ಸುಕ್ಕಿನ ಸೊಕ್ಕಡಗಿಸಲು ಐದು ಹಣ್ಣುಗಳು

ಪರಿಸರ ಮಾಲಿನ್ಯ, ಮಾನಸಿಕ ಒತ್ತಡ, ಕೆಮಿಕಲ್ ಇರುವ ಸೌಂದರ್ಯವರ್ಧಕಗಳ ಬಳಕೆ ಈ ಎಲ್ಲಾ ಕಾರಣಗಳಿಂದ 30 ವರ್ಷ ತುಂಬುತ್ತಿದ್ದಂತೆ ಮುಖದಲ್ಲಿ ನೆರಿಗೆ ಬೀಳಲು ಪ್ರಾರಂಭಿಸುತ್ತದೆ. ಆದರೆ ಉತ್ತಮವಾದ ಡಯಟ್ ಮತ್ತು ವ್ಯಾಯಾಮದಿಂದ ಯೌವನವನ್ನು ಉಳಿಸಿಕೊಳ್ಳಬಹುದಾಗಿದೆ. ಅದರಲ್ಲೂ ಈ ಕೆಳಗಿನ ಹಣ್ಣುಗಳನ್ನು ನಿಮ್ಮ ಡಯಟ್ ನಲ್ಲಿ ಸೇರಿಸಿದರೆ ಅಕಾಲಿಕ ನೆರಿಗೆ ಸಮಸ್ಯೆ ಉಂಟಾಗುವುದಿಲ್ಲ.

ನೇರಳೆ ಹಣ್ಣು: ನೇರಳೆ ಹಣ್ಣಿನಲ್ಲಿ ಆಂತೋಸೈನೋಸೈಡ್ಸ್ (anthocyanosides) ಎಂಬ ಅಂಶವಿದ್ದು ಇದು ನೆರಿಗೆ ಬೀಳುವುದನ್ನು ತಡೆಯುವುದರ ಜೊತೆಗೆ ಕಣ್ಣಿನ ದೃಷ್ಟಿ ಸಾಮರ್ಥ್ಯ ಕಡಿಮೆಯಾಗದಂತೆ ಕಾಪಾಡುತ್ತದೆ. ಇದರಲ್ಲಿ 40% ಅಧಿಕ antioxidants ಅಂಶವಿರುವುದರಿಂದ ಕೊಲೆಜಿನ್ ಉತ್ಪತ್ತಿಗೆ ಸಹಾಯ ಮಾಡುವುದರಿಂದ ತ್ವಚೆ ಹೊಳಪನ್ನು ಪಡೆಯುತ್ತದೆ.

ಟೊಮೆಟೊ: ಅಕಾಲಿಕ ಮುಪ್ಪನ್ನು ತಡೆಗಟ್ಟುವ ಮತ್ತೊಂದು ಸೂಪರ್ ಆಹಾರವೆಂದರೆ ಟೊಮೆಟೊ. ಅದರಲ್ಲೂ ಹಣ್ಣು ಟೊಮೆಟೊವನ್ನು ಬೇಯಿಸದೆ ತಿನ್ನುವುದು ಒಳ್ಳೆಯದು. ಇದರಲ್ಲಿರುವ ಲೈಕೊಪೆನೆ(Lycopene ) ಎಂಬ ಅಂಶ ತ್ವಚೆ ಕಣಗಳಿಗೆ ಹಾನಿಯಾಗುವುದನ್ನು ತಡೆಯುವ ಸಾಮರ್ಥ್ಯ ಹೊಂದಿದೆ. ಆದ್ದರಿಂದ ಪ್ರತಿನಿತ್ಯ ಒಂದು ಹಣ್ಣು ಟೊಮೆಟೊವನ್ನು ತಿಂದರೆ ತ್ವಚೆ ಆರೋಗ್ಯ ಹೆಚ್ಚುವುದರ ಜೊತೆಗೆ ದೇಹದಲ್ಲಿ ಕೊಲೆಸ್ಟ್ರಾಲ್ ಹೆಚ್ಚಾಗಲು ಬಿಡುವುದಿಲ್ಲ.