ಟೀನೇಜ್ ಸಮಸ್ಯೆಗೆ ಸೆಡ್ಡು ಹೊಡೆಯಿರಿ..

ಆದ್ದರಿಂದ ಕಾಸ್ಮೆಟಿಕ್ ಮೊರೆ ಹೋಗುವ ಬದಲು ಮನೆಯಲ್ಲೇ ಕೆಲವು ಕ್ಲೆನ್ಸರ್ ಮಾಡಿ ಬಳಸಬಹುದು. ಈ ಕ್ಲೆನ್ಸರ್ ಕಾಸ್ಮೆಟಿಕ್ ಗಳಿಗಿಂತ ಹೆಚ್ಚು ಪರಿಣಾಮಕಾರಿ. ಇದರಿಂದ ನಿರ್ಜೀವ ತ್ವಚೆ ಹೋಗಿ ತ್ವಚೆ ಸುಂದರ ಮತ್ತು ಶುದ್ಧವಾಗಿರುತ್ತದೆ. ಮೊಡವೆಯಿಂದಲು ಮುಕ್ತಿ ನೀಡುತ್ತದೆ.

ಮೊಡವೆ ನಿವಾರಿಸಿ ನಿಷ್ಕಳಂಕ ತ್ವಚೆ ಪಡೆಯುವ ವಿಧಾನ:

* ಪೈನಾಪಲ್: ಪೈನಾಪಲ್ ಮೊಡವೆಯಿರುವ ತ್ವಚೆಗೆ ತುಂಬಾ ಪರಿಣಾಮಕಾರಿ. ಪೈನಾಪಲ್ ಜ್ಯೂಸನ್ನು ಮುಖಕ್ಕೆ ಲೇಪಿಸಿಕೊಳ್ಳಬಹುದು. ಇಲ್ಲವೆಂದರೆ ಪೈನಾಪಲ್ ಹೋಳನ್ನು ಮುಖದ ಮೇಲೆ 3-5 ನಿಮಿಷ ಉಜ್ಜಿಕೊಳ್ಳಬೇಕು. ಪೈನಾಪಲ್ ಜೊತೆ ಸ್ವಲ್ಪ ಅಡುಗೆ ಸೋಡಾ ಬೆರೆಸಿ ಹಚ್ಚಿಕೊಂಡು 4-5 ನಿಮಿಷ ಬಿಟ್ಟು ತಣ್ಣಗಿನ ನೀರಿನಲ್ಲಿ ಮುಖ ತೊಳೆದುಕೊಂಡರೂ ಪರಿಣಾಮಕಾರಿ. ಆದರೆ ಇದು ಕೆಲವರಿಗೆ ಉರಿ ತರಬಹುದು. ಪರೀಕ್ಷಿಸಿ ನಂತರ ಹಚ್ಚಿಕೊಳ್ಳಬೇಕು.

* ಜೇನುತುಪ್ಪ: ಮೊಡವೆ ಹೋಗಿಸಲು ಜೇನು ತುಪ್ಪವೂ ಪ್ರಯೋಜನಕ್ಕೆ ಬರುತ್ತದೆ. ಜೇನು ತ್ವಚೆಯ ರಂಧ್ರ ತೆರೆದು ನೈಸರ್ಗಿಕವಾಗಿ ತ್ವಚೆಗೆ ಹೊಳಪು ನೀಡುತ್ತದೆ. ಹಾಲಿನಲ್ಲಿ ಸ್ವಲ್ಪ ಹನಿ ಜೇನು ಬೆರೆಸಿ ಮುಖಕ್ಕೆ ಹಚ್ಚಿಕೊಂಡರೆ ಒಳ್ಳೆಯದು. ನಿಂಬೆರಸದೊಂದಿಗೆ ಜೇನು ಬೆರೆಸಿ ಹಚ್ಚಿಕೊಂಡರೂ ಮೊಡವೆ ಕಡಿಮೆಯಾಗುತ್ತದೆ.

* ಅಡುಗೆ ಸೋಡಾ: ಅಡುಗೆ ಸೋಡಾ ಮೊಡವೆ ತ್ವಚೆಗೆ ಬೇಗನೆ ಮುಕ್ತಿ ನೀಡುತ್ತದೆ. ಮೊಡವೆ ಮುಕ್ತ ತ್ವಚೆ ಹೊಂದಬೇಕಾದರೆ ಅಡುಗೆ ಸೋಡಾವನ್ನು ನೀರಿನೊಂದಿಗೆ ಬೆರೆಸಿ ಮುಖಕ್ಕೆ ಹಚ್ಚಿಕೊಂಡು 2 ನಿಮಿಷ ಬಿಡಬೇಕು. ನಂತರ ತಣ್ಣಗಿನ ನೀರಿನಿಂದ ತೊಳೆದುಕೊಳ್ಳಬೇಕು.

* ಓಟ್ ಮೀಲ್: ಮೊಡವೆ ಕಲೆಗಳು ಕೆಲವೊಮ್ಮೆ ಮುಖದ ಮೇಲೆ ಹಾಗೆಯೇ ಉಳಿದುಕೊಂಡು ಬಿಟ್ಟಿರುತ್ತದೆ. ಇದು ಮುಖ ಕಳೆಗುಂದುವಂತೆ ಮಾಡುತ್ತದೆ. ಆದ್ದರಿಂದ ಓಟ್ ಮೀಲ್ ಮತ್ತು ಹಾಲನ್ನು ಬೆರೆಸಿ ಮುಖಕ್ಕೆ ಹಚ್ಚಿಕೊಳ್ಳಬೇಕು. ಇದು ಉರಿಯನ್ನೂ ಕಡಿಮೆಗೊಳಿಸುತ್ತದೆ.