ಬಿಳಿ ಮಚ್ಚೆ ನಿವಾರಣೆಗೆ ಮನೆಮದ್ದು

ವೈಟ್ ಪ್ಯಾಚ್ ಅಥವಾ ಬಿಳಿ ಮಚ್ಚೆ ಹೆಚ್ಚಿನವರ ಸಮಸ್ಯೆಯಾಗಿದೆ. ದೇಹದಲ್ಲಿ ಮೆಲಾನಿನ್ ನಲ್ಲಿ ವ್ಯತ್ಯಾಸ ಉಂಟಾದಾಗ ವೈಟ್ ಪ್ಯಾಚ್ ಉಂಟಾಗುತ್ತದೆ. ಇದರಿಂದ ಮುಖ ಬಿಳುಚಿ ಕೊಂಡಂತೆ ಕಾಣುವುದು.

ಈ ರೀತಿ ವಂಶಪಾರಂಪರ್ಯವಾಗಿ ಬರಬಹುದು ಅಥವಾ ಸೂರ್ಯನ ಕಿರಣಗಳು ತಾಗಿ ಕೆಲವರಲ್ಲಿ ಬಿಳಿ ಮಚ್ಚೆ ಉಂಟಾಗುವುದು. ಈ ರೀತಿಯ ತ್ವಚೆ ಸಮಸ್ಯೆಯನ್ನು ಈ ಕೆಳಗಿನ ಮನೆಮದ್ದಿನಿಂದ ಹೋಗಲಾಡಿಸಬಹುದು.

ಬಿಳಿ ಮಚ್ಚೆಗೆ ಮನೆಮದ್ದು:

1. ತಾಮ್ರದ ಪಾತ್ರೆಯಲ್ಲಿ ನೀರನ್ನು ಹಾಕಿ ಅದನ್ನು ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿದರೆ ಬಿಳಿ ಮಚ್ಚೆ ಕಡಿಮೆಯಾಗುವುದು.

2. ದಾಳಿಂಬೆ ಗಿಡದ ಎಲೆಯನ್ನು ಒಣಗಿಸಿ ಅದನ್ನು ಸ್ವಲ್ಪ ಪುಡಿಯನ್ನು ನೀರಿನಲ್ಲಿ ಹಾಕಿಟ್ಟು ಸ್ವಲ್ಪ ಹೊತ್ತಿನ ಬಳಿಕ ಸೋಸಿ ಆ ನೀರನ್ನು ಕುಡಿಯಬೇಕು. ಈ ರೀತಿ ಪ್ರತಿದಿನ ಮಾಡುತ್ತಾ ಬಂದರೆ ಬಿಳಿಮಚ್ಚೆಯ ಸಮಸ್ಯೆಯನ್ನು ಹೋಗಲಾಡಿಸಬಹುದು.

3. ಶುಂಠಿಯ ರಸವನ್ನು ಬಿಳಿ ಮಚ್ಚೆಯ ಮೇಲೆ ಹಚ್ಚಿ ಸ್ವಲ್ಪ ಹೊತ್ತಿನ ಬಳಿಕ ತೊಳೆಯಬೇಕು. ಈ ರೀತಿ ಮಾಡುತ್ತಾ ಇದ್ದರೆ ಬಿಳಿಮಚ್ಚೆ ಬೇಗನೆ ಗುಣಮುಖವಾಗುತ್ತದೆ.

4. ಅಧಿಕ ರಾಸಾಯನಿಕವಿರುವ ಸೋಪನ್ನು ಬಳಸಬೇಡಿ.

5. ಬಿಳಿಯಾಗಿರುವ ಭಾಗಕ್ಕೆ ಬಾವಂಚಿ ತೈಲವನ್ನು ಹಚ್ಚಿ ಲೇಪಿಸಿದ ನಂತರ ಬೆಳಗಿನ ಸೂರ್ಯನ ಕಿರಣಗಳಿಗೆ, ಎಳೆ ಬಿಸಿಲಿಗೆ, ಸ್ವಲ್ಪ ಹೊತ್ತು ದೇಹವನ್ನು ಒಡ್ಡಬೇಕು.

6. ಆಹಾರದಲ್ಲಿ ಹುಳಿ ಪದಾರ್ಥಗಳಾದ ಹುಣಸೆಹಣ್ಣು, ಟೊಮೆಟೊ, ನಿಂಬೆಹಣ್ಣು ಮುಂತಾದವುಗಳನ್ನು ಹೆಚ್ಚು ಸೇವಿಸಬಾರದು.

7. ಅಧಿಕ ಬಿಸಿಲಿನಲ್ಲಿ ತಿರುಗಾಡಬಾರದು. ಬಿಸಿಲಿಗೆ ಹೋಗಲೇಬೇಕಾದಲ್ಲಿ ಕೊಡೆ ಉಪಯೋಗಿಸಿ. ಹತ್ತಿ ಬಟ್ಟೆಯನ್ನು ಧರಿಸಿ. ಸ್ನಾನಕ್ಕೆ ಹೆಚ್ಚು ಬಿಸಿನೀರಿನ ಬಳಕೆ ಬೇಡ.

6. ಆಹಾರದಲ್ಲಿ ಸೊಪ್ಪು, ತರಕಾರಿ, ಹಣ್ಣುಗಳ ಸೇವನೆ ಹೆಚ್ಚಾಗಿರಲಿ. ನೀರನ್ನು ಕುದಿಸಿ, ಆರಿಸಿ ಕುಡಿಯಿರಿ. ಕಡಿಮೆಯಾಗುತ್ತದೆ ಎಂಬ ನಂಬಿಕೆ ಇರಲಿ, ಆಗ ತೊನ್ನು ಅಥವಾ ಬಿಳಿ ಮಚ್ಚೆ ಗುಣಮುಖವಾಗುವುದು.