ಮಚ್ಚೆ ನಿಮ್ಮ ಅಂದಗೆಡಿಸುತ್ತಿದ್ದರೆ ಹೀಗೆ ಮಾಡಿ

Skin Care

oi-Sumalatha

By Sumalatha

Published: Saturday, October 1, 2011, 16:43 [IST]

ಕೆಲವೊಮ್ಮೆ ಮಚ್ಚೆ ಮುಖಕ್ಕೆ ಅಂದ ನೀಡುತ್ತೆ. ಆದರೆ ಒಮ್ಮೊಮ್ಮೆ ಮುಖದ ಚೆಂದವನ್ನೂ ಕೆಡಿಸುತ್ತೆ. ಆದ್ದರಿಂದ ಎಷ್ಟೋ ಜನ ಮಚ್ಚೆಯನ್ನು ಹೋಗಿಸಬೇಕೆಂದು ಅನೇಕ ಪ್ರಯತ್ನ ಮಾಡಿರುತ್ತಾರೆ. ಇದಕ್ಕೆಂದು ಕೆಲವು ಚಿಕಿತ್ಸೆಗಳೂ ಇವೆ. ಆದರೆ ಚಿಕಿತ್ಸೆ ದುಬಾರಿಯಾದ ಕಾರಣ ಮನೆಯಲ್ಲೇ ಮಚ್ಚೆ ಹೋಗಿಸುವ ಟಿಪ್ಸ್ ಗಳನ್ನು ಇಲ್ಲಿ ನೀಡಲಾಗಿದೆ.

ಮಚ್ಚೆ ಕಲೆ ಹೋಗಲಾಡಿಸುವ ನೈಸರ್ಗಿಕ ವಿಧಾನ:

1. ಹೂಕೋಸು: ಹೂಕೋಸಿನ ರಸ ಮಚ್ಚೆ ಕಲೆ ಹೋಗಿಸಲು ಸಹಕಾರಿ. ಈ ರಸವನ್ನು ಮಚ್ಚೆ ಚರ್ಮ ತಾನಾಗಿಯೇ ಹೋಗುವವರೆಗೂ ಹಚ್ಚುತ್ತಾ ಬರಬೇಕು.

2. ಕೊತ್ತಂಬರಿ ಪೇಸ್ಟ್: ಕೊತ್ತಂಬರಿ ಪೇಸ್ಟನ್ನು ಮಚ್ಚೆ ಮೇಲೆ ಉಜ್ಜುವುದು ಮಚ್ಚೆ ಕಲೆ ಹೋಗಲಾಡಿಸುವ ನೈಸರ್ಗಿಕ ವಿಧಾನ. ಇದು ಸ್ವಲ್ಪ ಸಮಯ ತೆಗೆದುಕೊಂಡರೂ, ಮಚ್ಚೆಯನ್ನು ಶಾಶ್ವತವಾಗಿ ಹೋಗಲಾಡಿಸಲು ತುಂಬಾ ಸಹಕಾರಿ.

3. ಬೆಳ್ಳುಳ್ಳಿ: ಬೆಳ್ಳುಳ್ಳಿ ಪೇಸ್ಟನ್ನು ಪ್ರತಿ ದಿನ ರಾತ್ರಿ ಮಲಗುವ ಮುನ್ನ ಹಚ್ಚಿಕೊಂಡು ಅದಕ್ಕೆ ಬ್ಯಾಂಡೇಜ್ ಸುತ್ತಿ ಬೆಳಗ್ಗೆ ತೆಗೆಯಬೇಕು. ಹೀಗೆ ಕೆಲವು ದಿನ ಮುಂದುವರೆಸಿದರೆ ಮಚ್ಚೆ ಕಲೆ ಹೋಗುತ್ತದೆ.

4. ಹರಳೆಣ್ಣೆ: ಹರಳೆಣ್ಣೆಯಿಂದ ಆಗಾಗ್ಗೆ ಮಸಾಜ್ ಮಾಡಿಕೊಳ್ಳುತ್ತಿದ್ದರೆ ಮಚ್ಚೆ ಕ್ರಮೇಣ ಮಾಸುತ್ತದೆ.

5. ವಿನೆಗರ್: ಮುಖವನ್ನು ಬೆಚ್ಚಗಿನ ನೀರಿನಿಂದ 5-10 ನಿಮಿಷ ತೊಳೆದುಕೊಳ್ಳಬೇಕು. ಅದು ಒಣಗಲು ಬಿಟ್ಟು ನಂತರ ಹತ್ತಿಯನ್ನು ಆಪಲ್ ಸೈಡರ್ ವಿನೆಗರ್ ನಿಂದ ಅದ್ದಿ ಮಚ್ಚೆ ಮೇಲೆ ಉಜ್ಜಬೇಕು. 10 ನಿಮಿಷ ಹಾಗೆಯೇ ಬಿಟ್ಟು ನಂತರ ಬೆಚ್ಚಗಿನ ನೀರಿನಿಂದ ತೊಳೆದುಕೊಳ್ಳಬೇಕು. ದಿನಕ್ಕೆ ಎರಡು ಬಾರಿ ಈ ರೀತಿ ಮಾಡಿದರೆ ಮಚ್ಚೆ ಶಾಶ್ವತವಾಗಿ ಹೋಗಬಹುದು.

6. ಜೇನು: ಮಚ್ಚೆ ಕಲೆ ಹೋಗಿಸುವಲ್ಲಿ ಜೇನು ತುಂಬಾ ಉಪಯೋಗ. ಹುಚ್ಚೆಳ್ಳೆಣ್ಣೆಯೊಂದಿಗೆ ಜೇನನ್ನು ಬೆರೆಸಿ 5 ನಿಮಿಷ ಉಜ್ಜಬೇಕು. ನಂತರ ಬೆಚ್ಚಗಿನ ನೀರಿನಿಂದ ತೊಳೆದುಕೊಳ್ಳಬೇಕು. ಹಾಗೆಯೇ ಜೇನನ್ನು ದಿನವೂ ಹಚ್ಚಿಕೊಂಡರೂ ಮಚ್ಚೆ ಅಥವಾ ಕಲೆ ಹೋಗುತ್ತದೆ.

7. ಪೈನಾಪಲ್: ಪೈನಾಪಲ್ ರಸವನ್ನು ಅಥವಾ ಪೈನಾಪಲ್ ಹಣ್ಣನ್ನು ಮಚ್ಚೆ ಮೇಲೆ ಉಜ್ಜಿಕೊಂಡರೂ ಕ್ರಮೇಣ ಮಚ್ಚೆ ಹೊರಟುಹೋಗುತ್ತದೆ.

8. ಎಳ್ಳೆಣ್ಣೆ: ಎಳ್ಳೆಣ್ಣೆಯನ್ನು ಅಡುಗೆ ಸೋಡಾದೊಂದಿಗೆ ಬೆರೆಸಿ ಉಜ್ಜಿಕೊಂಡು ರಾತ್ರಿಯಿಡೀ ಬಿಟ್ಟರೆ ಮಚ್ಚೆ ಕಲೆಗಳು ಮಾಸುತ್ತವೆ.