ಒಂದೇ ರಾತ್ರೀಲಿ ಹೊಳೆವ ತ್ವಚೆ ಪಡೆಯಿರಿ

ಸ್ಟೆಪ್-1: ಹಣ್ಣು ಅಥವಾ ತರಕಾರಿ ಫೇಶಿಯಲ್ ನಿಂದ ಯಾವುದೇ ಅಡ್ಡಪರಿಣಾಮ ಉಂಟಾಗದಂತಿರಲು ಮೊದಲು ವಿಟಮಿನ್ ಇ ಎಣ್ಣೆಗೆ ಸ್ವಲ್ಪ ಕಸ್ತೂರಿ ಅರಿಶಿನ ಬೆರೆಸಿ ಮೇಲ್ಮುಖವಾಗಿ ಚೆನ್ನಾಗಿ ಮಸಾಜ್ ಮಾಡಿಕೊಳ್ಳಬೇಕು.

ಸ್ಟೆಪ್-2 : ಕೆಲವು ನಿಮಿಷದ ನಂತರ ಮುಖವನ್ನು ಸೋಪ್ ಉಪಯೋಗಿಸದೆ, ಕಡಲೆ ಹಿಟ್ಟಿನಿಂದ ತೊಳೆದುಕೊಳ್ಳಬೇಕು. ಎಣ್ಣೆ ಮಸಾಜ್ ಮಾಡಿಕೊಳ್ಳುವುದರಿಂದ ಬೇಗನೆ ಸುಕ್ಕು ಮೂಡುವುದನ್ನು ತಡೆಯಬಹುದು.

ಸ್ಟೆಪ್-3: ಈಗ ಟೊಮೆಟೊ ಅಥವಾ ಪರಂಗಿ ಹಣ್ಣಿನ ರಸದಿಂದ ಮುಖವನ್ನು ಮೃದುವಾಗಿ ಮತ್ತು ಮೇಲ್ಮುಖವಾಗಿ ಉಜ್ಜಿಕೊಳ್ಳಬೇಕು. ಇದು ಚರ್ಮದಲ್ಲಿ ಸೇರಿಕೊಂಡ ಧೂಳನ್ನು ಬುಡಸಮೇತ ಕಿತ್ತೊಗೆಯುತ್ತದೆ.

ಸ್ಟೆಪ್-4 : ನಿಂಬೆ ರಸ ಮತ್ತು ಮಜ್ಜಿಗೆ ನೈಸರ್ಗಿಕ ಟೋನರ್ ನಂತೆ ಕೆಲಸ ಮಾಡುತ್ತದೆ. ನಿಂಬೆರಸವನ್ನು ಹಚ್ಚಿಕೊಂಡು ಅದನ್ನು ಹತ್ತಿಯಿಂದ ಒರೆಸಿ ನಂತರ ಸ್ಟ್ರಾಬೆರಿ ಅಥವಾ ಬಾಳೆ ಹಣ್ಣಿನಿಂದ ಮುಖಕ್ಕೆ ಪ್ಯಾಕ್ ಹಾಕಿಕೊಂಡು ಹದಿನೈದು ನಿಮಿಷ ಒಣಗಲು ಬಿಡಬೇಕು.

ಸ್ಟೆಪ್-5 : ಹಣ್ಣನ್ನು ಒರೆಸಿದ ನಂತರ ಮನೆಯಲ್ಲೇ ತಯಾರಿಸಿದ ಬಾದಾಮಿ ಮತ್ತು ಹಾಲಿನ ಸ್ಕ್ರಬ್ ನಿಂದ ಮುಖವನ್ನು ತೊಳೆದುಕೊಳ್ಳಬೇಕು. ಇದರಿಂದ ಬ್ಲಾಕ್ ಹೆಡ್ ಮತ್ತು ಕಲೆಗಳನ್ನು ಹೋಗಲಾಡಿಸಬಹುದು. ನಿಮ್ಮ ತ್ವಚೆಯನ್ನು ಒಂದೇ ದಿನದಲ್ಲಿ ಸುಂದರಗೊಳಿಸಬೇಕೆಂದಿದ್ದರೆ ಈ ಸ್ಕ್ರಬ್ ಅತಿ ಅವಶ್ಯಕ.

ಸ್ಟೆಪ್-6 : ಕೊನೆಗೆ ಸ್ಕ್ರಬ್ ತೊಳೆದುಕೊಂಡು ಮುಖವನ್ನು ಐಸ್ ಕ್ಯೂಬ್ ನಲ್ಲಿ ಸೋಕಿದ ಹತ್ತಿಯಿಂದ ನಯವಾಗಿ ಉಜ್ಜಬೇಕು.
ಈ ಆರೂ ವಿಧಾನವನ್ನು ಪಾಲಿಸಿದ ನಂತರ ತ್ವಚೆ ತಾಜಾ ಮತ್ತು ಆರೋಗ್ಯಕರವಾಗಿರುತ್ತದೆ. ಈಗ ನೀವು ಯಾವುದೇ ಎಗ್ಗಿಲ್ಲದೆ ಪಾರ್ಟಿಗೆ ಹೋಗಬಹುದು.