ತಿಳಿ-ಬಿಳಿ ತ್ವಚೆ ಪಡೆಯಲು ನೀವೇ ಬ್ಲೀಚ್ ತಯಾರಿಸಿ

Skin Care

oi-Sumalatha

By Sumalatha

Published: Friday, September 23, 2011, 18:32 [IST]

ಕೆಮಿಕಲ್ ಮಿಶ್ರಿತ ಬ್ಲೀಚ್ ಗಳಿಂದ ನಿಮ್ಮ ತ್ವಚೆ ಕಂಗಾಲಾಗಿದ್ದರೆ, ನೈಸರ್ಗಿಕವಾಗಿಯೇ ಬ್ಲೀಚ್ ತಯಾರಿಸಿ ತ್ವಚೆಯನ್ನು ಕಾಪಾಡಿಕೊಳ್ಳಬಹುದು. ಮನೆಯಲ್ಲೇ ಸಿಗುವ ಪದಾರ್ಥಗಳಿಂದ ಬ್ಲೀಚ್ ತಯಾರಿಸಿದರೆ ಚರ್ಮಕ್ಕೆ ಹಾನಿಯಾಗುವುದನ್ನೂ ತಡೆದು ಇನ್ನಷ್ಟು ಉತ್ತಮ ಫಲಿತಾಂಶ ನಿಮ್ಮದಾಗಿಸಿಕೊಳ್ಳಬಹುದು.

ಮನೆಯಲ್ಲೇ ಬ್ಲೀಚ್ ತಯಾರಿಸುವ ವಿಧಾನ ತಿಳಿದುಕೊಳ್ಳಿ:

1. ನಿಂಬೆಸಿಪ್ಪೆ ಮತ್ತು ಜೇನು: ನಿಂಬೆ ಸಿಪ್ಪೆಯನ್ನು ಬಿಸಿಲಿನಲ್ಲಿ ಚೆನ್ನಾಗಿ ಒಣಗಿಸಿ ಪುಡಿ ಮಾಡಿಕೊಳ್ಳಬೇಕು. ಈ ಪುಡಿಯನ್ನು ಜೇನಿನೊಂದಿಗೆ ಬೆರೆಸಿ ಹಚ್ಚಿಕೊಂಡರೆ ಚರ್ಮ ತಿಳಿಗೊಂಡು ಕಾಂತಿಯುವಾಗುತ್ತದೆ. ಕಿತ್ತಳೆಹಣ್ಣಿನ ಸಿಪ್ಪೆಯನ್ನೂ ಒಣಗಿಸಿ ಜೇನಿನೊಂದಿಗೆ ಬೆರೆಸಿ ಹಚ್ಚಿಕೊಳ್ಳಬಹುದು.

2. ಕಸ್ತೂರಿ ಅರಿಶಿನ: ಕಸ್ತೂರಿ ಅರಿಶಿನ ಅಥವಾ ಅರಿಶಿನದೊಂದಿಗೆ ತಾಜಾ ಕೆನೆ ಮತ್ತು ನಿಂಬೆರಸ ಸೇರಿಸಿ ಪೇಸ್ಟ್ ನಂತೆ ಮಾಡಿ ಹಚ್ಚಿಕೊಂಡು ಒಣಗಿದ ನಂತರ ತೊಳೆದುಕೊಂಡರೆ ಅನವಶ್ಯಕ ರೋಮಗಳು ಕಡಿಮೆಯಾಗಿ ಮುಖ ಶುಭ್ರವಾಗಿ ಗೋಚರಿಸುತ್ತದೆ.

3. ಗಂಧ: ಗಂಧದ ಪುಡಿಗೆ ಸೌತೆ ರಸ ಬೆರೆಸಿ ಪ್ಯಾಕ್ ನಂತೆ ಲೇಪಿಸಿಕೊಂಡರೆ ಹೊಳೆಯುವ ತ್ವಚೆ ನಿಮ್ಮದಾಗುತ್ತದೆ.

4. ಮುಲ್ತಾನಿ ಮಿಟ್ಟಿ : ಮುಲ್ತಾನಿ ಮಿಟ್ಟಿಗೆ ರೋಸ್ ವಾಟರ್ ಅಥವಾ ಟೊಮೊಟೊ ರಸ ಸೇರಿಸಿ ಹಚ್ಚಿಕೊಂಡು ಒಂದು ರಾತ್ರಿ ಹಾಗೇ ಬಿಟ್ಟು ಬೆಳಗ್ಗೆ ತೊಳೆದುಕೊಂಡರೆ ಮುಖದಲ್ಲಿನ ಕಲೆಗಳು ಕ್ರಮೇಣ ಕಡಿಮೆಯಾಗಿ ಚರ್ಮ ತಿಳಿಗೊಳ್ಳುತ್ತದೆ.

5. ಸೋಡಾ: ಕಡಲೆಹಿಟ್ಟು, ಸ್ವಲ್ಪ ಅಡುಗೆ ಸೋಡಾ ಮತ್ತು ಎಳನೀರನ್ನು ಸೇರಿಸಿ ಹಚ್ಚಿಕೊಂಡರೆ ಚರ್ಮಕ್ಕೆ ತುಂಬಾ ಒಳ್ಳೆಯ ಬ್ಲೀಚ್ ಆಗುತ್ತೆ.

6. ಮೊಸರು: ಇದೆಲ್ಲದರ ಹೊರತಾಗಿಯೂ ಮೊಸರಿನಿಂದ, ಎಳನೀರಿನಿಂದ ಮುಖಕ್ಕೆ ಮಸಾಜ್ ಮಾಡಿಕೊಂಡರೂ ಮುಖ ಕಂಗೊಳಿಸುವಂತೆ ಮಾಡುತ್ತೆ.