ಬ್ಲೀಚಿಂಗ್ ಮಾಡಿಸುವ ಮುನ್ನ ಈ ಅಂಶ ತಿಳಿದಿರಲಿ!

Skin Care

oi-Reena

By Hema S

Published: Tuesday, March 6, 2012, 12:27 [IST]

ಹೊಳೆಯುವ ತ್ವಚೆ ಬೇಕೆಂಬ ಆಸೆ ಯಾರಿಗೆ ತಾನೆ ಇಲ್ಲ? ಅದಕ್ಕಾಗಿ ಫೇಶಿಯಲ್, ಮಾಯಿಶ್ಚರೈಸರ್, ಬ್ಲೀಚಿಂಗ್ ವಿಧಾನವನ್ನು ಅನುಸರಿಸಬಹುದು. ಬ್ಲೀಚಿಂಗ್ ಮಾಡಿಸುವವರು ಗಮನಿಸಬೇಕಾದ ಅಂಶವೆಂದರೆ ಮುಖದಲ್ಲಿ ಕಪ್ಪು ಕಲೆಗಳನ್ನು ಹೋಗಲಾಡಿಸಲು ಬ್ಲೀಚಿಂಗ್ ಮಾಡಿಸುವುದಾದರೆ ಸರಿಯಾದ ರೀತಿಯ ಬ್ಲೀಚಿಂಗ್ ವಿಧಾನವನ್ನು ಅನುಸರಿಸದಿದ್ದರೆ ಮುಖ ಬಿಳುಚಿಕೊಂಡಂತೆ ಕಾಣುವುದು. ಆದ್ದರಿಂದ ಬ್ಲೀಚಿಂಗ್ ಮಾಡುವ ಮುನ್ನ ಅಂಶ ಗಮನಿಸಿದರೆ ತ್ವಚೆ ಆಕರ್ಷಕವಾಗಿ ಕಾಣುವುದು.

ಬ್ಲೀಚಿಂಗ್ ವಿಧಗಳು:

ಪೌಡರ್ ಬ್ಲೀಚ್: ಈ ವಿಧಾನದಲ್ಲಿ ಫೇಸ್ ಬ್ಲೀಚಿಂಗ್ ಪೌಡರ್ ಗೆ ದ್ರಾವಣಗಳಾದ ಹೈಡ್ರೋಜನ್ ಪೆರಾಕ್ಸೈಡ್ ಮತ್ತು ಅಮೋನಿಯಂ ಸೇರಿಸಿ ಬ್ಲೀಚ್ ಮಾಡಲಾಗುವುದು.

ಕ್ರೀಮ್ ಬ್ಲೀಚ್: ಇದು ಮೆಡಿಕಲ್ ಸ್ಟೋರ್ ಗಳಲ್ಲಿ ದೊರೆಯುತ್ತದೆ. ಇದನ್ನು ಹೆಚ್ಚಾಗಿ ಬ್ಯೂಟಿ ಪಾರ್ಲರ್ ಗಳಲ್ಲಿ ಬಳಸಲಾಗುವುದು.

ಬಳಸುವ ರೀತಿ:

1. ಬಳಸುವ ಮೊದಲು ಯಾವ ಉದ್ದೇಶಕ್ಕೆ ಬಳಸುತ್ತಿದ್ದೀರಾ ಎಂದು ನೆನಪಿಸಿಕೊಳ್ಳಿ. ಏಕೆಂದರೆ ಮುಖದಲ್ಲಿರುವ ಕಪ್ಪು ಕಲೆಗಳನ್ನು ಹೋಗಲಾಡಿಸಲು ಬಳಸುವುದಾದರೆ ಪೌಡರ್ ಬ್ಲೀಚ್ ಬಳಸುವುದು ಒಳ್ಳೆಯದು.

2. ಬೆಳ್ಳಗೆ ಕಾಣಲು ಬಳಸುವುದಾದರೆ ಕ್ರೀಂ ಬ್ಲೀಚ್ ಬಳಸಿ.

ಬ್ಲೀಚಿಂಗ್ ತುಂಬಾ ಸಲ ಮಾಡಿಸುವುದು ಒಳ್ಳೆಯದಲ್ಲ. ಮುಖದಲ್ಲಿ ಕಪ್ಪು ಕಲೆಗಳು ಕಡಿಮೆಯಾದ ತಕ್ಷಣ ಅದನ್ನು ನಿಲ್ಲಿಸಿ ಬಿಡಬೇಕು. ಇಲ್ಲದಿದ್ದರೆ ತ್ವಚೆ ಬಿಳುಚಿಕೊಂಡಂತೆ ಕಾಣುವುದರ ಜೊತೆಗೆ ನೆರಿಗೆಗಳು ಉಂಟಾಗಲಾರಂಭಿಸುತ್ತದೆ. ಬ್ಲೀಚಿಂಗ್ ನಿಂದ ಕಪ್ಪು ಕಲೆ ಹೋದ ಬಳಿಕ ಫೇಶಿಯಲ್ ಬಳಸಿ.
ಬ್ಲೀಚಿಂಗ್ ಮಾಡುವವರು ಮನೆಯಲ್ಲಿಯೆ ಫೇಶಿಯಲ್ ಬ್ಲೀಚ್ ತಯಾರಿಸಿ ಬಳಸುವುದು ಒಳ್ಳೆಯದು.