ಸ್ಟ್ರಾಬೆರಿಯಂಥ ಕೆನ್ನೆ ಪಡೆಯಲು ಕಷ್ಟವೇನಿಲ್ಲ

Skin Care

oi-Sumalatha

By Sumalatha

Published: Friday, November 18, 2011, 10:31 [IST]

ಸ್ಟ್ರಾಬೆರಿ ತಿನ್ನಲು ಮಾತ್ರ ರುಚಿಯಾದ ಹಣ್ಣಲ್ಲ. ಅದರಲ್ಲಿ ಸೌಂದರ್ಯದ ಗುಟ್ಟೂ ಇದೆ. ಸ್ಟ್ರಾಬೆರಿಯಲ್ಲಿ ಹೆಚ್ಚಿರುವ ಆಲ್ಫಾ ಹೈಡ್ರಾಕ್ಸಿ ಆಸಿಡ್ ತ್ವಚೆಯಲ್ಲಿನ ಎಣ್ಣೆಯಂಶ ನಿವಾರಿಸಿ ತ್ವಚೆಗೆ ಗೌರವರ್ಣ ನೀಡುತ್ತೆ. ಆದ್ದರಿಂದ ಸ್ಟ್ರಾಬೆರಿಯನ್ನು ತ್ವಚೆಗೆ ಹೇಗೆ ಬಳಸಬಹುದು ಎಂದು ಇಲ್ಲಿ ತಿಳಿದುಕೊಳ್ಳಿ.

ತ್ವಚೆಗೆ ಸ್ಟ್ರಾಬೆರಿ ಬಳಕೆ ಹೇಗೆ?

* ಸ್ಟ್ರಾಬೆರಿ ಪೇಸ್ಟ್ : ಸ್ಟ್ರಾಬೆರಿ ಪೇಸ್ಟ್ ಲೇಪನ ತ್ವಚೆಗೆ ತುಂಬಾ ಉಪಯೋಗವನ್ನು ನೀಡುತ್ತದೆ. ಸ್ಟ್ರಾಬೆರಿಯನ್ನು ಚೆನ್ನಾಗಿ ಕಲೆಸಿ ಪೇಸ್ಟ್ ನಂತೆ ಮಾಡಿ ಹಚ್ಚಿಕೊಂಡು 15 ನಿಮಿಷ ಬಿಟ್ಟು ತಣ್ಣಗಿನ ನೀರಿನಿಂದ ತೊಳೆದುಕೊಂಡರೆ ತ್ವಚೆಗೆ ತಾಜಾತನ ಬರುತ್ತದೆ. ಹೊಳಪೂ ನೀಡುತ್ತದೆ.

* ಜೇನಿನೊಂದಿಗೆ ಸ್ಟ್ರಾಬೆರಿ: ಜೇನಿನಲ್ಲಿ ತ್ವಚೆಗೆ ಒಳಿತು ಮಾಡುವ ಅನೇಕ ಅಂಶಗಳಿವೆ. ಸ್ಟ್ರಾಬೆರಿಯನ್ನು ಪೇಸ್ಟ್ ನಂತೆ ಮಾಡಿ ಅದಕ್ಕೆ ಕೆಲವು ಹನಿ ಜೇನನ್ನು ಬೆರೆಸಿ ಮುಖಕ್ಕೆ ಹಚ್ಚಿಕೊಂಡರೆ ತ್ವಚೆಗೆ ಉಪಯೋಗವಿದೆ. ಎಣ್ಣೆ ಚರ್ಮವಿದ್ದವರು ಹಚ್ಚಿಕೊಳ್ಳುವ ಮುನ್ನ ಮುಖವನ್ನು ಚೆನ್ನಾಗಿ ತೊಳೆದುಕೊಂಡು ಲೇಪಿಸಿಕೊಳ್ಳಬೇಕು. 4-5 ನಿಮಿಷ ಮಸಾಜ್ ಮಾಡಿಕೊಂಡು 10 ನಿಮಿಷದ ನಂತರ ತೊಳೆದುಕೊಳ್ಳಬೇಕು.

* ನಿಂಬೆ ಮತ್ತು ಸ್ಟ್ರಾಬೆರಿ : ಸ್ಟ್ರಾಬೆರಿಯನ್ನು ಜೇನು ಮತ್ತು ನಿಂಬೆರಸ ಬೆರೆಸಿ ಪೇಸ್ಟ್ ನಂತೆ ಮಾಡಿ ಮುಖಕ್ಕೆ ಹಚ್ಚಿಕೊಂಡರೆ ತ್ವಚೆಯಲ್ಲಿರುವ ಅಧಿಕ ಎಣ್ಣೆಯಂಶವನ್ನು ಹೀರಿಕೊಂಡು ತ್ವಚೆ ಹೊಳೆಯುವಂತೆ ಮಾಡುತ್ತದೆ.

* ಕೆನೆ ಮತ್ತು ಸ್ಟ್ರಾಬೆರಿ: ಸುಕ್ಕನ್ನು ತಡೆಗಟ್ಟಲು ಸ್ಟ್ರಾಬೆರಿಯೊಂದಿಗೆ ಹಾಲಿನ ಕೆನೆ ಬೆರೆಸಿ ಹಚ್ಚಿಕೊಂಡು ಮಸಾಜ್ ಮಾಡಿ 10 ನಿಮಿಷ ಬಿಟ್ಟು ತೊಳೆದುಕೊಂಡರೆ ಉತ್ತಮ ಫಲಿತಾಂಶವನ್ನು ನೀವೇ ನೋಡಬಹುದು.