳ್ಳೆಯದಲ್ಲ. ಅದರಲ್ಲು ಸೂರ್ಯನ ನೇರಳಾತೀತ ಕಿರಣಗಳು ತ್ವಚೆಗೆ ಮಾರಕ. ಕ್ಯಾರೆಟ್ ತಿನ್ನುವುದರಿಂದ ನೇರಾಳಾತೀತ ಕಿರಣಗಳ ಅಡ್ಡ ಪರಿಣಾಮವನ್ನು ತಡೆಗಟ್ಟಬಹುದು. ಇದರಲ್ಲಿರುವ ಕ್ಯಾರೊಟಿನೋಯ್ಡ್ ಎನ್ನುವ ಅಂಶಗಳು ನಿಮ್ಮ ತ್ವಚೆಯ ಸೂಕ್ಷ್ಮತೆಯನ್ನು ಕಡಿಮೆ ಮಾಡಿ, ಈ ಕಿರಣಗಳ ಹಾನಿಯಿಂದ ರಕ್ಷಿಸುತ್ತವೆ. ಜೊತೆಗೆ ಇದು ತ್ವಚೆಗೆ ಒಳಗಿನಿಂದಲೆ ರಕ್ಷಣೆಯನ್ನು ನೀಡುತ್ತದೆ. ನಯಾ ಪೈಸೆ ಖರ್ಚಿಲ್ಲದೆ ತ್ವಚೆಯ ಕಾಂತಿ ಹೆಚ್ಚಿಸಿಕೊಳ್ಳಿ!

ಬ್ಲೂಬೆರ್ರಿಗಳು

ತನಗೆ ತಕ್ಕಂತಹ ಖ್ಯಾತಿಯನ್ನು ಹೊಂದಿಲ್ಲದ ಈ ಹಣ್ಣು ತನ್ನ ಇತರೆ ಪ್ರತಿ ಸ್ಪರ್ಧಿ ಹಣ್ಣು ಮತ್ತು ತರಕಾರಿಗಳಿಗಿಂತ ಹೆಚ್ಚಿನ ಅಂಟಿ ಆಕ್ಸಿಡೆಂಟ್‍ಗಳನ್ನು ಹೊಂದಿದ್ದು, ಆ ಪಟ್ಟಿಯಲ್ಲಿ ಅಗ್ರಸ್ಥಾನವನ್ನು ಪಡೆದಿದೆ. ಈ ಆಂಟಿ ‍ಆಕ್ಸಿಡೆಂಟ್‍ಗಳು ತ್ವಚೆ ವಯಸ್ಸಾದಂತೆ ಕಾಣುವುದನ್ನು ತಡೆಯುತ್ತವೆ ಮತ್ತು ಕೊಲಜೆನ್ ವೃದ್ಧಿಸುವಂತೆ ಮಾಡಿ, ತ್ವಚೆಗೆ ಮೆರಗನ್ನು ನೀಡುತ್ತದೆ.

ಸಮುದ್ರ ಜನ್ಯ ಆಹಾರ
ಮೀನು ಮತ್ತು ಇನ್ನಿತರ ಸಮುದ್ರ ಜನ್ಯ ಆಹಾರಗಳು ಆರೋಗ್ಯಕ್ಕೆ ಉತ್ತಮ, ಅಲ್ಲದೆ ಇವು ತ್ವಚೆಗು ಸಹ ಉತ್ತಮ ಪ್ರಯೋಜನಗಳನ್ನು ನೀಡುತ್ತವೆ. ಇದು ಅಕ್ಷರಶಃ ಸತ್ಯ. ಸಾಲ್ಮನ್‍ನಂತಹ ಕೊಬ್ಬಿರುವ ಮೀನು ಮತ್ತು ಓಯಿಸ್ಟರ್‌ಗಳು ನಿಜಕ್ಕು ಪ್ರಯೋಜನಕಾರಿ. ಇದಕ್ಕೆ ಕಾರಣ ಹಲವಾರು ಸಮುದ್ರ ಜನ್ಯ ಆಹಾರಗಳಲ್ಲಿ ಸತು ಮತ್ತು ಒಮೆಗಾ-3 ಕೊಬ್ಬಿನ ಆಮ್ಲಗಳು ಯಥೇಚ್ಛ ಪ್ರಮಾಣದಲ್ಲಿರುತ್ತವೆ. ಇವು ತ್ವಚೆಗೆ ಮೃದುತ್ವವನ್ನು ನೀಡಿ, ಬಾವುಗಳು ಮತ್ತು ಒಣ ಚರ್ಮದ ಭಾದೆಗಳು ಕಾಡದಂತೆ ಕಾಪಾಡುತ್ತವೆ. ಆ ಮೂಲಕ ತ್ವಚೆಗೆ ವಯಸ್ಸಾದಂತೆ ಕಾಣುವ ಗುಣ ಬರದಂತೆ ರಕ್ಷಣೆಯನ್ನು ಒದಗಿಸುತ್ತವೆ.

