ನುಣಪಾದ ತ್ವಚೆಗಾಗಿ ತಿನ್ನಬೇಕಾದ ಆಹಾರಗಳು

ಆಪಲ್ ಸೈಡರ್ ವಿನೆಗರ್

ಆಪಲ್ ಸೈಡರ್ ವಿನೆಗರ್ ನಲ್ಲಿರುವ ಅದ್ಭುತ ರೋಗ ನಿವಾರಕ ಗುಣ ಎಲ್ಲರಿಗೂ ಗೊತ್ತೇ ಇದೆ. ಇದಲ್ಲದೆ, ಇದರಲ್ಲಿ ಚರ್ಮವನ್ನು ಮೆದುವಾಗಿಡುವ ಗುಣ ಕೂಡಾ ಇದೆ. ಇದರಲ್ಲಿರುವ ಕಿಣ್ವಗಳ ( enzymes) ಸಾರ ಚರ್ಮದಲ್ಲಿರುವ ಸತ್ತ ಕೋಶಗಳ ನಿವಾರಣೆಗೆ ಸಹಾಯಕವಾಗಿದೆ. ಇದು ಕೊಬ್ಬನ್ನು ಅರಗಿಸಿ, ಆಹಾರದ ಪಚನ ಕ್ರಿಯೆಗೆ ನೆರವಾಗುತ್ತದೆ.

ಕ್ಯಾರೆಟ್

ಚರ್ಮದ ಹೊರ ಕವಚವನ್ನು ಸುಸ್ಥಿತಿಯಲ್ಲಿಡುವುದರ ಮೂಲಕ ಅಕಾಲಿಕ ವಯಸ್ಸಾಗುವುದನ್ನು ಮುಂದೂಡಬಹುದು. ರೆಟಿನ್ A ಮೂಲಕ ಉಂಟಾಗುವ ಪರಿಣಾಮಗಳನ್ನು ಕ್ಯಾರೆಟ್ ಬಳಕೆಯಿಂದ ಪಡೆಯಬಹುದು.

ಚೀಸ್

ನಿಮ್ಮ ಮುಖದಲ್ಲಿ ಸಂತೋಷಕರ ಮಂದಹಾಸ ಮೂಡಿಸಲು, ನಿಮ್ಮ ಆಹಾರಕ್ರಮದಲ್ಲಿ ಒಂದೆರಡು ಚೂರು ಚೀಸ್ ಅನ್ನು ಬಳಸಿರಿ. ಸ್ವಿಸ್, ಚೆಡ್ದರ್ ಅಥವಾ gouda ಚೀಸ್ ಗಳು ಬಾಯಿಯಲ್ಲಿನ ಬ್ಯಾಕ್ಟೀರಿಯಾ ಗಳನ್ನು ತಡೆಗಟ್ಟಿ, ಹುಳುಕು ಹಲ್ಲುಗಳು ಬರದಂತೆ ತಡೆಯುತ್ತದೆ.

ಸಿಟ್ರಸ್ ಹಣ್ಣುಗಳು

ಕೊಲೆಜೆನ್(collagen) ಉತ್ಪಾದನೆಯ ಮೂಲಕ ಚರ್ಮದ ಕೋಶಗಳನ್ನು ಬಿಗಿಹಿಡಿಯುತ್ತದೆ. ಬೇರೆ ಯಾವುದೇ ವಿಧಾನದ ಮೂಲಕ ಕಾಲಜನ್ ಅನ್ನು ಚರ್ಮಕ್ಕೆ ನೀಡಲಾಗದ ಕಾರಣ, ಹಣ್ಣು ಅಥವಾ ಹಣ್ಣಿನ ಜ್ಯೂಸು ಗಳು ಪ್ರತಿದಿನದ ಆಹಾರಕ್ರಮದ ಮುಖ್ಯ ಭಾಗವಾಗಿರಬೇಕು.

