ತ್ವಚೆಯ ಅಂದ ಕಾಪಾಡುವ antioxidants ಆಹಾರಗಳು

Updated: Monday, August 5, 2013, 16:28 [IST]

ಸಿನಿಮಾ ನಟಿಯರು ವಯಸ್ಸಾದರೂ ಅವರ ಮುಖದಲ್ಲಿ ಎದ್ದು ಕಾಣುವುದಿಲ್ಲ ಏಕೆ? ಎಂದು ನಾವೆಲ್ಲಾ ಯೋಚಿಸುತ್ತೇವೆ. ನಂತರ ಅವರು ಮೇಕಪ್ ಮಾಡಿ ಚೆಂದ ಕಾಣುತ್ತಾರೆ ಅಷ್ಟೇ ಎಂದು ನಾವೇ ಉತ್ತರವನ್ನೂ ಕಂಡುಕೊಳ್ಳುತ್ತೇವೆ. ಮೇಕಪ್ ಮಾಡಿದಾಗ ಆಕರ್ಷಕವಾಗಿ ಕಾಣಲು ತ್ವಚೆ ಸುಂದರವಾಗಿದ್ದರೆ ಮಾತ್ರ ಸಾಧ್ಯ. ತ್ವಚೆ ಸುಂದರವಾಗಿರಲು ನಾವು ಅದರ ಆರೈಕೆ ಮಾಡಬೇಕು.

ಬಾಹ್ಯ ಆರೈಕೆ ಮಾತ್ರವಲ್ಲದೆ, ತ್ವಚೆಯ ಆರೋಗ್ಯ ವೃದ್ಧಿಸುವ ಆಹಾರಗಳನ್ನು ತಿನ್ನಬೇಕು. ಅದರಲ್ಲೂ antioxidants ಇರುವ ಆಹಾರಗಳನ್ನು ತಿನ್ನಬೇಕು. ಈ ಆಹಾರಗಳ ವಿಶೇಷತೆಯೆಂದರೆ ಇವುಗಳು ದೇಹವನ್ನು ಸೇರಿದಾಗ, ದೇಹದಲ್ಲಿರುವ ಕಲ್ಮಶಗಳನ್ನು ಹೊರಹಾಕುತ್ತವೆ. ಇದರಿಂದ ನಿಮ್ಮ ತ್ವಚೆಯ ಹೊಳಪು ಹೆಚ್ಚುವುದು, ಆರೋಗ್ಯ ಕೂಡ ವೃದ್ಧಿಸುವುದು.

ಈ ಕೆಳಗಿನ ಆಹಾರಗಳಲ್ಲಿ antioxidants ಅಧಿಕವಿದೆ:

ಹಸಿರು ಬಣ್ಣದ ದುಂಡು ಮೆಣಸು

ಇದರಲ್ಲಿ antioxidants ಅಧಿಕವಿದ್ದು ಕ್ಯಾನ್ಸರ್ ರೋಗಿಗಳು ಇದನ್ನು ತಮ್ಮ ಆಹಾರಕ್ರಮದಲ್ಲಿ ಸೇರಿಸುವಂತೆ ವೈದ್ಯರು ಸಲಹೆ ನೀಡುತ್ತಾರೆ.

ಪಲ್ಲೆ ಹೂ (artichokes)

ಇದರಲ್ಲಿ antioxidants ಹಾಗೂ ಅಧಿಕ ನಾರಿನಂಶ, ಕ್ಯಾಲ್ಸಿಯಂ, ಪೊಟಾಷ್ಯಿಯಂ, ರಂಜಕದಂಶವಿದೆ.

ಬ್ರೊಕೋಲಿ

ನಿಮ್ಮ ತ್ವಚೆಯ ಹೊಳಪು ಹೆಚ್ಚಾಗಲು ಪ್ರತೀದಿನ ಬ್ರೊಕೋಲಿ ಸೂಪ್ ಕುಡಿದರೆ ಸಾಕು. ಮದುವೆ ಫಿಕ್ಸ್ ಆದವರು ಮದುವೆಯಲ್ಲಿ ನಾನು ಆಕರ್ಷಕವಾಗಿ ಕಾಣಬೇಕೆಂದು ಬಯಸುವುದು ಸಹಜ. ಬ್ರೊಕೋಲಿ ನಿಮ್ಮ ಅಂದ ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ.