ಅಂದಕ್ಕೆ ಕಪ್ಪು ಚುಕ್ಕೆಯಾದೀತು ಬ್ಲಾಕ್ ಹೆಡ್!

1. ಹಬೆ ತೆಗೆದುಕೊಳ್ಳುವುದು ಬ್ಲಾಕ್ ಹೆಡ್ ನಿವಾರಿಸಬಹುದಾದ ಒಂದು ಸುಲಭ ಮಾರ್ಗ. ಚರ್ಮದಲ್ಲಿ ಮುಚ್ಚಿಕೊಂಡ ರಂಧ್ರಗಳನ್ನು ಇದು ತೆರೆಯುತ್ತದೆ. 10 ನಿಮಿಷ ಹಬೆ ತೆಗೆದುಕೊಂಡ ನಂತರ ತೇವದ ಬಟ್ಟೆಯಲ್ಲಿ ಮುಖವನ್ನು ನಯವಾಗಿ ಒರೆಸಬೇಕು. ಇದು ಬ್ಲಾಕ್ ಹೆಡ್ ತೊಲಗಿಸುವಲ್ಲಿ ಅತ್ಯಂತ ಪರಿಣಾಮಕಾರಿ.

2. ಹದವಾಗಿ ಬಿಸಿಯಾದ ಜೇನು ತುಪ್ಪವನ್ನು ಫೇಸ್ ಪ್ಯಾಕ್ ಹಾಕಿಕೊಳ್ಳುವುದರಿಂದಲೂ ಬ್ಲಾಕ್ ಹೆಡ್ ನಿವಾರಣೆ ಸಾಧ್ಯ. ಜೇನಿನ ಬಿಸಿ ಮುಚ್ಚಿಹೋಗಿರುವ ಚರ್ಮದ ರಂಧ್ರಗಳನ್ನು ತೆರೆಯುತ್ತದೆ. ಮತ್ತು ನೈಸರ್ಗಿಕ ಬ್ಲೀಚ್ ಆಗಿರುವ ಜೇನು ಚರ್ಮವನ್ನು ಶುದ್ಧಗೊಳಿಸಿ ಹೊಳಪು ಮೂಡಿಸುತ್ತದೆ. ಜೇನನ್ನು ಅತಿಯಾಗಿ ಬಿಸಿ ಮಾಡಿದರೆ ಚರ್ಮ ಸುಡಬಹುದು, ಎಚ್ಚರಿಕೆ ಇರಲಿ.

3. 5 ಗ್ರಾಂ ಸ್ಯಾಂಡಲ್ ವುಡ್ ಪುಡಿಗೆ 5 ಗ್ರಾಂ ಅರಿಶಿನ ಮತ್ತು ಹಾಲು ಬೆರೆಸಿ ಬ್ಲಾಕ್ ಹೆಡ್ ಇರುವ ಜಾಗಕ್ಕೆ ಹಚ್ಚಬೇಕು. ಅದು ಒಣಗಿದ ನಂತರ ಬೆಚ್ಚಗಿನ ನೀರಿನಿಂದ ತೊಳೆದುಕೊಳ್ಳಬೇಕು. ಗಂಧ ಎಣ್ಣೆ ಅಂಶವನ್ನು ಹೋಗಲಾಡಿಸಿದರೆ ಅರಿಶಿನ ಚರ್ಮದ ತೊಂದರೆ ನಿವಾರಿಸುತ್ತದೆ ಮತ್ತು ಹಾಲು ತ್ವಚೆಯನ್ನು ಶುಭ್ರಗೊಳಿಸುವಲ್ಲಿ ಸಹಾಯ ಮಾಡುತ್ತದೆ. ಒಟ್ಟಾರೆ ಬ್ಲಾಕ್ ಹೆಡ್ ನಿವಾರಣೆ ಮಾಡುವಲ್ಲಿ ಈ ಮೂರು ಅಂಶಗಳೂ ಅತಿ ಅವಶ್ಯಕ.

4. ಒಂದು ಚಮಚ ಚಕ್ಕೆ ಪುಡಿಗೆ ಮೂರು ಚಮಚ ಜೇನು ತುಪ್ಪ ಬೆರೆಸಿ ಮುಖಕ್ಕೆ ಹಚ್ಚಿಕೊಂಡು ರಾತ್ರಿಯಿಡೀ ಬಿಡಬೇಕು. ನಂತರ ಬೆಳಗ್ಗೆ ತಣ್ಣಗಿನ ನೀರಿನಲ್ಲಿ ಅದನ್ನು ಮೃದುವಾಗಿ ಉಜ್ಜಿ ತೊಳೆದುಕೊಳ್ಳಬೇಕು. ಚೆಕ್ಕೆ ಮತ್ತು ಜೇನು, ಇವೆರಡೂ ಸ್ಕ್ರಬ್ ನಂತೆ ಕೆಲಸ ನಿರ್ವಹಿಸುತ್ತವೆ. ಆದರೆ ಜೇನು ಕಣ್ಣಿನ ರೆಪ್ಪೆಗಳಿಗೆ ಮತ್ತು ತಲೆಗೂದಲಿಗೆ ತಾಕದಂತೆ ಎಚ್ಚರವಹಿಸಬೇಕು.

5. ಮುಖವನ್ನು ಎಷ್ಟು ಶುದ್ಧವಾಗಿಟ್ಟುಕೊಳ್ಳುತ್ತೀರೊ ಅಷ್ಟೂ ಒಳ್ಳೆಯದು. ಶುದ್ಧವಾಗಿಟ್ಟುಕೊಳ್ಳುವುದು ಬ್ಲಾಕ್ ಹೆಡ್ ಬರದಂತೆ ತಡೆಯುವ ಅತ್ಯಂತ ಸುಲಭವಾದ ಮಾರ್ಗ.

ಈ ಸಲಹೆಗಳನ್ನು ಆಗಾಗ್ಗೆ ಪಾಲಿಸುತ್ತಾ ಬಂದರೆ ಯಾವುದೇ ಅಡ್ಡ ಪರಿಣಾಮವಿಲ್ಲದೆ ನಿಮ್ಮ ತ್ವಚೆ ನೈಸರ್ಗಿಕವಾಗಿ ಸುಂದರಗೊಳ್ಳುತ್ತದೆ.