ಬೆರ್ರಿ (berries)

ಮೂತ್ರನಾಳಗಳ ಆರೋಗ್ಯ ಕಾಪಾಡಲು ಇದು ಸಹಾಯಕವಾಗಿದೆ.

ಬೆಳ್ಳುಳ್ಳಿ

ಜೀವಕೋಶಗಳನ್ನು ನವೀಕರಿಸಲು ಹಾಗೂ ಸುಕ್ಕುಗಟ್ಟುವುದನ್ನು ತಡೆಯಲು ಸಹಾಯಕವಾಗಿದೆ.

ಕೊಬ್ಬುರಹಿತ ಮೊಸರು

ಕ್ಯಾಲ್ಸಿಯಂ ಭರಿತವಾಗಿರುವುದರಿಂದ, ಹಲ್ಲುಗಳನ್ನು ಬಿಳಿಯಾಗಿಸಲು ಹಾಗೂ ಹುಳುಕುಗಳನ್ನು ತಡೆಯಲು ನೆರವಾಗುತ್ತದೆ.

ಟೊಮೆಟೊ

"ಲವ್ ಆಪಲ್" ಎಂದೇ ಖ್ಯಾತ ಟೊಮೆಟೊ ದಿಂದ ನೀವು ನಿಮ್ಮ ಚರ್ಮವನ್ನು ಪ್ರೀತಿಸುವಂತಾಗುತ್ತೀರಿ. ಟೊಮೆಟೊ ವಿಟಮಿನ್ A, ವಿಟಮಿನ್ C ಹಾಗೂ ಪೊಟ್ಯಾಷಿಯಂ ಯುಕ್ತವಾಗಿದೆ.

ತರಕಾರಿಗಳು

ನಿತ್ಯ ಮೂರರಿಂದ ಐದು ಭಾಗದಷ್ಟು ತರಕಾರಿಯನ್ನು ಸೇವಿಸಬೇಕು. ಇದರಲ್ಲಿ ಒಂದು ಭಾಗದಷ್ಟು ಸೊಪ್ಪು ಇರುವಂತೆ ನೋಡಿಕೊಳ್ಳಿ.

ಮಾಂಸ

ಮಾಂಸವನ್ನು ಮಿತಿಯಲ್ಲಿ ತಿನ್ನಿ. ಕೊಬ್ಬನ್ನು ಕಡಿಮೆಗೊಳಿಸಿ. ಎರಡು ಭಾಗದಷ್ಟು ಚಿಕನ್ ಮತ್ತು ಒಂದು ಭಾಗ ಮೀನು ಆರೋಗ್ಯಕ್ಕೆ ಒಳ್ಳೆಯದು.

ಹಣ್ಣುಗಳು

ಎರಡು ಅಥವಾ ಮೂರು ಭಾಗದಷ್ಟು ಹಣ್ಣನ್ನು ನಿತ್ಯ ಸೇವಿಸಿರಿ. ಒಂದು ಭಾಗವೆಂದರೆ 1/2 ಕಪ್ ತುಂಡರಿಸಿದ ಹಣ್ಣು.

ಹಾಲಿನ ಉತ್ಪನ್ನಗಳು

ದಿನಕ್ಕೆ ಕನಿಷ್ಠ ಎರಡು ಭಾಗದಷ್ಟು ಸೇವಿಸಿರಿ. ಒಂದು ಭಾಗವೆಂದರೆ ಎಂಟು ಔನ್ಸ್ ಗಳಷ್ಟು ಹಾಲು ಅಥವಾ ಮೊಸರು.

ಕೊಬ್ಬು

ಸಲಾಡ್ ಡ್ರೆಸ್ಸಿಂಗ್, ಅಡುಗೆ ಎಣ್ಣೆ, ಬೆಣ್ಣೆ ಹಾಗೂ ಮಯೊನೈಸ್ ಗಳನ್ನು ಎರಡು ಭಾಗಗಳಿಗೆ ಸೀಮಿತಗೊಳಿಸಿರಿ.