ಸತು ಮೊಡವೆಗಳು ಬರದಂತೆ ಕಾಪಾಡುವಲ್ಲಿ ಪ್ರಧಾನ ಪಾತ್ರವನ್ನು ನಿರ್ವಹಿಸುತ್ತವೆ. ಹೀಗೆ ಈ ಅಂಶಗಳೆಲ್ಲವು ಸೇರಿ ನಿಮ್ಮ ತ್ವಚೆಗೆ ಯೌವನೋತ್ಸಾಹವನ್ನು ತುಂಬುತ್ತವೆ. ಈ ಒಂಬತ್ತು ಆಹಾರಗಳ ಜೊತೆಗೆ ಇನ್ನು ಹಲವಾರು ಆಹಾರ ಪದಾರ್ಥಗಳು ನಿಮ್ಮ ಸೌಂದರ್ಯಕ್ಕೆ ಮೆರಗನ್ನು ನೀಡುತ್ತವೆ. ಅವುಗಳು ನೀಡುವ ಪ್ರಯೋಜನಗಳು ನಿಜಕ್ಕು ಪವಾಡ ಸದೃಶ್ಯವಾಗಿರುತ್ತವೆ. ಇವುಗಳು ನಿಮ್ಮ ಆರೋಗ್ಯವನ್ನು ಕಾಪಾಡುವುದರ ಜೊತೆಗೆ ನಿಮ್ಮ ಸೌಂದರ್ಯವನ್ನು ಸಹ ಹೆಚ್ಚಿಸುತ್ತವೆ.

ಆರೋಗ್ಯಕಾರಿ ಆಹಾರವನ್ನು ಸೇವಿಸುವುದರ ಮೂಲಕ ಹೃದಯದ ಆರೋಗ್ಯವನ್ನು ಕಾಪಾಡಿಕೊಳ್ಳುವುದರ ಜೊತೆಗೆ, ರೋಗ ನಿರೋಧಕ ಶಕ್ತಿಯನ್ನು ಸಹ ಹೆಚ್ಚಿಸಿಕೊಂಡು, ಆರೋಗ್ಯಕಾರಿ ತೂಕದೊಂದಿಗೆ ಜೀವನ ಪರ್ಯಂತ ಸುಖವಾಗಿ ಬಾಳಬಹುದು. ಇನ್ನು ಮುಂದೆ ಸೆರಮ್ ಮತ್ತು ಐ ಕ್ರೀಮ್ ಕೊಳ್ಳುವ ಬದಲು ಆರೋಗ್ಯವನ್ನು ಹೆಚ್ಚಿಸುವ ಆಹಾರ ಪದಾರ್ಥಗಳನ್ನು ಕೊಳ್ಳಿ. ಇನ್ನು ಮುಂದೆ "ಊಟ ಬಲ್ಲವನಿಗೆ ರೋಗವಿಲ್ಲ ಎನ್ನುವುದರ ಜೊತೆಗೆ ಊಟ ಬಲ್ಲವನಿಗೆ ಸೌಂದರ್ಯದ ಭಯವಿಲ್ಲ" ಎಂದು ಹೇಳಿ.