ಬ್ಲ್ಯಾಕ್ ಹೆಡ್ ನಿವಾರಣೆಗೆ ಏನು ಮಾಡಬಹುದು?

ಬ್ಲ್ಯಾಕ್ ಹೆಡ್ ನಿವಾರಣೆಗೆ ಮನೆಯಲ್ಲೇ ಸ್ಕ್ರಬ್:

* ನೀರು: ಯಾವುದೇ ಸ್ಕ್ರಬ್ ಗಳನ್ನು ಬಳಸುವ ಮುನ್ನ ಮುಖವನ್ನು ನೀರಿನಿಂದ ಚೆನ್ನಾಗಿ ತೊಳೆದುಕೊಳ್ಳಬೇಕು. ಇದರಿಂದ ಸ್ಕ್ರಬಿಂಗ್ ನಂತರ ತ್ವಚೆ ಒಣಗುವುದನ್ನು ತಡೆಯಬಹುದು.

* ಉಪ್ಪು ಮತ್ತು ಜೇನು: ಉಪ್ಪು ಮತ್ತು ಜೇನನ್ನು ಬೆರೆಸಿ ಹಚ್ಚಿಕೊಂಡರೆ ಬ್ಲ್ಯಾಕ್ ಹೆಡ್ ನಿವಾರಣೆಗೆ ಸಹಕಾರಿ. ಈ ಮಿಶ್ರಣವನ್ನು ಹಚ್ಚಿಕೊಂಡು 4-6 ನಿಮಿಷ ಮಸಾಜ್ ಮಾಡಿ ತಣ್ಣಗಿನ ನೀರಿನಲ್ಲಿ ತೊಳೆದುಕೊಂಡರೆ ಒಣ ತ್ವಚೆ ನಿವಾರಣೆಯಾಗುತ್ತದೆ, ಬ್ಲ್ಯಾಕ್ ಹೆಡ್ ಕೂಡ ಹೋಗುತ್ತದೆ.

* ಅಡುಗೆ ಸೋಡಾ: ಅಡುಗೆ ಸೋಡಾ ಬ್ಲಾಕ್ ಹೆಡ್ ಮತ್ತು ನಿರ್ಜೀವ ತ್ವಚೆ ನಿವಾರಣೆ ಮಾಡುವಲ್ಲಿ ಹೆಚ್ಚು ಸಹಕಾರಿ. ಅಡುಗೆ ಸೋಡಾವನ್ನು ನೀರಿನೊಂದಿಗೆ ಬೆರೆಸಿ 2-3 ನಿಮಿಷ ಮಸಾಜ್ ಮಾಡಿಕೊಳ್ಳಬೇಕು. ಒಂದು ನಿಮಿಷ ಬಿಟ್ಟು ತಣ್ಣಗಿನ ನೀರಿನಲ್ಲಿ ತೊಳೆದುಕೊಳ್ಳಬೇಕು. ಅಡುಗೆ ಸೋಡಾ ಒಂದು ನಿಮಿಷಕ್ಕಿಂತ ಹೆಚ್ಚು ಕಾಲ ತ್ವಚೆಯ ಮೇಲೆ ಉಳಿದುಕೊಳ್ಳಲು ಬಿಡಬಾರದು.

* ನಿಂಬೆಹೋಳು: ನಿಂಬೆಹೋಳಿನ ಮೇಲೆ ಉಪ್ಪನ್ನು ಉದುರಿಸಿ ಮುಖದ ಮೇಲೆ ಉಜ್ಜಿಕೊಳ್ಳಬೇಕು. 3-4 ನಿಮಿಷ ಮಸಾಜ್ ಮಾಡಿಕೊಂಡು 4-5 ನಿಮಿಷ ಬಿಡಬೇಕು. ನಂತರ ಬೆಚ್ಚಗಿನ ನೀರಿನಲ್ಲಿ ತೊಳೆದುಕೊಂಡರೆ ನಿರ್ಜೀವ ತ್ವಚೆ ಮಾಯವಾಗುತ್ತದೆ. ಕಾಂತಿಯೂ ಹೆಚ್ಚುತ್ತದೆ.

* ಕಿತ್ತಳೆ ಸಿಪ್ಪೆ: ಕಿತ್ತಳೆ ಸಿಪ್ಪೆಯನ್ನು ಪುಡಿ ಮಾಡಿ ಹಾಲು ಮತ್ತು ಕೆನೆ ಬೆರೆಸಿ ಹಚ್ಚಿಕೊಂಡು 5-10 ನಿಮಿಷ ಬಿಟ್ಟು ನಂತರ ಬೆಚ್ಚಗಿನ ನೀರಿನಲ್ಲಿ ತೊಳೆದುಕೊಳ್ಳಬೇಕು. ಇದರಿಂದ ಬ್ಲ್ಯಾಕ್ ಹೆಡ್ ನಿವಾರಣೆಯಾಗುವುದಲ್ಲದೆ ತ್ವಚೆ ಹೆಚ್ಚು ಕಂಗೊಳಿಸುತ್ತದೆ.