ಟೂಥ್ ಪೇಸ್ಟ್ ನಲ್ಲಿ ಬ್ಯೂಟಿಗೆ ಬೇಕಾದ್ದು ಏನಿದೆ?

ಸೌಂದರ್ಯಕ್ಕೆ ಟೂಥ್ ಪೇಸ್ಟ್ ಹೇಗೆ ಬಳಕೆಯಾಗುತ್ತೆ?

* ಮೊಡವೆ ನಿಯಂತ್ರಣ: ಮೊಡವೆಯನ್ನು ಹೋಗಿಸಲು ಟೂಥ್ ಪೇಸ್ಟ್ ಉಪಯುಕ್ತ. ಇದರಲ್ಲಿರುವ ಟ್ರಿಕ್ಲೋಸನ್ ಅಂಶದಲ್ಲಿ ಬ್ಯಾಕ್ಟೀರಿಯಾ ವಿರುದ್ದ ಹೋರಾಡುವ ಗುಣವಿರುವುದರಿಂದ ಮೊಡವೆಗೆ ಹೆಚ್ಚು ಪರಿಣಾಮಕಾರಿ. ಮಲಗುವ ಮುನ್ನ ಸ್ವಲ್ಪವೇ ಸ್ವಲ್ಪ ಟೂಥ್ ಪೇಸ್ಟನ್ನು ಹಚ್ಚಿಕೊಂಡು ಮಲಗಬೇಕು. ಕೆಲವೇ ದಿನಗಳಲ್ಲಿ ಮೊಡವೆ ನಿಯಂತ್ರಣಕ್ಕೆ ಬರುತ್ತದೆ.

* ಉಗುರಿನ ಸ್ವಾಸ್ಥ್ಯ: ನಿರಂತರವಾಗಿ ಬಳಕೆಮಾಡುವ ನೈಲ್ ಪಾಲಿಶ್ ನಿಂದ ಉಗುರು ಕಳೆಗುಂದುತ್ತದೆ. ಆದ್ದರಿಂದ ಆರೋಗ್ಯಕರ ಉಗುರುಗಳನ್ನು ಹೊಂದಬೇಕಾದರೆ ಟೂಥ್ ಪೇಸ್ಟ್ ಬಳಕೆ ಮಾಡಿ. ನೈಲ್ ಪಾಲಿಶ್ ತೆಗೆದ ನಂತರ ಟೂಥ್ ಪೇಸ್ಟನ್ನು ಬ್ರಶ್ ನಿಂದ ನಯವಾಗಿ ಉಜ್ಜಿದರೆ ಉಗುರುಗಳು ಹೊಳೆಯುವುದಲ್ಲದೆ ಆರೋಗ್ಯವಾಗಿಯೂ ಇರುತ್ತದೆ.

* ಸುಟ್ಟ ಗಾಯ: ಸುಟ್ಟಗಾಯಕ್ಕೆ ಮತ್ತು ಸುಟ್ಟ ಕಲೆ ಹೋಗಿಸಲು ಟೂಥ್ ಪೇಸ್ಟ್ ಉಪಯೋಗಕ್ಕೆ ಬರುತ್ತೆ. ಸುಟ್ಟ ಗಾಯದ ಮೇಲೆ ಹಚ್ಚಿಕೊಳ್ಳುವುದರಿಂದ ಉರಿಯೂ ಕಡಿಮೆಯಾಗುತ್ತೆ. ಸುಟ್ಟ ನಂತರವೇ ಟೂಥ್ ಪೇಸ್ಟ್ ಹಚ್ಚಿಕೊಳ್ಳುವುದರಿಂದ ಬೊಬ್ಬೆ ಏಳುವುದಿಲ್ಲ ಮತ್ತು ಬೇಗನೆ ವಾಸಿಯಾಗಲು ಸಹಕರಿಸುತ್ತದೆ.

* ಕಲೆ ನಿವಾರಣೆ: ಕೆಲವೊಂದು ಬಾರಿ ಮೊಡವೆ, ಗುಳ್ಳೆಗಳು ವಾಸಿಯಾದರೂ ಅದರ ಕಲೆ ಮಾತ್ರ ಹಾಗೇ ಉಳಿದುಕೊಂಡಿರುತ್ತದೆ. ಇಂತಹ ಸಮಯದಲ್ಲಿ ಟೂಥ್ ಪೇಸ್ಟ್ ಹಚ್ಚಿ ಕೆಲವು ಗಂಟೆ ಬಿಟ್ಟರೆ ಕಲೆ ಕಡಿಮೆಯಾಗುತ್ತದೆ.